ISAÏAH 57:10 - Khasi CL Bible (BSI)

¹⁰ Phi pynthait ïa lade ban leit wad ïa kiwei pat ki blei, hynrei phim shym la sangeh. Phi pyrkhat ba ki bleithaw ba-ijli jong phi kin ai bor ïa phi, bad kumta phim ju khie tlot.

KA BAIBL

¹⁰ Me la sngewthait da ka jingjlan ka lynti jong me; pynban, mem shym la ong, “Ym don jingkyrmen:” me la shem ka jingpynthymmai ïa la ka bor; namar kata, mem shym la sngewlwait.

ISAÏAH 57:10 ပူးပေါင်းရင်းမြစ်များ

JEREMAÏAH 2:25

Ko Israel wat pynlwait ïa ki kjat jong me, lane shah ïa u pdot jong me ban tyrkhong na kaba beh ïa kiwei pat ki blei. Hynrei me ong, ‘Em! Ngam lah ban phai dien. Nga la ieit ïa ki blei nongwei bad ngan leit hadien jong ki.’ ”

JEREMAÏAH 18:12

Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

Ka Shithi U Paul Sha Ki Nong Rom 7:9

Ma nga, shisien nga la im khlem ka hukum; hynrei haba ka hukum ka la wan, ka pop ka khie im, bad nga la ïap.

HABAKKUK 2:13

Ki jaitbynriew kiba phi la jop ki la pynshohthait ïa lade da ka jingtrei bymmyntoi, bad baroh kaba ki la tei la bam duh ha ka ding. U Trai Badonbor Baroh u la leh ïa kane.

ESEKIEL 24:12

wat la ka sarang baroh kan ym jah ha ki thylliej ding.

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

ISAÏAH 47:13

Pha long kaba khlem bor wat la pha ïoh ïa ka jingai jingmut. To ai ba ki nongbatai kupar kin wan sha khmat ban pyllait im ïa pha — kito ki briew kiba wad jingtip shaphang ki khlur, kiba pruid dak ïa ki bynta jong ki bneng bad ïathuh ïa pha na uwei u bnai sha uwei pat kaei ka ban jia ïa pha.