ISAÏAH 6:1 - Khasi CL Bible (BSI)

¹ Ha ka snem ba u syiem Ussaïah u ïap, nga la ïohi ïa U Trai. U da shong halor ka khet, hajrong bad kaba la pynkyntiew, bad ka jaiñkup jong u ka pyndap ïa ka Templ baroh kawei.

KA BAIBL

¹ Ha ka snem ba u syiem Ussiah u la ïap, nga la ïohi ïa U Trai ba u da shong halor ka khet bajrong, bad ba la pynkyntiew, bad ka jaiñ shympyiar jong u ka la pyndap ïa ka templ.

ISAÏAH 6:1 ပူးပေါင်းရင်းမြစ်များ

1 SYIEM 22:19

U Mikaïah u ong shuh shuh: “Mynta sngap ïa kaei ba U Trai u ong! Nga ïohi ïa U Trai ba u shong ha ka khet jong u ha bneng, lem bad ki angel jong u kiba ïeng hajan jong u.

2 SYIEM 15:7

U Ussaïah u la ïap bad la tep ha ka jingtep ki syiem ha ka Nongbah u Dabid, bad u Jotham u khun jong u, u long syiem ha ka jaka jong u.

2 KHRONIKL 18:18

U Mikaïah u ong shuh: “Mynta sngap ïa kaei kaba U Trai u ong! Nga ïohi ïa U Trai ba u shong halor ka khet jong u ha bneng, ryngkat bad baroh ki angel jong u kiba ïeng harud jong u.

Ka Kitab U Job 42:5

Mynshuwa nga la tip tang ïa kaei kaba kiwei ki la ïathuh ïa nga, da kaba nga ïohsngew pateng na kiwei; hynrei mynta nga la ïohi ïa me da la ki jong ki khmat.

SALM 108:5

To pyn-i ïa ka jingkhraw jong me ha ka sahit bneng, A Blei, bad ka burom jong me halor ka pyrthei baroh.

SALM 113:5

Ym don uno uno uba kum U Trai U Blei jong ngi. U shong ha kiba kynjang shajrong,

SALM 46:10

“Sangeh ka jingïaleh,” u ong, “to tip ba nga long U Blei, uba ha khlieh duh hapdeng ki jaitbynriew, uba ha khlieh duh ha ka pyrthei baroh.”

EKSODOS 24:9

U Moses, u Aaron, u Nadab, u Abihu, bad hynñiewphew ngut ki nongïalam jong ki Israel, ki ïaleit kiew ïa uta u lum,

ISAÏAH 1:1

Kane ka kitab ka don ki khubor shaphang ka Judah bad ka Jerusalem kaba U Blei u la pynpaw ha u Isaïah u khun jong u Amos ha ka por ha kaba u Ussaïah, u Jotham, u Ahas bad u Hesekaïah ki long ki syiem ka Judah.

ISAÏAH 12:4

Ka sngi ka wan ha kaba ki briew kin rwai, “To ainguh ïa U Trai! To khot kyrpad ïa u ban ïarap ïa phi! Ïathuh ha ki jaitbynriew baroh ïa kaei kaba u la leh! Ïathuh ïa ki haduh katno u long uba khraw!

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

ESEKIEL 1:1

Ha ka sngi kaba san jong u bnai uba saw jong ka snem kaba laiphew, ma nga, u Esekiel u lyngdoh, u khun jong u Busi, nga dang ïashong ïasah ryngkat bad ki Jiw ba la shah ringmraw harud ka wah Khebar ha Babilonia. Ka bneng ka la plie wang, bad nga la ïohi ïa U Blei ha ka jingïohipaw.

ESEKIEL 10:1

Nga la khmied sha tnum halor ki khlieh ki kherub bad halor jong ki ka don kaei kaei kaba i kum ka khet ba la shna na u mawkordor sapphir.

ESEKIEL 10:4

Te ka jingshai batyngshaiñ jong ka jingdon U Trai ka la kiew noh na ki kherub sha ka jaka rung jong ka Templ. Te u lyoh u la tap ïa ka Templ, bad kata ka phyllaw ka phyrnai da ka jingshai.

DANIEL 10:17

Nga long kum u mraw uba ïeng ha khmat u kynrad jong u. Kumno nga lah ban ïakren bad phi? Ngam donbor lane jingpynhiar mynsiem kaba dang sah ha nga.”

DANIEL 7:9

Mynba nga dang khmih, la buh ïa ki khet ha la ki jaka. Uta uba la im junom u la shong halor kawei na ki khet. Ki jaiñ jong u ki la long kiba lieh kum ka ïor, bad u shñiuh jong u, u long kum u 'saiwul nylla. Ïa ka khet jong u, la buh halor ki shalyntem ding, kaba la klang da ka ding,

JINGKHEIÑ 12:8

Kumta nga ïakren bad u markhmat, da kaba shai, bad ym ha ki jingkyntip; u la ïohi wat ïa ka dur jong nga. Kumno keiñ phi nud ban kren pyrshah ïa u Moses u shakri jong nga?”

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 12:41

U Isaïah u la ong ïa kane namar u la ïohi ïa ka burom U Jisu bad u la kren shaphang jong u.

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

JINGPYNPAW 15:8

Ïa ka templ la pyndap da ka tdem na ka burom bad ka bor jong U Blei, bad ym don mano mano ba lah ban leit shapoh ka templ tad haduh ba ki hynñiew tylli ki khlam ba la wanrah da ki hynñiew ngut ki angel, ki la poi sha kaba kut.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 4:10

Haba ki leh kumta, kita ki arphew saw ngut ki nongsharai balang ki la dem khrup ha khmat uta uba shong halor ka khet, bad mane ïa u, uba im junom la junom. Ki bret ïa ki pansngiat jong ki ha khmat jong ka khet bad ki ong,

JINGPYNPAW 4:2

Mar kumta hi, U Mynsiem u la shimti ïa nga. Hangta ha bneng la don ka khet bad la don uwei uba shong halor jong ka.

JINGPYNPAW 4:3

Ka durkhmat jong u ka phyrnai kum ki mawkordor, kum u Jasper bad u Karnelian, bad baroh sawdong ka khet la don u simpyllieng uba don ka rong kum ka jong u Emerald.

JINGPYNPAW 4:9

Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.

JINGPYNPAW 5:1

Nga la ïohi ïa ka kot kli ha ka kti kamon jong uta uba shong halor ka khet; kaba la dap da ka jingthoh ha baroh arliang bad kaba la pyndait da ki hynñiew tylli ki jingpyndait.

JINGPYNPAW 5:7

U Khunlangbrot u la leit bad u la shim ïa ka kot kli na ka kti kamon jong uta uba shong halor ka khet.

JINGPYNPAW 6:16

Ki la pyrta ha ki lumbah bad ha ki mawsiang, “To tap halor jong ngi bad to buhrieh noh ïa ngi na ki khmat jong uta uba shong halor ka khet bad na ka jingbitar U Khunlangbrot!