ISAÏAH 57:5 - Khasi CL Bible (BSI)

⁵ Phi mane ïa ki blei pynkharoi da kaba ïathiah shongkha hapoh ki dieng bakyntang jong phi; phi ai ïa la ki khun kum ki jingkñia hapoh ki synrang mawsiang harud ki phud wahduid.

KA BAIBL

⁵ phi kiba ïa-ing hapdeng ki dieng Sning, hapoh u dieng jyrngam baroh; kiba pynïap ïa ki khun ha ki them, hapoh ki ar khap mawsiang?

ISAÏAH 57:5 ပူးပေါင်းရင်းမြစ်များ

1 SYIEM 14:23

Ki tei ki jaka mane ïa ki blei thala, bad ki pynïeng ïa ki maw mot bad ki durblei Asherah ban mane ha ki jaka lum bad hapoh syrngiew ki dieng.

2 SYIEM 17:10

Ha baroh ki lumrit bad ha syrngiew jong uwei pa uwei u dieng ki pynïeng ïa ki païa maw bad ki dur jong ka blei Asherah,

2 SYIEM 17:7

Ka Samaria ka kyllon noh namar ki Israel ki leh pop pyrshah ïa U Trai U Blei jong ki, uba la pyllait im ïa ki na u syiem ka Ijipt bad la ïalam noh bak ïa ki na Ijipt.

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

2 KHRONIKL 28:3

u thang jingiwbih ha ka Them Hinnom, bad u kñia wat ïa la ki jong ki khun shynrang kum ki jingainguh thang ïa ki bleithaw, da kaba bud ïa ka jingleh ba-ijli jong ki jaitbynriew ïa kiba U Trai u la beh noh na ka ri katba ki Israel ki nang tur shaphrang.

EKSODOS 32:6

Dang step phyrngab ha ka sngi kaba bud, ki la wallam katto katne ki mrad ba yn thang kum ki jingkñia bad ïa kiwei pat ban ïabam kum ki jingainguh ïasyllok. Ki briew ki la ïashong ban ïakhawai, kaba la kylla long ka jingïaleh shongshit ha ka ïadih ïabam bad ïaleh awria.

ISAÏAH 1:29

Phin sngewsih ba phi la ju mane ïa ki dieng bad thung ki kper kyntang.

JEREMAÏAH 17:2

Ki briew jong phi ki mane ha ki duwan bad ïa ki dak kiba la pynïeng na ka bynta ka blei Asherah harud jong uwei pa uwei u dieng bajyrngam, ha ki kliar lum

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 3:6

Mynba u Josaïah u long syiem, U Trai u la ong ha nga, “Hato me la ïohi ïa kaei ba ka Israel, kata ka kynthei bymïaineh, ka la leh? Ka la phai lyndet noh na nga, bad halor uwei pa uwei u lum bajrong bad hapoh uwei pa uwei u dieng bajyrngam, ka la leh kum ka nuti.

JEREMAÏAH 32:35

Ki la tei ki duwan ïa u Baal ha ka Them Hinnom, ban kñia ïa ki khun shynrang bad ki khun kynthei jong ki ha u blei Molekh. Ngam shym la hukum ïa ki ban leh ïa kane, bad kam ju rung wat ha ka jingmut jong nga ba kin leh kum ïa kata kaei kaei bad pynlong ïa ki paid Judah ban leh pop.”

JEREMAÏAH 50:38

Wallam ïa ka jingrang ryngkhiang ha ka ri jong ka bad pynrngad lut ïa ki wah jong ka. Ka Babilonia ka long ka ri jong ki bleithaw ba-ishyrkhei, kiba la pynkylla bieit ïa ki briew.

JEREMAÏAH 51:7

Ka Babilonia ka long kum ka khuri ksiar ha ka kti jong nga, ba pynlong ïa ka pyrthei baroh kawei ban buaid. Ki jaitbynriew ki dih ïa ka waiñ bad ki kylla khleh bieit.

JEREMAÏAH 7:31

Ha ka Them Hinnom ki la tei ka duwan ba la khot ka Topheth, khnang ba ki lah ban kñia ïa ki khun shynrang bad ki khun kynthei jong ki hapoh ka ding. Ngam shym la hukum ïa ki ban leh ïa kane — kam shym la rung wat ha ka jingpyrkhat jong nga.

ESEKIEL 16:20

“Nangta pha la shim ïa ki khun shynrang bad ki khun kynthei kiba pha la kha ïa nga bad pha la ainguh ïa ki kum ka jingkñia ha ki bleithaw. Hato kam shym long kaba sniew eh ban ym ïaineh ha nga,

ESEKIEL 20:26

Nga shah ïa ki ban pyntngit ïa lade da ki jingainguh jong ki hi, bad nga shah ïa ki ban kñia ïa ki khun shynrang banyngkong jong ki. Kane ka la long ban pynshitom ïa ki bad pyn-i ha ki ba nga long U Trai.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 20:31

Wat haduh mynta phi ai ïa kijuh ki jingai sngewbha bad pyntngit ïa lade da kijuh ki bleithaw da kaba kñia ïa la ki khun sha ki ha ka ding. Bad nangta ma phi ki Israel phi dang ïai wan ban kylli kaei ka long ka mon jong nga! Kumba da shisha ma nga, U Trai Nongsynshar, nga long U Blei uba im, ngan ym shah ïa phi ban kylli ei ei na nga.

ESEKIEL 6:13

Ïa ki metïap yn pynsaphriang hapdeng ki bleithaw bad sawdong ki duwan, yn pynsaphriang halor uwei pa uwei u lum uba jrong, ha kliar uwei pa uwei u lumbah, ha trai uwei pa uwei u dieng jyrngam bad uwei pa uwei u dieng Sning uba heh, ha ki jaka baroh ba ki thang ïa ki jingkñia ïa ki bleithaw jong ki.

LEBITIKOS 18:21

Wat ai noh ïano ïano na ki khun jong me ba yn pyndonkam ha ka jingmane ïa u blei Molekh, naba kata kan pynjahburom ïa ka kyrteng U Blei, U Trai.

JINGKHEIÑ 25:6

Uwei u Israel u la ïalam ïa kawei ka kynthei Midian sha la ïingjaiñ, ha kaba ïohi jong u Moses bad ka kynhun baroh, katba ki dang ïa-ïam sngewsih ha ka jingkhang ka Ïingjaiñ ka Jingdon Ryngkat U Trai.

DEUTERONOMI 12:2

Ha kata ka ri ba phi ïohkynti, pynjot ïa ki jaka baroh ha kiba ki briew ki mane ïa ki blei jong ki ha ki lum kiba jrong, ha ki lumrit, bad hapoh ki dieng kiba jyrngam.

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”