ISAÏAH 52:3 - Khasi CL Bible (BSI)

³ U Trai Nongsynshar u ong ha la ki briew, “Mynba phi la long ki mraw, ym shym la siew pisa na ka bynta jong phi; ha kajuh ka rukom yn ym siew ei ei ban pyllaitluid ïa phi.

KA BAIBL

³ Namar kumne u ong U Trai, “La die ei ïa phi; bad yn siewspah ïa phi khlem sbai.”

ISAÏAH 52:3 ပူးပေါင်းရင်းမြစ်များ

SALM 44:12

Me la die ïa la ki jong ki briew jong me hi ha ka dor kaba rit i kumba ki don tang khyndiat eh ka dor.

SALM 44:13

Ki paramarjan jong ngi ki ïohi ïa kaei kaba me leh ïa ngi, bad ki krenbeiñ ïa ngi bad ki rkhie ïa ngi.

ISAÏAH 1:27

Namar ba U Trai u long uba hok, un pyllait im ïa ka Jerusalem bad ïa uwei pa uwei uba kylla-kaba-mut.

ISAÏAH 45:13

Nga da lade hi nga la pynkhih ïa u Syros ban leh ban pyndep ïa ka jingthmu jong nga bad buh beit ïa kiei kiei. Ngan pynbeit ïa ka lynti baroh ba u leit. Un tei biang ïa ka nongbah jong nga, ka Jerusalem, bad un pyllait ïa ki briew ba shah set byndi jong nga. Ym don ba la shim wai ïa u ne ba la pynbam klop ïa u ban leh ïa kane.” U Trai Badonbor Baroh u la kren.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ISAÏAH 62:12

Yn khot ïa phi, “Ki Briew ki bakhuid jong U Blei,” “Ki briew kiba U Trai u la pyllait im;” Ïa ka Jerusalem yn khot “Ka nongbah kaba U Blei u ieit.” “Ka nongbah kaba U Blei um shym la iehnoh.”

ISAÏAH 63:4

Nga la kut jingmut ba ka por ban pynim ïa ki briew jong nga ka la wan; ka la dei ka por ban pynshitom ïa ki nongshun jong ki.

JEREMAÏAH 15:13

U Trai u la ong ha nga, “Ngan phah ïa ki nongshun ban kit noh ïa ka spah bad ïa ki jingkynshew jong ki briew jong nga, khnang ban pynshitom ïa ki na ka bynta ki pop kiba ki la leh ha kylleng ka ri.

ESEKIEL 16:31

Ha kawei pa kawei ka lynti bah pha la tei ki jaka ban mane ïa ki bleithaw bad ban ïaleh nuti. Hynrei pham shym beh ïa ka pisa kumba long kano kano ka nuti.

ESEKIEL 34:27

Ki dieng kin sei ïa u soh, ki lyngkha kin pynmih ïa ki jingthung, bad uwei pa uwei un shongshngain ha la ka ri. Ynda haba nga dkhat ïa ki kynjri kiba teh ïa ki briew jong nga bad nga pyllait ïa ki na kito kiba pynlong mraw ïa ki, te kin sa tip ba nga long U Trai.

LEBITIKOS 25:54

Lada ym lah ban pyllait ïa u da kano kano na kine ki lad, ïa u bad ki khun jong u dei ban pyllait pat ha ka Snem ka Jingpynphai pat ka ban wan.

1 PETROS 1:18

Naba phi tip ïa kaei kaba la siew ban pyllaitluid ïa phi na ka rukom im bymmyntoi kaba la ïohpateng na ki kpa tymmen jong phi. Kam shym long kaei kaei ïa kaba lah ban pynjot, kum ka rupa ne ka ksiar;