ISAÏAH 51:7 - Khasi CL Bible (BSI)

⁷ “To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

KA BAIBL

⁷ “To sngew ïa nga, phi kiba tip ïa ka hok, u paidlang uba don ka hukum jong nga ha la ka dohnud; wat sheptieng ïa ka jingkrenbeiñ ki briew, lymne wat khaw-eit ïa ki jingkynnohbeiñ jong ki.

ISAÏAH 51:7 ပူးပေါင်းရင်းမြစ်များ

SALM 37:31

U sumar ïa ki aiñ U Blei jong u ha ka dohnud jong u; bad um ju kynriah na ka.

SALM 40:8

Katno nga ieit ban leh ïa ka mon jong me, A U Blei jong nga! nga ri kyndong ïa ka jinghikai jong me ha ka dohnud jong nga.”

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

ISAÏAH 37:6

“U Trai u ïathuh ha phi ban ym shah ba ki Assyria kin pynkhaw-eit ïa phi da ki jingkob jong ki ba um lah ban pyllait ïa phi.

ISAÏAH 51:1

U Trai u ong; “To shahshkor ïa nga, phi kiba kwah ban ïoh jingim, phi kiba wan sha nga ban ïoh jingïarap. Puson halor u mawsiang na uba phi la wan, ka par maw na kaba la tih ïa phi.

ISAÏAH 54:4

Wat nym sheptieng — phan ym shah pynlehrain biang; phan ym shah pynjahburom. Phan klet noh ïa ka jingbymlongkhuid kum ka tnga ba dang kham samla, bad ïa ka jinglong marwei ba shah ibeiñ kum ka riewkynthei.

JEREMAÏAH 1:17

Pynkhreh, ko Jeremaïah; khie leit bad ïathuh ïa ki ïa kaei kaei baroh kaba nga hukum ïa me ban ong. Wat leit sheptieng ïa ki mynta, ïoh ba ngan pynlong ïa me uba kham sheptieng haba me don bad ki.

ESEKIEL 2:6

“Hynrei ma me, ko khun u briew, wat sheptieng ïa ki lane ïa kano kano ba ki ong. Kin beiñ bad ym kheiñ ïa me; bad kan long kumba im hapdeng ki 'ñianglartham. La katta ruh, wat sheptieng ïa kito kiba ïaleh pyrshah lane ïa kano kano kaba ki ong.

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

MATHAÏOS 5:11

“Suk ma phi haba ki briew ki krenbeiñ bad pynshitom beiñ ïa phi, bad ong bun jait ki jinglamler basniew pyrshah ïa phi namar ba phi long ki nongbud jong nga.

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

2 KORINTH 3:3

Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.

DEUTERONOMI 6:6

Wat klet lano lano ïa kine ki hukum ïa kiba nga ai ha phi mynta ka sngi.

PHILIPPI 3:10

Baroh kaba nga kwah ka long ba ngan ithuh ïa U Khrist bad ban mad ïa ka bor ka jingmihpat jong u, ban ïoh bynta ha ki jingshahshitom jong u, bad ban long kum ma u ha ka jingïap jong u,

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

HEBRU 10:16

“Kane ka long ka jutang ïa kaba ngan pynlong bad ki, ha ki sngi ki ban sa wan, ong U Trai: Ngan buh ïa ki hukum jong nga hapoh ki dohnud jong ki bad thoh ïa ki ha ki jingmut jingpyrkhat jong ki.”

1 PETROS 4:14

Suk ma phi haba phi shah krenbeiñ namar ba phi long ki nongbud jong U Khrist; kane ka mut ba U Mynsiem ka burom, U Mynsiem jong U Blei, u don ha phi.

1 PETROS 4:4

Bad mynta ki bymngeit ki sngewkyndit haba phim ïasoh lang bad ki ha kajuh ka jingim bymngeit bad bymsalia, bad kumta ki krenbeiñ ïa phi.