ISAÏAH 52:7 - Khasi CL Bible (BSI)

⁷ Katno ka long kaba phylla ban ïohi ïa u nonglamktien ba u wan na ki lumbah, u wanrah ïa ka khubor babha, ka khubor jong ka jingsuk! U pynbna ïa ka jingjop bad u ong ïa ka Seïon, “U Blei jong phi u long u syiem!”

KA BAIBL

⁷ A katno ba-itynnad halor ki lum ki long ki sla'jat jong uta uba ïathuhkhana babha, uba pynbna ïa ka jingsuk, uba ïathuhkhana ïa ka jingbha, uba pynbna ïa ka jingpynim; uba ong ha ka Seïon, “U Blei jong pha u synshar!”

ISAÏAH 52:7 ပူးပေါင်းရင်းမြစ်များ

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

MARKOS 16:15

U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

EPHESOS 6:15

bad da ka jinglong la kloi ban pynbna ïa ka Khubor Babha ka jingsuk, kum ki juti jong phi.

ISAÏAH 40:9

Ko Jerusalem, leit kiew sha u lumbah bajrong bad to pynbna ïa ka khubor babha! To kyang da ka sur bajam, ko Seïon; to pynbna ka khubor babha! To kren bad wat sheptieng. Ïathuh ïa ki shnong ka Judah ba U Blei jong ki u la wan!

SALM 93:1

U Trai u long u syiem. U kup da ka main longsyiem bad ka bor. Ïa ka pyrthei la pynskhem ha la ka jaka bad ym lah ban pynkhih ïa ka.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

ISAÏAH 24:23

U bnai un kylla dum, bad ka sngi kan ym tyngshaiñ shuh, namar U Trai Badonbor Baroh un long u syiem. Un synshar ha Jerusalem halor u Lum Seïon, bad ki nongïalam jong ki briew kin ïohi ïa ka burom jong u.

SALM 68:11

U Trai u ai ïa ka hukum, bad bun ki kynthei ki rah ïa ka khubor:

LOUKAS 2:10

hynrei u angel u la ong ha ki, “To wat sheptieng! Nga don hangne lem bad ka khubor babha na ka bynta jong phi, ka ban wanrah ka jingkmen kaba khraw ha ki briew baroh.

MARKOS 13:10

Hynrei shuwa ba ka jingkut kan wan, ïa ka Gospel yn ïalap ha ki jaitbynriew baroh.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

JINGRWAI SOLOMON 2:8

Nga ïohsngew ïa ka sur uba ieit jong nga. U wan da kaba mareh nalor ki lumbah, u da mareh stet sha shiliang ki lumrit sha nga.

SALM 99:1

U Trai u long u syiem, bad ki briew kin khynñiuh. U shong ha ka khet halor ki kherub, bad ka pyrthei kan khynñiuh.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

MIKAH 4:7

Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

SALM 96:10

To ong ha ki jaitbynriew baroh, “U Trai u long u syiem! Ïa ka pyrthei la pynshong skhem ha la ka jaka bad ym lah ban pynkhih; un bishar ïa ki jaitbynriew da ka hok.”

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

SALM 59:13

pynjot ïa ki ha ka jingbitar jong me; pynjot lut ïa ki. Te baroh kin tip ba U Blei u synshar ha Israel, ba ka jingsynshar jong u ka pyiar ha baroh ka pyrthei.

SALM 97:1

U Trai u long u syiem! Ko pyrthei, to lehkmen! To shadkmen, ko ki dewlynnong ha ki duriaw!

ISAÏAH 41:27

Nga, U Trai, nga long uba nyngkong ban ïathuh ïa ka Seïon ïa ka khubor; nga phah ïa u nonglamktien sha Jerusalem ban ong, ‘Ki briew jong phi ki wan! Ki wan sha ïing!’

ISAÏAH 42:11

Ai ba ka ri shyiap bad ki shnong jong ka kin ïaroh ïa U Blei; ai ba ki briew jong ka Kedar kin ïaroh ïa U! Ai ba kito kiba shong ha ka nongbah Sela kin risa da ka jingkmen na ki kliar jong ki lumbah!

SALM 98:2

U Trai u la pynbna ïa ka jingjop jong u, u la pynlong ïa ka bor bapynim jong u ba yn tip ha ki jaitbynriew.

SALM 98:3

U bat ïa la ka kular ha ki paid Israel da ka jingïaineh bad jingieit baneh ïa ki. Ki briew baroh kiba don sawdong ki la ïohi ïa ka jingjop U Blei jong ngi.

NAHUM 2:1

Ko Ninebeh, pha don ha ka jingshah tur ïaleh! Ka bor ka ban kynther ïa pha ka la wan. To buh briew ha ki jingïada! To phira ïa ka lynti bah! To pynkhreh ïa ka thma!