ISAÏAH 52:2 - Khasi CL Bible (BSI)

² Kynther ïa lade, ko Jerusalem! Ïeng joit na u pui pui bad shong halor la ka khet! Law noh ïa ki kynjri kiba teh ïa pha, ki briew ba la shah khum jong ka Seïon!

KA BAIBL

² To kynther ïa lade na ka 'dewmet; to ïeng, to shong, ko Jerusalem: pyllait ïa lade na ki jingkhum ka ryndang jong pha, ko ka khun mraw ka Seïon.

ISAÏAH 52:2 ပူးပေါင်းရင်းမြစ်များ

ISAÏAH 10:27

Haba kata ka por ka wan, ngan pyllaitluid ïa phi na ka bor jong ka Assyria, bad ka lyngkor jong ki kan ym long shuh ka jingbankhia halor ki tyrpeng jong phi.”

ISAÏAH 14:25

Ngan pynjot ïa ki nong Assyria ha ka ri Israel jong nga bad ngan kyrdem halor jong ki lumbah jong nga. Ngan pyllaitluid ïa ki briew jong nga na ka lyngkor jong ki nong Assyria bad na ki jingkit kiba ki don ban bah.

ISAÏAH 29:4

Ka Jerusalem kan long kum u ksuid uba ksaid ban kren napoh khyndew, ka sur ba la set kaba mih na ka khyndew.

ISAÏAH 3:26

Ki khyrdop ka nongbah kin ïambriew bad kin kyang, bad ka nongbah hi kan long kum ka kynthei kaba shong ha madan kaba la shah sloit lyngkhuit.

ISAÏAH 49:21

Te phan ong ha lade, ‘Mano ba la kha ïa kine ki khun baroh na ka bynta jong nga? Nga la duh noh ïa la ki khun bad ngam lah ban ïoh khun shuh. Nga la shah ïalam mraw bad la shah beh noh — mano ba la pynheh pynsan ïa kine ki khun? Nga la shah iehnoh marwei — nangno kine ki khun ki la wan?’ ”

ISAÏAH 51:14

Kito kiba long ki koidi shen yn sa pyllaitluid ïa ki; kin im ka jingim kaba jlan bad kin ïoh ïa ka jingbam kat kaba ki donkam.

ISAÏAH 51:23

Ngan ai ïa ka ha kito kiba banbeiñ ïa phi, ïa kito kiba la pynlong ïa phi ban thiah ha ki surok bah bad ïuhroit halor jong phi kum ka jakhlia.”

ISAÏAH 60:1

To khie joit, ko Jerusalem bad tyngshaiñ kum ka sngi; ka burom ka jong U Trai ka tyngshaiñ ha phi!

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ISAÏAH 9:4

Namar me la pynkheiñ ïa ka lyngkor kaba la bankhia ïa ki bad ïa u dieng sympat uba la shoh ïa ki tyrpeng jong ki. Me la jop ïa ka jaitbynriew kaba la banbeiñ bad pyntrei shitom ïa ki briew jong me kumba me la jop ïa ka kynhun shipai jong ki Midian slem bah mynshuwa.

JEREMAÏAH 51:45

Ko ki paid Israel, to phet noh nangta! Phet ban lait im na ka jingbitar shla jong nga.

JEREMAÏAH 51:50

U Trai u ong ha ki briew jong u kiba don ha Babilonia: “Phi la lait na ka jingïap! Mynta to leit! Wat ap! Wat la phi don jngai na ïing, pyrkhat shaphang jong nga, U Trai jong phi, bad kynmaw ïa ka Jerusalem.

JEREMAÏAH 51:6

To phet noh na Babilonia! Phet ban lait im! Wat ai ba yn shah pynïap na ka bynta ka pop jong ka Babilonia. Nga mynta nga siew kylliang bad pynshitom ïa ka kumba ka dei hok.

ESEKIEL 34:27

Ki dieng kin sei ïa u soh, ki lyngkha kin pynmih ïa ki jingthung, bad uwei pa uwei un shongshngain ha la ka ri. Ynda haba nga dkhat ïa ki kynjri kiba teh ïa ki briew jong nga bad nga pyllait ïa ki na kito kiba pynlong mraw ïa ki, te kin sa tip ba nga long U Trai.

SEKHARAÏAH 2:6

U Trai u la ong ha la ki briew, “Nga la pynsakma ïa phi ha ki liang baroh. Hynrei mynta, ma phi kiba shah ringmraw, phet noh na Babilonia bad leit phai pat sha Jerusalem.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

JINGPYNPAW 18:4

Nangta nga la ïohsngew ïa kawei pat ka sur na bneng, ka da ong, “To mihnoh, ko ki briew jong nga! To mihnoh na ka! Phim dei ban ïashim bynta ha ki pop jong ka; phim dei ban ïoh bynta ha ka jingshah pynshitom jong ka!