ISAÏAH 57:18 - Khasi CL Bible (BSI)

¹⁸ “Nga la ïohi kumno ki im, hynrei ngan pynkhiah pat ïa ki. Ngan ïalam ïa ki bad ïarap ïa ki, bad ngan pyntngen ïa kito kiba ïam sngewsih.

KA BAIBL

¹⁸ Nga la ïohi ïa ki lynti jong u, te ngan pynkhiah ïa u: ngan ïalam ruh ïa u, bad ngan ai pat ki jingtngen ha u, bad ha kiba ïambriew jong u.

ISAÏAH 57:18 ပူးပေါင်းရင်းမြစ်များ

SALM 23:2

U shah ba ngan shong jahthait ha ki madan phlang bajyrngam bad u ïalam ïa nga sha ki pung-um basngur kiba jai jai.

SALM 51:12

To ai pat ha nga ïa ka jingkmen kaba wan na ka jingpynim jong me, bad pynlong ïa nga uba mon ban kohnguh ïa me.

SALM 94:19

Haba nga lyng-a bad khuslai, me pyntngen bad pynkmen ïa nga.

EKLESIASTIS 9:4

Hynrei uno uno uba im ha ka pyrthei kiba im u don katto katne ka jingkyrmen; u ksew uba im u kham bha ban ïa u sing ba la ïap.

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 19:22

U Trai un pynshitom ïa ki Ijipt, hynrei pynban un pynkhiah ïa ki. Kin phai sha u, bad un ïohsngew ïa ki jingduwai jong ki bad pynkoit ïa ki.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

ISAÏAH 49:10

Kin ym shahthngan lane sliang shuh. Ka jingshit jong ka sngi bad ka ri shyiap kin ym pynjynjar ïa ki, namar yn ïalam ïa ki da uta uba ieit ïa ki. Un ïalam ïa ki sha ki umpohliew.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 52:12

Ha kane ka sien phin ym hap mihnoh ha ka jingkyrkieh; phin ym pyrshang ban phet noh. U Trai U Blei jong phi un ïalam ïa phi bad un ïada ïa phi na ki liang baroh.

ISAÏAH 53:5

Hynrei namar ki pop jong ngi ïa u la pynmong, la sympat namar ka jingbymman kaba ngi la leh. La pynkhiah ïa ngi da ka jingpynshitom kaba u la shah, la pynkhiah ïa ngi da ki jingsympat kiba u la ïoh.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 58:11

Bad ngan ïalam ïa phi borabor, bad pynkdang ïa phi da kiei kiei kiba bha. Ngan pynlong ïa phi kiba khlaiñ bad khiah krat. Phin long kum ka kper kaba pahuh um, kum ka umpohliew ka bym ju rngad.

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 31:3

Ko ki paid Israel, nga la ieit ïa phi borabor, kumta nga ïai pyn-i ïa phi ïa ka jingieit baneh jong nga.

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

SEKHARAÏAH 1:13

U Trai u la jubab ïa u angel da ki kyntien pyntngen,

LOUKAS 15:20

Kumta u la ïeng joit bad u la leit phai pat sha la u kpa. “U dang kham pajih ha ka lynti na ïing haba u kpa jong u, u la ïohi ïa u; ka dohnud jong u ka la dap da ka jingisynei, bad u la mareh, u la piam ïa la ki kti sawdong jong u, bad u la doh ïa u.

Ka Shithi U Paul Sha Ki Nong Rom 5:20

Ïa ka Hukum la pynmih khnang ban pynbun ïa ka jingleh bymdei; hynrei haba ka pop ka man bun, ka jingaiei U Blei ka nang kham khraw.