ISAÏAH 57:7 - Khasi CL Bible (BSI)

⁷ Phi leit sha ki lum kiba jrong ban kñia ainguh bad ïathiah shongkha.

KA BAIBL

⁷ Me la buh ïa la ka jingthiah halor u lum bakhraw bad bajrong: shata ruh me la leit kiew ban ai jingkñia.

ISAÏAH 57:7 ပူးပေါင်းရင်းမြစ်များ

ISAÏAH 57:3

Ale hangne ban shah bishar, a phi ki nongpop! Phim long kham bha ban ïa ki nongleh byrtong, kiba klim bad ki nuti.

ISAÏAH 65:7

na ka bynta ki pop jong ki bad ki pop jong ki kpa tymmen jong ki. Ki la thang ki jingiwbih ha ki duwan thala kiba halor ki lum bad ki la kren sniew ïa nga. Kumta ngan pynshitom ïa ki kumba ka dei hok ïa ki namar ki kam ba ki la leh mynshuwa.”

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 3:2

Khmih shatei halor ki kliar lum. Hato don kano kano ka jaka ha kaba pham shym la leh kum ka nuti? Pha la ap ïa ki nongleh-ieit shi lynter ka rud surok, kumba u Arab u apthap ha ka ri shyiap. Pha la pyntngit ïa ka ri da ka jingleh nuti jong pha.

JEREMAÏAH 3:6

Mynba u Josaïah u long syiem, U Trai u la ong ha nga, “Hato me la ïohi ïa kaei ba ka Israel, kata ka kynthei bymïaineh, ka la leh? Ka la phai lyndet noh na nga, bad halor uwei pa uwei u lum bajrong bad hapoh uwei pa uwei u dieng bajyrngam, ka la leh kum ka nuti.

ESEKIEL 16:16

Pha la pyndonkam katto katne tylli ki jaiñ jong pha ban pynitynnat ïa ki jaka mane jong pha, bad kum ka nuti, pha la ai ïa lade ha uei uei baroh.

ESEKIEL 16:24

harud jong kawei pa kawei ka surok pha la tei ki jaka ban mane ïa ki bleithaw bad ban ïaleh nuti.

ESEKIEL 16:25

Pha pynbyrsieh ïa la ka jingbhabriew ha ka ktieh, pha ai ïa lade ha uwei pa uwei uba wan najan, bad pha la kham long kum ka nuti man la ka sngi.

ESEKIEL 23:17

Ki nong Babilonia ki wan ïathiah shongkha bad ka. Ki pyndonkam ïa ka bad ki pyntngit ïa ka katta katta haduh ba khatduh kan da sngewngiah ïa ki.

ESEKIEL 23:41

Ki da shong ha ki jingthiah ba-itynnat, bad ha khmat jong ki kin buh ïa ka miej ba la dap da kiei kiei kiba bha, ba kynthup ïa ki jingiwbih bad ka umphniang Olib kaba nga la ai ha ki.

ESEKIEL 6:13

Ïa ki metïap yn pynsaphriang hapdeng ki bleithaw bad sawdong ki duwan, yn pynsaphriang halor uwei pa uwei u lum uba jrong, ha kliar uwei pa uwei u lumbah, ha trai uwei pa uwei u dieng jyrngam bad uwei pa uwei u dieng Sning uba heh, ha ki jaka baroh ba ki thang ïa ki jingkñia ïa ki bleithaw jong ki.