ISAÏAH 53:7 - Khasi CL Bible (BSI)

⁷ “U la shah lehbeiñ sat, hynrei u la shah da kaba sngewrit; um shym la kren shikyntien ruh. Kum i khunlangbrot ban sa shah pynïap, kum ka langbrot ka ban sa shah khih ïa la u shñiuh, um shym kren shikyntien ruh.

KA BAIBL

⁷ La banbeiñ ïa u, pynban, u la pynrit ïa lade bad um shym la ang la ka shyntur; kum i khun langbrot ba la ïalam sha ka jingpynïap, bad kum ka langbrot kaba sngap jar ha khmat ki nongot shñiuh jong ka; shisha, um shym ang la ka shyntur.

ISAÏAH 53:7 ပူးပေါင်းရင်းမြစ်များ

SALM 38:14

Nga long kum u briew u bym lah ban jubab, namar um lah ban ïohsngew.

SALM 38:15

Hynrei nga shaniah ha me, A Trai; bad me, A Trai U Blei jong nga, u ban jubab ïa nga.

SALM 44:22

Hynrei ka dei na ka bynta jong me, ba ïa ngi la pynïap noh man la ka por, ba la pynlong ïa ngi kum ki langbrot ba dei ban shah pynïap.

ISAÏAH 50:6

Nga pynshah da ka met sha kito kiba shoh ïa nga. Ngam shym pynsangeh ïa ki haba ki krenbeiñ ïa nga, haba ki patrong ïa ki shñiuh na u 'ñiuhtmoh jong nga bad bynthiew ha ka khmat jong nga.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

JEREMAÏAH 11:19

Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

MATHAÏOS 26:63

Hynrei U Jisu u shu sngap. Sa shisien pat u Rangbah Lyngdoh u la kren ha u, “Ha ka kyrteng jong U Blei uba im, mynta nga buh ïa me ha ka jingsmai: Ïathuh ïa ngi lada me dei u Messaïah, U Khun U Blei.”

MARKOS 14:61

Hynrei U Jisu u la sngap jar bad um ong shikyntien ruh. U Rangbah Lyngdoh u la kylli biang ïa u, “Hato me long U Messaïah, U Khun jong U Blei ba la kyrkhu?”

MARKOS 15:5

U Jisu u la kyntait biang ban ong ei ei, bad u Pilat u la sngewlyngngoh.

LOUKAS 23:9

Kumta u Herod u la kylli ïa U Jisu shibun ki jingkylli, hynrei U Jisu um shym jubab ei ei.

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 19:9

U la leit pat sha ïing bad u la kylli ïa U Jisu, “Nangno me wan?” Hynrei U Jisu um shym jubab.

1 PETROS 2:23

Haba la krenbeiñ ïa u, um shym pynphai ktien kylliang da kaba krenbeiñ; haba u shahshitom, um shym la byrngem, hynrei u la buh ïa la ki jingkyrmen ha U Blei, u Nongbishar bahok.

JINGPYNPAW 5:6

Nangta nga la ïohi ïa U Khunlangbrot uba ïeng hapdeng ka khet, ïa kaba la ker sawdong da ki saw tylli ki jingthaw ba-im bad ki nongsharai balang. U Khunlangbrot u la paw ba u la shah pynïap. U don hynñiew tylli ki reng bad hynñiew tylli ki khmat, kiba long ki hynñiew ki mynsiem U Blei ïa kiba la phah sha kylleng ka pyrthei.