ISAÏAH 53:5 - Khasi CL Bible (BSI)

⁵ Hynrei namar ki pop jong ngi ïa u la pynmong, la sympat namar ka jingbymman kaba ngi la leh. La pynkhiah ïa ngi da ka jingpynshitom kaba u la shah, la pynkhiah ïa ngi da ki jingsympat kiba u la ïoh.

KA BAIBL

⁵ Hynrei, la pynmong ïa une namar ki jingryngkang jong ngi, la pynlwet ïa u namar ki jingleh bymhok jong ngi: ka jingpynshitom ka jingsuk jong ngi ka la long halor jong u; bad da ki jingjngem snam jong u la pynkhiah ïa ngi.

ISAÏAH 53:5 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

Ka Kitab U Job 33:24

Ha ka jingsngewsynei u angel un ong, “Pyllait noh ïa u! Um dei ban leit hiar sha ka pyrthei kiba ïap. Hangne ka don ka kuna ban pyllaitluid ïa u.”

SALM 30:2

Nga kyang ha me ban ïoh jingïarap, A Trai U Blei jong nga, bad me la pynkhiah ïa nga;

PROBERB 20:30

Teng teng ka donkam ban mad ïa ka jingshem kaba kthang ha ka jingim ban pynlong ïa ngi ban kylla ïa ki lynti jong ngi.

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 57:18

“Nga la ïohi kumno ki im, hynrei ngan pynkhiah pat ïa ki. Ngan ïalam ïa ki bad ïarap ïa ki, bad ngan pyntngen ïa kito kiba ïam sngewsih.

ISAÏAH 6:7

U la ktah ïa ki rmiang shyntur jong nga da u rnga barhem bad ong, “Une u la ktah ïa ki rmiang shyntur jong me, bad mynta ka jingkitpop jong me ka la jah noh, bad ïa ki pop jong me la map.”

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

Ka Shithi U Paul Sha Ki Nong Rom 4:25

Na ka bynta ki pop jong ngi, la aiti ïa u ban ïap, bad ïa u la pynmihpat khnang ban pynlong ka hok ïa ngi bad U Blei.

1 KORINTH 15:3

Nga la aiti ha phi ïa kaei kaba nga la ïohpdiang, kaba long kaba donkam tam: Ba U Khrist u la ïap na ka bynta ki pop jong ngi, kumba la thoh ha ki Jingthoh Bakhuid;

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

DEUTERONOMI 11:2

Kynmaw mynta ïa kaei kaba phi la tip shaphang U Trai lyngba ki jingïashem jong phi bad u. Dei ma phi, ym ki khun ki kti jong phi kiba la ïohmad ïa kine ki jingïashem. Phi la ïohi ïa ka jingkhraw jong u, ïa ka bor jong u, bad ïa ka jingkhlaiñ jong u, bad ïa ki kambah jong u.

HEBRU 10:10

Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

HEBRU 10:14

Te da kawei ka jingkñia, u la pynjanai ha la ka rta ïa kito kiba la pynkhuid na ka pop.

HEBRU 5:8

Hynrei wat la u la long U Khun U Blei, u la nang ban kohnguh da kaba u la shahshitom.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,