ISAÏAH 5:9 - Khasi CL Bible (BSI)

⁹ Nga la ïohsngew ba U Trai Badonbor Baroh u ong, “Baroh kine ki ïing kiba heh bad kiba itynnat kin long kiba la pra bad thylli.

KA BAIBL

⁹ Ha ki shkor jong nga u ong U Trai ki paid, “Da shisha bun ki ïing kin long kynjah, wat ki bakhraw bad ki babha, bymshong briew.

ISAÏAH 5:9 ပူးပေါင်းရင်းမြစ်များ

2 KHRONIKL 36:21

Bad kumta ïa kaei kaba U Trai u la ïathuh mynshuwa lyngba u Jeremaïah u nongïathuhlypa la pyndep: “Ka ri kan sa sah kynjah haduh hynñiewphew snem, ban pynïabiang ïa ka jingshongthait Sabbaton, ïa kaba ym pat shym la rakhe.”

Ka Kitab U Job 15:28

Uta u long u briew uba knieh ïa ki nongbah bad u shim ïa ki ïing kiba ki trai ki la phet noh, hynrei ka thma kan pynjot ïa kito ki nongbah bad ïa ki ïing.

Ka Kitab U Job 20:21

Haba u bam, ym ju don jingpynsah tam, hynrei mynta um don shuh ka jingpahuh pahai.

PROBERB 15:27

Kaba pyrshang ban ïohnong da ka bymhok, ka pynngat ïa la ka longïing ha ka jingjynjar. Wat bamsap bad phin ïoh im slem.

ISAÏAH 22:14

U Trai U Nongsynshar Badonbor Baroh da lade hi u la kren ha nga bad ong, “Ïa kane kaba sniew jong ki yn ym map da lei lei katba ki dang im. Ma nga, U Trai U Nongsynshar Badonbor Baroh nga la kren.”

ISAÏAH 27:10

Ka nongbah ba la kerkut ka don ha ka jingjot. La iehnoh kynjah ïa ka kum ka ri khlaw kynjah bym don ei ei. Ka la long ka jaka bam phlang jong ki masi, ha kaba ki lah ban shongthait bad bam phlang.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

AMOS 6:11

Haba U Trai u ai ïa ka hukum, ki ïing kiba rit bad kiba heh kin shah pynpra lyngkhot lyngkhai.

MATHAÏOS 22:7

U syiem u la bitar tyngeh; kumta u la phah ïa ki shipai jong u, kiba la pynïap ïa kito ki nongpynïap briew bad ki la thang duh ïa ka nongbah jong ki.

MATHAÏOS 23:38

Bad kumta ïa ka Templ jong pha yn iehnoh bad kan long kaba thylli.

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.