ISAÏAH 56:3 - Khasi CL Bible (BSI)

³ U nongwei uba pynïasoh bad u paidlang jong U Trai um dei ban ong, “U Trai un ym shah ïa nga ban mane bad ki briew jong u.” U briew ba la shah dab um dei ban pyrkhat namar ba um lah ban don khun, um lah ban don bynta lang bad ki paidlang U Blei.

KA BAIBL

³ Lymne u nongwei, uba la pynïasoh ïa lade ha U Trai, to un ym kren shuh, da kaba ong, “Shisha U Trai un pynïakhlad ïa nga na la u paidlang:” lymne u ïunukh un ym ong shuh, “Ha khmih, nga long u dieng batyrkhong.”

ISAÏAH 56:3 ပူးပေါင်းရင်းမြစ်များ

2 KHRONIKL 6:32

“Haba u nongwei uba shong basah ha ka ri bajngai u ïohsngew katno me long uba khraw bad uba donbor bad kumno me long uba kloi borabor ban leh ïa kano kano, bad haba u wan ban duwai ha kane ka Templ, to shahshkor ïa ka jingduwai jong u.

ESTHER 9:27

ki Jiw ki pynlong ïa ka, ka aiñ na ka bynta ïa lade, ki khun ki ksiew jong ki bad mano mano ki ban kylla Jiw, ba ha ka por kaba dei man ka snem, ïa kine ki ar tylli ki sngi yn rakhe borabor kat kum ki jingbthah u Mordekai.

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

ISAÏAH 39:7

Khyndiat na ki khun ki ksiew jong me hi yn sa ïalam noh bad ban pynlong ki ïunukh ban shakri ha ka ïingsyiem jong u syiem ka Babilonia.”

ISAÏAH 56:5

te ïa ka kyrteng jong me yn ïai kynmaw ha ka templ jong nga bad hapdeng ki briew jong nga kham slem ban ïa kaba me don ki khun shynrang bad ki khun kynthei. Yn ym klet ïa me lano lano ruh.”

ISAÏAH 56:6

Bad U Trai u ong ha kito ki nongwei kiba la pynïasoh bad ki briew jong u, kiba ieit ïa u bad kiba shakri ïa u, kiba sumar ïa ka Sabbaton bad kiba batskhem ïa ka jutang jong u.

JEREMAÏAH 50:5

Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

LEBITIKOS 21:20

uba kdor ka ingdong lane u khyndai khup; uba pang khmat, uba ïoh 'ñiangdait, uba don prum, lane u ïunukh.

LEBITIKOS 25:45

Phi lah ruh ban thied ïa ki khun jong ki nongwei kiba shong hapdeng jong phi. Kum kita ïa kiba la kha ha ka ri jong phi ki lah ban long ka jingïohkynti jong phi,

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

JINGKHEIÑ 18:4

Ki dei ban ïarap ïa me bad pyndep ïa la ki kamram kiba ïadei bad ka jingshakri ha ka Ïingjaiñ, hynrei uno uno u bym bit bym biang um lah ban ïarap ïa me.

JINGKHEIÑ 18:7

Hynrei tang ma me bad ki khun shynrang jong me phin pyndep ïa ka jingkitkhlieh ka jinglong lyngdoh kaba ïadei bad ka duwan bad kaei kaba don ha ka Jaka kaba Kyntang Tam. Kine kiei kiei ki long ki jingkitkhlieh jong me, naba nga la ai ha me ïa ka kam lyngdoh kum ka jingai sngewbha. Uno uno uwei pat u briew u bym bit bym biang uba wan hajan kita ki tiar kiba kyntang un shah pynïap.”

KI KAM 10:34

U Petros u la sdang ban kren: “Mynta nga sngewthuh ba ka long kaba shisha ba U Blei u ñiew kumjuh ïa uno uno baroh.

KI KAM 17:4

Katto katne ngut na ki, ki la sngewïahap bad ki la ïasoh bad u Paul bad u Silas; kumta ruh ka la long ïa kiba bun ki kynthei kiba pawkhmat bad ka kynhun bah jong ki Grik kiba la mane ïa U Blei.

KI KAM 18:7

Kumta u la iehnoh ïa ki bad u la leit sah noh ha ka ïing jong u Jentil uba kyrteng u Titius Justos, uba mane ïa U Blei; ka ïing jong u ka don ha syndah jong ka synagog.

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

1 KORINTH 6:17

Hynrei uta uba pynïasoh ïa lade sha U Trai u long kawei bad u ha kaba kynja mynsiem.

EPHESOS 2:12

Ha kata ka por phi la long khlem U Khrist. Phi la long ki nongwei bad phim shym la dei ki briew ba la jied jong U Blei. Phim shym la don bynta ha ki jutang, kiba la pynshong nongrim ha ki jingkular jong U Blei sha ki briew jong u, bad phi la im ha kane ka pyrthei khlem jingkyrmen bad khlem U Blei.

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

DEUTERONOMI 23:9

“Haba phi don ha ka jaka shong dara ha ka por thma, kiar na kano kano ka ban pynlong ïa phi ki bymkhuid.

1 PETROS 1:1

Na u Petros, u Apostol U Jisu Khrist — Sha ki briew ba la jied jong U Blei kiba im kum ki nongphetwir kiba la pynsakma kylleng ki probins jong ka Pontos, ka Galatia, ka Kappadokia, ka Asia bad ka Bithynia.