ISAÏAH 52:9 - Khasi CL Bible (BSI)

⁹ To risa lang da ka jingkmen, phi ki jingpra ka Jerusalem! U Trai un pyllait ïa la ka nongbah bad un pyntngen ïa la ki briew.

KA BAIBL

⁹ To kyang kmen, to ïarwai lang, phi ki jaka kynjah ka Jerusalem: namar U Trai u la pyntngen ïa la u paidlang, u la siewspah ïa ka Jerusalem.

ISAÏAH 52:9 ပူးပေါင်းရင်းမြစ်များ

SALM 102:22

haba ki jaitbynriew bad ki hima kin ïalumlang bad mane ïa U Trai.

SALM 98:4

To ïarwai da ka jingkmen ha U Trai, phi ka pyrthei baroh; to ïaroh ïa u da ki jingrwai bad ki jingrisa ka jingkmen!

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 14:7

Mynta ha kaba khatduh ka pyrthei baroh kawei ka ïoh ïa ka jingjahthait bad ka jingsuk, bad uwei pa uwei u rwai da kaba kmen.

ISAÏAH 40:1

“Pyntngen ïa ki briew jong nga,” ong U Blei jong ngi. “Pyntngen ïa ki!

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

ISAÏAH 48:20

Khie mihnoh na Babilon, kiba laitluid! Pyrta jam da ka jingkmen ïa ka khubor; to pyntip ïa ka kylleng: “U Trai u la pynim ïa ki shakri jong u, ki Israel!”

ISAÏAH 49:13

To rwai, ko ki bneng! Pyrta da ka jingkmen, ko ka pyrthei! To ai ba ki lumbah kin win ha ka jingrwai! U Trai un pyntngen ïa la ki briew; un don jingisynei ha ki briew jong u kiba jynjar.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

ISAÏAH 55:12

“Phin mihnoh na Babilon da ka jingkmen; yn ïalam ïa phi shabar ka nongbah ha ka jingsuk. Ki lumbah bad ki lumrit kin sawa da ka jingrwai, bad ki dieng kin pyrta da ka jingkmen.

ISAÏAH 61:4

Kin tei pat ïa ki nongbah ba la jot la pra.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

MIKAH 4:10

To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

GALATIA 4:27

Naba ka Jingthoh Bakhuid ka ong, “Suk, pha ka kynthei kaba lyngki! To risa bad kyang da ka jingkmen, pha ka bym ju la ïohmad ïa ki jingpang jong ka jingsuh kha! Naba kata ka kynthei kaba la shah iehnoh kan ïoh kham bun ki khun ban ïa ka kynthei kaba u tnga um ju iehnoh ïa ka.”