ISAÏAH 54:9 - Khasi CL Bible (BSI)

⁹ “Ha ka por u Noah nga la kular ba ngan ym pynshlei shuh ïa ka pyrthei. Mynta nga kular ba ngan ym bitar shuh ïa pha; ngan ym mai ne pynshitom ïa pha.

KA BAIBL

⁹ “Naba kane ka long kum ki um u Noah ha nga: naba kumba nga la smai ba ki um u Noah kin ym tyllep shuh ïa ka khyndew, kumta nga la smai ba ngan ym bitar bad pha, lymne sneng ïa pha.

ISAÏAH 54:9 ပူးပေါင်းရင်းမြစ်များ

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

Ka Kitab U Job 11:16

Nangta baroh ki jingjynjar jong me kin shu jah noh na ki jingkynmaw jong me, kum ki jingshlei um kiba la ïaid lait noh bad ym don jingkynmaw shuh.

SALM 104:9

Me buh ïa u pud ba kim lah ban jam palat, ban pynlong ïa ki ba kin ym tap biang ïa ka pyrthei.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 49:18

Khmih baroh sawdong bad peit kaei kaba jia! Ki briew jong pha ki ïalumlang — ki ïawan sha la ïing! Kumba nga long U Blei uba im, phan sngewsarong ïa la ki briew, kumba sngewsarong ka nongleitkurim ïa la ki mawlynnai.

ISAÏAH 51:22

U Trai U Blei jong phi u ïada ïa phi bad u ong, “Nga shim noh ïa ka khuri kaba nga la ai ha phi ha ka jingbitar jong nga. Phin ym hap ban dih shuh ïa ka waiñ kaba pynlong ïa phi ban ïaid sheng sheng.

ISAÏAH 51:6

Khmih sha ki bneng; peit ha ka pyrthei! Ki bneng kin jah noh kum ka tdem; ka pyrthei kan jot noh kum ki jaiñ ba la rim, bad ki briew jong ka baroh kin ïap kum ki skain. Hynrei ka jingpyllait kaba nga wallam kan neh junom; ka jingjop jong nga kan long kaba kut.

ISAÏAH 51:8

kin jah noh kum ki jaiñ ba la bam khñiang! Hynrei ka jingpyllait kaba ngan wallam kan neh junom; ka jingjop jong nga kan neh ha ki por baroh.”

ISAÏAH 55:11

Kumta ruh kan long ka ktien kaba nga kren — kan ym pep ban pyndep ïa kaei kaba nga thmu na ka bynta jong ka; kan pynlong ïa kiei kiei baroh kiba nga phah ïa ka ban leh.

ISAÏAH 62:8

U Trai u la pynlong ka jingkular bakyntang bad da ka bor jong u, un pynlongkam ïa ka: “U kew jong pha un ym long shuh ka jingbam ïa ki nongshun jong pha, bad ki nongwei kin ym ïoh shuh ban dih ïa ka waiñ jong pha.

JEREMAÏAH 31:37

Lada ha kawei ka sngi ïa ka suiñbneng la lah ban thew bad ïa ki nongrim ka pyrthei la ïitbniah, tang kata hi ka ban pynlong ba un kyntait ïa ki paid Israel namar baroh kaba ki la leh. U Trai u la kren.

ESEKIEL 16:42

Te ka jingbitar jong nga kan kut bad ngan long jai jai. Ngan ym bitar lane bishni shuh.

ESEKIEL 39:20

Ha ka miej jong nga kin bam baroh katba lah na ki kulai bad ki nongshong kulai jong ki bad na ki shipai bad ki nongïaleh. Ma nga, U Trai Nongsynshar, nga la kren.”

ESEKIEL 39:29

Ngan theh buk ïa U Mynsiem jong nga ha ki paid Israel, bad ngan ym phai dien shuh na ki. Ma nga, U Trai Nongsynshar, nga la kren.”