ISAÏAH 53:6 - Khasi CL Bible (BSI)

⁶ Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

KA BAIBL

⁶ Ngi baroh kum ki langbrot ngi la sakma; ngi la phai noh uwei uwei sha la ka lynti; te U Trai u la buh halor jong u ïa ka jingbymhok jong ngi baroh.

ISAÏAH 53:6 ပူးပေါင်းရင်းမြစ်များ

JENESIS 22:6

U Abraham u pynkit ha u Isaak ïa ki dieng na ka bynta ka jingkñia, bad ma u pat u rah ïa ka tari bad ïa ki rnga barhem ban sliew ding. Katba baroh ar ngut ki dang ïa-ïaid,

SALM 119:176

Nga ïaid sakma kum ka langbrot kaba la jah noh, kumta to wan bad wad ïa nga, u shakri jong me, namar ngam shym leh klet ïa ki aiñ jong me.

SALM 69:4

Kito kiba isih ïa nga khlem kano kano ka daw ki kham bun ban ïa ki shñiuh ha ka khlieh jong nga. Ki nongshun jong nga ki ïathuh ki jinglamler pyrshah ïa nga; ki long kiba khlaiñ bad ki kwah ban pynïap ïa nga. Ki la pynlong ïa nga ban pynphai ïa kiei kiei kiba ngam shym la tuh.

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

ISAÏAH 53:12

Bad kumta ngan ai ha u ïa ka burom, ka jaka hapdeng kiba khraw bad kiba donbor. U la aiti mon sngewbha ïa la ka jingim bad u la shim bynta lem bad ki riewbymman. U la shim ïa ka jaka jong ki nongpop kiba bun bad u la duwai ba ki kin ïoh ïa ka Jingmap-ei.”

ISAÏAH 53:5

Hynrei namar ki pop jong ngi ïa u la pynmong, la sympat namar ka jingbymman kaba ngi la leh. La pynkhiah ïa ngi da ka jingpynshitom kaba u la shah, la pynkhiah ïa ngi da ki jingsympat kiba u la ïoh.

ISAÏAH 53:7

“U la shah lehbeiñ sat, hynrei u la shah da kaba sngewrit; um shym la kren shikyntien ruh. Kum i khunlangbrot ban sa shah pynïap, kum ka langbrot ka ban sa shah khih ïa la u shñiuh, um shym kren shikyntien ruh.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

ISAÏAH 55:8

“Ki jingmut jong nga,” ong U Trai, “kim long kum ki jong phi, bad ki lynti jong nga ki ïapher na ki jong phi.

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

ISAÏAH 6:7

U la ktah ïa ki rmiang shyntur jong nga da u rnga barhem bad ong, “Une u la ktah ïa ki rmiang shyntur jong me, bad mynta ka jingkitpop jong me ka la jah noh, bad ïa ki pop jong me la map.”

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

ESEKIEL 3:18

Lada nga pynbna ba u briew basniew, un sa ïap noh bad mem shym la maham u ban kylla noh na ki lynti jong u, khnang ba u lah ban pyllait ïa la ka jingim, un ïap hi kum u nongpop, bad ngan pynkitkhlieh ha me ïa ka jingïap jong u.

DANIEL 9:5

“Ngi la leh pop, ngi la long kiba sniew, ngi la leh bakla. Ngi la kyntait ïa kaei kaba me la hukum ïa ngi ban leh bad ngi la phai noh na kaei kaba me la pyn-i ha ngi ba ka long kaba dei.

Ka Shithi U Paul Sha Ki Nong Rom 4:25

Na ka bynta ki pop jong ngi, la aiti ïa u ban ïap, bad ïa u la pynmihpat khnang ban pynlong ka hok ïa ngi bad U Blei.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

NONGBISHAR 21:25

Ym shym la don syiem ha Israel ha kata ka por. Uwei pa uwei u leh katba u sngewbha.