ISAÏAH 53:9 - Khasi CL Bible (BSI)

⁹ La buh ïa u ha ka jingtep lem bad ki bymman, la tep ïa u bad kiba riewspah, wat la um shym la leh kano kano ka kam bymman lane um shym la shukor ïano ïano.”

KA BAIBL

⁹ Bad ki la pynlong ïa ka jingtep jong u lem bad ki bymman, lem bad u bariewspah ruh ha ka jingïap jong u; la um shym la leh jubor, lymne ym shym la don ka buit phon ha ka shyntur jong u.

ISAÏAH 53:9 ပူးပေါင်းရင်းမြစ်များ

1 KORINTH 15:4

ba la tep ïa u bad ba la pynmihpat ïa u hadien lai sngi, kumba la thoh ha ki Jingthoh Bakhuid;

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

1 PETROS 2:22

Um shym la leh pop, bad ym shym don mano mano ba la ïohsngew ïa ka jinglamler kaba mih na ki rmiang shyntur jong u.

1 ÏOANNIS 3:5

Phi tip ba U Khrist u la paw ban bah noh ïa ki pop, bad kam don kano kano ka pop ha u.