ISAÏAH 57:6 - Khasi CL Bible (BSI)

⁶ Phi shim ïa ki maw kiba jlih nangta bad mane ïa ki kum ki blei. Phi theh ïa ka waiñ kum ka jingainguh ïa ki bad wallam sha ki ïa ki jingainguh kew. Phi tharai ba ngan sngewbha da kine kiei kiei?

KA BAIBL

⁶ Hapdeng ki maw jlih jong ka them ka long ka bynta jong me; kita keiñ ki long ka bynta ba hap jong me; ha kita ruh me la theh noh ka jingainguh dih, me la ainguh ïa ka jingainguh. Hato yn pynsngewhun ïa nga ha kine kiei kiei?

ISAÏAH 57:6 ပူးပေါင်းရင်းမြစ်များ

ISAÏAH 65:11

“Hynrei kan long pher ïa phi kiba la kyntait ïa nga, kiba lyndet ïa ka Seïon, u lum bakyntang jong nga, bad mane ïa u Gad bad u Meni, ki blei ka nusip bad ka kupar.

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

JEREMAÏAH 19:13

Ki ïing jong ka Jerusalem bad ki ïing jong ki syiem ka Judah, bad shisha baroh ki ïing ha kiba halor ki tnum jong ki la thang ïa ki jingiwbih sha ki khlur bad ha kaba ïa ka waiñ la theh kum ka jingainguh sha kiwei pat ki blei — ma ki baroh kin long ki bymkhuid kum ka Topheth.”

JEREMAÏAH 3:9

bad kam shym lehrain satia. Ka la pyntngit ïa ka ri, bad ka la leh awria da kaba mane ïa ki maw bad ki dieng.

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 5:29

“Hynrei ma nga, U Trai, ngan pynshitom ïa ki na ka bynta kine kiei kiei, ngan pynhiarkput halor kane ka jaitbynriew.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 7:18

Ki khynnah ki lum diengthang, ki rangbah ki sliew ding, bad ki kynthei ki khleh kpu ban shet kpu ïa ka blei kaba ki khot ka Syiem jong ka Bneng. Ki la theh ruh ïa ki jingainguh waiñ ha kiwei pat ki blei, khnang ban pynmong ïa nga.

JEREMAÏAH 9:9

Hato ngan ym pynshitom ïa ki na ka bynta kine kiei kiei? Hato ngan ym pynhiarkput halor ka jaitbynriew kaba kum kane? Ma nga, U Trai, nga la kren.”

ESEKIEL 20:39

U Trai Nongsynshar u ong, “Bad mynta, ma phi ki Israel baroh, to pynsngewbha ïa lade! To khie bad to shakri ïa ki bleithaw jong phi! Hynrei nga maham ïa phi ba hadien kane, phi dei ban kohnguh ïa nga bad sangeh ban pynjahburom ïa ka kyrteng jong nga da kaba ai ki jingai sngewbha ha ki bleithaw jong phi.

HABAKKUK 2:19

Phi long ba la tim! Phi ong ha ka lyngkhot dieng, “Khie noh!” ne ïa u maw, “Ïeng joit!” Hato ka bleithaw ka lah ban pynpaw ei ei ïa phi? Lah ban suit ïa ka da ka rupa bad ka ksiar, hynrei ym don jingim ha ka.