ISAÏAH 51:5 - Khasi CL Bible (BSI)

⁵ Ngan wan kloi bad ngan pynim ïa ki; ka por jong ka jingjop ka la hajan. Nga da lade hi ngan synshar halor ki jaitbynriew. Ki ri ba hajngai bah ki ap ïa nga ba ngan wan; ki ap da ka jingkyrmen ïa nga ban pynim ïa ki.

KA BAIBL

⁵ Ka hok jong nga ka hajan, ka jingpynim jong nga ka la mih noh, bad ki ksang'ti jong nga kin bishar ïa ki kynja bynriew; ki 'dewlynnong kin ap khmih ïa nga, bad ha ka ksang'ti jong nga kin shaniah.

ISAÏAH 51:5 ပူးပေါင်းရင်းမြစ်များ

SALM 110:6

Un ai ïa ka jingbishar halor ki jaitbynriew bad un pyndap ïa ka madan thma da ki metïap; un jop ïa ki syiem baroh jong ka pyrthei.

SALM 67:4

Ai ba ki jaitbynriew kin shadkmen bad rwai da ka jingkmen, namar me bishar ïa ki briew da ka jingbishar hok bad me kdew lynti ïa kawei pa kawei ka jaitbynriew ha ka pyrthei.

SALM 85:9

Da shisha u kloi ban pynim ïa kito kiba pyndonburom ïa u, bad ka jingdon ryngkat kaba pynim jong u kan ïoh shongsah ha ka ri jong ngi.

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 24:15

bad kito kiba ha mihngi kin ïaroh ïa u. Ki briew kiba im harud ka duriaw kin ïaroh ïa U Trai, U Blei ki Israel.

ISAÏAH 26:4

To ngin shaniah ha U Trai junom; un ïada ïa ngi borabor.

ISAÏAH 33:2

A Trai, to isynei ïa ngi. Ngi la buh ïa ka jingkyrmen ha me. To ïada ïa ngi man la ka sngi bad to pynim ïa ngi ha ki por jong ka jingjynjar.

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

ISAÏAH 40:10

U Trai Nongsynshar u wan ban synshar da ka bor, u da wallam bad u ki briew ba u la pyllait im.

ISAÏAH 42:4

Un ym duh jingkyrmen ne jingshlur; un pynlong ka jingbishar hok ha ka pyrthei. Ki ri bajngai ki ap kmang ïa ka jinghikai jong u.”

ISAÏAH 46:13

Nga wallam ïa ka sngi ka jingjop sha jan — kam long satia kaba dang sha jngai. Ïa ka jingjop jong nga yn ym pynslem. Ngan pyllait im ïa ka Jerusalem bad ngan wallam ïa ka burom ka Israel hangta.”

ISAÏAH 49:1

To shahshkor ïa nga, ko ki hima ba don sha jngai, phi ki briew bashong sha jngai bah! Ha shuwa ban kha ïa nga, U Trai u la jied ïa nga bad thung ïa nga ban long u shakri jong u.

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

ISAÏAH 56:1

U Trai u ong ha ki briew jong u, “Leh ïa kaei kaba hok bad kaba dei, naba shen ngan pynim ïa phi.

ISAÏAH 59:16

U lyngngoh ban ïohi ba ym don mano mano ban ïarap ïa kiba shah banbeiñ. Kumta un pyndonkam ïa la ka jong ka bor ban pyllait im ïa ki bad wanrah ïa ka jingjop.

ISAÏAH 60:9

Ki dei ki liengbah kiba wan na ki ri kiba jngai, ki wallam ïa ki paidlang U Blei sha la ïing. Ki wanrah ryngkat bad ki ïa ka rupa bad ka ksiar, ban pyndonburom ïa ka kyrteng U Trai U Blei Bakhuid ka Israel, uba pynlong ïa ki jaitbynriew baroh ban pyndonburom ïa ki briew jong u.

ISAÏAH 62:11

Ba U Trai u la pynbna shaduh ka pyrthei baroh: “To ong ha ki paid ka Jerusalem ba U Trai un wan ban ïada ïa phi un wallam bad u ïa ki briew kiba u la pyllait im.”

ISAÏAH 63:5

Nga la lyngngoh haba nga khmih bad peit ba ym don uwei ruh u ban ïarap ïa nga. Hynrei ka jingbitar jong nga ka pynkhlaiñ ïa nga, bad nga ïoh ïa ka jingjop ïa lade hi.

JOEL 3:12

“Ki jaitbynriew ki dei ban long kiba la kloi bad wan sha ka Them jong ka Jingbishar. Hangta ma nga, U Trai, ngan shong ban bishar ïa baroh ki jaitbynriew ba don sawdong.

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MARKOS 16:15

U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

Ka Shithi U Paul Sha Ki Nong Rom 2:16

Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

DEUTERONOMI 30:14

Em, ka don hangne bad phi. Phi tip ïa ka bad phi lah ban sot ïa ka; kumta mynta, kohnguh ïa ka.

1 SAMUEL 2:10

Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”