ISAÏAH 51:1 - Khasi CL Bible (BSI)

¹ U Trai u ong; “To shahshkor ïa nga, phi kiba kwah ban ïoh jingim, phi kiba wan sha nga ban ïoh jingïarap. Puson halor u mawsiang na uba phi la wan, ka par maw na kaba la tih ïa phi.

KA BAIBL

¹ “To sngew ïa nga, phi kiba bud ïa ka hok, phi kiba wad ïa U Trai: to khmih ha uta u mawbah na uba la pynpait ïa phi, bad ha ka thliew ka krem na kaba la tih ïa phi.

ISAÏAH 51:1 ပူးပေါင်းရင်းမြစ်များ

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

2 KHRONIKL 15:4

Hynrei haba ka jingjynjar ka wan, ki phai sha U Trai, U Blei ki Israel. Ki la wad ïa u bad shem ïa u.

SALM 24:6

Kita ki dei ki briew kiba wan sha U Blei, kiba wan sha ka jingdon ryngkat U Blei jong u Jakob.

SALM 94:15

Ka jingbishar hok kan wan biang ha ki ïingbishar, bad baroh ki briew kiba hok kin kyrshan ïa ka.

PROBERB 15:9

U Trai u isih ïa ki lynti jong ki briew kiba sniew; hynrei u ieit ïa kito kiba leh ïa kaei kaba dei.

PROBERB 21:21

Lehsbun bad lehhok bad phin im slem; kiwei kin burom ïa phi bad kin lehbha ïa phi.

ISAÏAH 45:19

Ngam shym la kren ha kaba rieh lane buhrieh ïa ka jingthmu jong nga. Ngam shym la dawa na u paid Israel ban khmih ïa nga ha ka jaka ba la iehnoh suda. Nga long U Trai, bad nga kren ïa ka jingshisha; nga pynlong ban tip ïa kaei kaba dei.”

ISAÏAH 48:1

To shahshkor ïa kane, phi ki paid Israel, phi kiba hiarpateng na u Judah: Phi smai da ka kyrteng jong U Trai bad kam ba phi mane ïa U Blei ki Israel — hynrei phim shym buh jingmut ïa kawei ruh ka ktien kaba phi ong.

ISAÏAH 48:12

U Trai u ong, “To shahshkor ïa nga, ko Israel, ka jaitbynriew kaba nga la khot! Nga long U Blei, Uba nyngkong, Uba khatduh, tang ma nga hi U Blei!

ISAÏAH 51:4

“To shahshkor ïa nga, ko ki briew jong nga, to shahshkor ïa kaei kaba nga ong: Nga ai jinghikai ïa ki jaitbynriew; ki aiñ jong nga kin wallam jingshai ïa ki.

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

ISAÏAH 55:6

To phai sha U Trai bad duwai ha u, mynta ba u don hajan.

ISAÏAH 65:10

Kin mane ïa nga bad ïalam ïa ki langbrot bad ki jingri jong ki sha ki jaka phlang ha ka Pyntha ka Sharon ha ka phang sepngi bad ha ka Them ka Jingshitom ha ka phang mihngi.

AMOS 5:6

Phet sha U Trai, bad phin ïoh im. Lada phim leit, un bam duh kum ka ding ha ki paid Israel. Ka ding kan thang duh ïa ki briew ka Bethel, bad yn ym don mano mano ban pynlip ïa ka.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

Ka Shithi U Paul Sha Ki Nong Rom 10:3

Kim shym la tip ïa kata ka lynti kaba U Blei u pynlong ka jingïadei hapdeng ki briew bad ma u hi, bad pynban, ki la pyrshang ban thaw hi da la ka jong ka lynti; bad kumta kim shym la pyndem ïa lade ha ka lynti U Blei ban pynlong ka jingïadei bad ki.

Ka Shithi U Paul Sha Ki Nong Rom 14:19

Te kumta, ngi dei borabor ban thmu ban leh ïa kita kiei kiei kiba wallam ka jingsuk bad kiba ïarap ban pynkhlaiñ iwei ïa iwei pat.

PHILIPPI 3:13

Da shisha, ko parabangeit jong nga, nga shisha ngam pyrkhat ba nga la jop lypa ïa ka; ïa kane kawei nga leh, la kumno kumno, da kaba klet noh ïa kaei kaei kaba shadien jong nga bad nga ïaleh shitom ban poi sha kaei kaba sha khmat.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

2 TIMOTHI 2:22

To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.