ISAÏAH 52:1 - Khasi CL Bible (BSI)

¹ Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

KA BAIBL

¹ To khie, to khie, to kup ïa la ka bor, ko Seïon, to kup ïa la ki jaiñkup ba-itynnad, ko Jerusalem, ka shnong ka bakhuid: naduh mynta u bym shym la otsher bad u basang kin ym wan shuh ha pha.

ISAÏAH 52:1 ပူးပေါင်းရင်းမြစ်များ

1 KHRONIKL 16:29

Ïaroh ïa ka kyrteng badonburom U Trai; wallam ka jingainguh bad wan sha ka Templ jong u. To dem ha khmat Uba Khuid haba u wanpaw;

NEHEMAÏAH 11:1

Ki nongïalam ki la shong la sah ha Jerusalem, bad kiba sah na ki briew, ki la kynting sbai ban jied kawei ka longïing na man ki shiphew tylli ki longïing ban leit shong leit sah ha ka nongbah bakhuid jong ka Jerusalem, katba kiwei pat kiba sah kin shong kin sah ha kiwei pat ki nongbah bad ki shnong.

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

EKSODOS 28:2

Suh ki jaiñphong lyngdoh ïa u Aaron u hynmen jong me khnang ba un ishongkun shongkhia bad idonburom.

EKSODOS 28:40

“Suh ki sopti, ki panpoh, bad ki tupia na ka bynta ki khun shynrang jong u Aaron ba kin ishongkun shongkhia bad itynnat.

ISAÏAH 1:21

Ka nongbah kaba shisien ka la long kaba lah ban shaniah ka la leh kum ka nuti! Ha kawei ka por ka la dap da ki rangbah bahok, hynrei mynta ki sah tang ki nongpynïap briew.

ISAÏAH 1:26

Ngan ai ha pha ki nongsynshar jong pha bad ki nongai jingmut kum kito kiba pha ju don slem bah mynshuwa. Nangta ïa ka Jerusalem yn khot ka nongbah bahok, baïaineh.”

ISAÏAH 26:2

To plie ïa ki khyrdop ka nongbah bad to ai ba ka jaitbynriew baïaineh kan rung, ka jaitbynriew kaba ki briew jong ka, ki leh ïa kaba dei.

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 4:3

Uwei pa uwei uba shah iehnoh ha Jerusalem, uba U Blei u la jied ban ïohlait im, yn khot uba khuid.

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

ISAÏAH 49:18

Khmih baroh sawdong bad peit kaei kaba jia! Ki briew jong pha ki ïalumlang — ki ïawan sha la ïing! Kumba nga long U Blei uba im, phan sngewsarong ïa la ki briew, kumba sngewsarong ka nongleitkurim ïa la ki mawlynnai.

ISAÏAH 51:17

Ko Jerusalem, to khie noh! Khie joit ïa lade bad ïeng! Pha la dih ïa ka khuri ka jingpynshitom kaba U Trai ha ka jingbitar jong u, u la ai ba phan dih; pha dih lut ïa ka, bad ka la pynlong ïa pha ban ïaid sheng sheng.

ISAÏAH 51:9

A Trai to khie bad ïarap ïa ngi! Pyndonkam ïa la ka bor bad pynim ïa ngi; pyndonkam ïa ka kum ha ka por mynbarim. Dei ma me uba la ot lyngkhot lyngkhai ïa u Rahab u mrad duriaw bakynsha.

ISAÏAH 60:1

To khie joit, ko Jerusalem bad tyngshaiñ kum ka sngi; ka burom ka jong U Trai ka tyngshaiñ ha phi!

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

ISAÏAH 64:10

Ki nongbah bakyntang jong me ki long kum ka ri shyiap; ka Jerusalem ka long ka jaka kynjah ba la pynjot,

JEREMAÏAH 31:23

U Trai Badonbor baroh, U Blei ki Israel, u ong, “Haba ngan wallam pat ïa ki briew sha ka ri jong ki, sa shisien pat kin ong ha ka ri Judah bad ki shnong jong ka, “ ‘To U Trai un kyrkhu ïa u lum bakyntang jong ka Jerusalem, ka jaka bakhuid ha kaba u shong.’

ESEKIEL 44:9

“Ma nga, U Trai Nongsynshar, nga pynbna ba yn ym don uno uno u nongwei bym shym la otsher, uno uno u bymkohnguh ïa nga, un rung ha ka Templ jong nga, wat u nongwei uba shong basah hapdeng ki paid Israel.”

DANIEL 10:9

Haba nga la ïohsngew ïa ka sur jong u, nga la kyllon ha khyndew khlem tipbriew bad nga thiah pyllup hangta.

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

HAGGAI 2:4

Hynrei mynta to wat duh jingkyrmen, mano mano ruh na phi. Leh la ka kam, naba nga long ryngkat bad phi.

SEKHARAÏAH 3:4

U angel u la ong ha la ki shakri ba kynja bneng, “Shim noh ïa ki jaiñ bajakhlia kiba une u briew u phong.” Nangta u ong ha u Joshua, “Nga la shim noh ïa ka pop jong me bad ngan ai ha me ki jaiñ bathymmai ban phong.”

MATHAÏOS 4:5

Nangta u Soitan u la ïalam ïa U Jisu sha Jerusalem, ka Nongbah Bakhuid, bad u la buh ïa U ha ka kliar kaba jrong tam jong ka Templ,

LOUKAS 15:22

Hynrei u kpa u la khot ïa la ki shakri. ‘To pynkloi!’ u la ong. ‘To wanlam ïa ka jaiñkup kaba bha tam bad pynkup ïa u. Pyndeng sati ha ka shynriah'ti jong u bad pynphong juti ha ki kjat jong u.

Ka Shithi U Paul Sha Ki Nong Rom 13:14

Hynrei to kieng ïa ki atiar jong U Jisu Khrist uba U Trai, bad to sangeh na kaba pynleit jingmut sha ki jinglong jong ka pop kiba pynhun ïa ki jingkwah brai jong ka.

Ka Shithi U Paul Sha Ki Nong Rom 3:22

U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

EPHESOS 4:24

bad phi dei ban kup ïa u briew uba thymmai ïa uba la thaw ha ka dur U Blei kaba pynpaw ïa lade ha ka jingim kaba shisha kaba long kaba beit bad kaba khuid.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

JINGPYNPAW 19:14

Ki kynhun shipai ka bneng ki la bud ïa u, ki da shong halor ki kulai balieh bad ki la riam da ki jaiñ linen balieh bad bakhuid.

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.