ISAÏAH 53:3 - Khasi CL Bible (BSI)

³ Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

KA BAIBL

³ U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

ISAÏAH 53:3 ပူးပေါင်းရင်းမြစ်များ

SALM 69:29

Hynrei nga don ha ka jingpang bad ka jingduh jingkyrmen; to kyntiew ïa nga, A Blei, bad to pynim ïa nga!

SALM 88:4

Nga long kum kita baroh kiba la jan ïap; baroh ka jingkhlaiñ jong nga ka la duh.

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

ISAÏAH 50:6

Nga pynshah da ka met sha kito kiba shoh ïa nga. Ngam shym pynsangeh ïa ki haba ki krenbeiñ ïa nga, haba ki patrong ïa ki shñiuh na u 'ñiuhtmoh jong nga bad bynthiew ha ka khmat jong nga.

ISAÏAH 52:14

Bun ki briew kin kyndit haba kin ïohi ïa u; la pynsniew briew ïa u haduh ba um i shuh kum u briew.

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

ISAÏAH 53:4

“Hynrei u la shah ïa ka jingshitom kaba la dei hok ïa ngi, ka jingpang kaba ngi la dei ban shah. Baroh shi katta ngi la pyrkhat ba ki jingshitom jong u ki la long ki jingpynshitom ba la phah da U Blei.

MIKAH 5:1

Ko ki briew ka Jerusalem, lumlang ïa la u paid! Ngi lah shah kerkut! Ki ïatur ïaleh ïa u nongïalam ki Israel!

SEKHARAÏAH 11:8

Ngam lah shah shuh ïa ki lai ngut kiwei pat ki nongaplangbrot, kiba la isih ïa nga, bad nga la beh noh ïa ki baroh hapoh shi bnai.

MATHAÏOS 26:67

Nangta ki la bynthiew ha ka khmat jong u bad ki la shoh ïa u; bad kito kiba la thab ïa u

MATHAÏOS 27:63

bad ki la ong, “Ko Kynrad, ngi kynmaw ba katba uta u nongshukor u dang im u la ong, ‘Yn sa pynmihpat ïa nga hadien lai sngi.’

MARKOS 10:33

“Sngap,” u la ong ïa ki, “ngi dang leit kiew sha Jerusalem ha kaba ïa U Khun U Briew yn sa aiti ha ki rangbah lyngdoh bad ki nonghikai ka Hukum. Kin rai pynrem ban pynïap ïa u bad nangta kin aiti ïa u sha ki Jentil,

MARKOS 10:34

ki ban sa rkhiebeiñ ïa u, kin bynthiew halor jong u, kin sympat ïa u, bad pynïap ïa u; hynrei hadien lai sngi un sa mihpat.”

MARKOS 14:34

bad u la ong ha ki, “Ka jingsngewsih ha ka dohnud jong nga ka long kaba khraw katta katta haduh ba ka la jan pynlwet ïa nga. Ïashong hangne bad to ïai ap.”

MARKOS 15:19

Ki la shoh ïa u na ka khlieh da u dieng, ki la bynthiew ïa u, ki la dem khohsiew, bad ki la nguh ïa u.

MARKOS 9:12

Ka jingjubab jong u ka long, “U Elijah u wan shisha nyngkong khnang ban pynkhreh ïa kiei kiei baroh. Pynban balei ba ki Jingthoh Bakhuid ki ong ba U Khun U Briew un hap shahshitom shibun bad shah kyntait?

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

LOUKAS 19:41

U la poi kham jan sha ka nongbah, bad haba u la ïohi ïa ka, u la ïam na ka bynta jong ka, u da ong,

LOUKAS 8:53

Baroh ki la rkhie ïa u, namar ki la tip ba ka la ïap.

LOUKAS 9:22

U la ong ruh ha ki, “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un shah pynïap, hynrei hadien lai sngi yn sa pynmihpat ïa u.”

ÏOANNIS 11:35

U Jisu u la ïam.

ÏOANNIS 8:48

Ki la kylli ïa U Jisu, “Hato ngim shym la ong ïa kaba dei, ba me dei u nong Samaria bad ba me don u ksuid hapoh jong me?”

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.