ISAÏAH 51:6 - Khasi CL Bible (BSI)

⁶ Khmih sha ki bneng; peit ha ka pyrthei! Ki bneng kin jah noh kum ka tdem; ka pyrthei kan jot noh kum ki jaiñ ba la rim, bad ki briew jong ka baroh kin ïap kum ki skain. Hynrei ka jingpyllait kaba nga wallam kan neh junom; ka jingjop jong nga kan long kaba kut.

KA BAIBL

⁶ To khmied ïa la ki khmat sha ki bneng, to khmih ruh ïa ka khyndew shapoh: naba ki bneng kin jah noh kum ka tdem, ka khyndew ruh kan man rim kum ka jaiñ, bad kiba shong ha ka kin ïap kumjuh: hynrei, ka jingpynim jong nga kan sah ha la ka rta, ka hok jong nga ruh kan ym duh noh.

ISAÏAH 51:6 ပူးပေါင်းရင်းမြစ်များ

SALM 103:17

Hynrei ïa kito kiba pyndonburom ïa U Trai, ka jingieit jong u ka neh junom, bad ka jingbha jong u ka ïaisah pateng la pateng

SALM 111:3

Baroh kaba u leh ki dap da ka jingpyndonburom bad kaba iphieng; ka hok jong u ka neh junom.

ISAÏAH 13:13

Ngan pynlong ïa ki bneng ban khynñiuh bad ïa ka khyndew yn pynkhih shabar na ka jaka jong ka ha kata ka sngi ha kaba ma nga, U Trai Badonbor Baroh, nga pyn-i ïa ka jingbitar jong nga.

ISAÏAH 33:6

U ïada borabor ïa la ki briew bad u ai ïa ki ka jingstad bad ka jingtip. Ka jingkynshew spah bakhraw tam jong ki ka long ka jingtiengburom ïa U Trai.

ISAÏAH 34:4

Ka sngi, u bnai bad ki khlur kin lwet jin. Ka sahit bneng kan jah noh kum ka kitab ba la kli, bad ba ki khlur kin hap kum ki sla na u dieng sohwaiñ bad u dieng Dumbur.

ISAÏAH 40:26

A to khmied sha ka sahit bneng! Mano ba thaw ïa ki khlur ba phi ïohi? Uta uba ïalam ïa ki shabar kum ka kynhun shipai, u tip katno ki don bad u khot ïa uwei uwei da ka kyrteng! Ka bor jong u ka khraw katta katta — Ym don uwei na ki u ban jah noh.

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

ISAÏAH 50:9

U Trai Nongsynshar da lade un kyrshan ïa nga — uno te, uba lah ban pynshisha ba nga long uba la shah pynrem? Baroh ki nongmudui jong nga kin jah noh; kin jah kum ka jaiñ ba la bam khñiang.

ISAÏAH 51:8

kin jah noh kum ki jaiñ ba la bam khñiang! Hynrei ka jingpyllait kaba ngan wallam kan neh junom; ka jingjop jong nga kan neh ha ki por baroh.”

ISAÏAH 54:10

Ki lumbah bad ki lumrit ki lah ban twa, hynrei ka jingieit jong nga ïa pha kan ym kut noh; ngan pynneh junom ïa la ka kular jong ka jingsuk.” Kumta te ong U Trai uba ieit ïa pha.

ISAÏAH 54:9

“Ha ka por u Noah nga la kular ba ngan ym pynshlei shuh ïa ka pyrthei. Mynta nga kular ba ngan ym bitar shuh ïa pha; ngan ym mai ne pynshitom ïa pha.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

DEUTERONOMI 4:19

Sumar ban ym shah pynshoi kat haduh ban da mane bad shakri ïa kaei kaba phi ïohi ha sahit bneng — la ka long ka sngi, u bnai, lane ki khlur, ïa kiba U Trai U Blei jong phi u la ai ha kiwei pat ki briew baroh ha ka pyrthei ba kin ïoh mane.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.