ISAÏAH 5:6 - Khasi CL Bible (BSI)

⁶ Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

KA BAIBL

⁶ bad ngan iehnoh khlaw ïa ka; yn ym khyllad ïa ka bad yn ym kara ïa ka; te kin mih ki dieng shiah bad ki shiah buid: ngan hukum ruh ïa ki lyoh ban ym pynhap slap halor jong ka.

ISAÏAH 5:6 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 8:35

“Haba me khang ïa u slap ban hap namar ba ki briew ki la leh pop pyrshah ïa me, bad nangta haba ki kylla-kaba-mut bad phai khmat sha kane ka Templ, ki da kyrpad da kaba sngewrit ha me, to shahshkor ïa ki na bneng.

Ka Kitab U Job 31:40

nangta ha ka jaka u kew bad u barli, to ai ba ki ñiut bad ki shiah kin mih. Ki ktien u Job ki kut hangne.

PROBERB 24:31

Ki long kiba dap da ki bniap shiah bad mih da ki ñiut suda. Ka kynroh maw baroh sawdong ka la twa.

ISAÏAH 24:12

Ka nongbah ka long hapdeng ka jingjot, bad ïa ki khyrdop jong ka la pyntwa noh.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 32:10

Phi lah ban sngewhun mynta, hynrei kum ha kane ka por ha ka snem ka ban wan, phin long ha ka jingduh jingkyrmen namar yn ym don sohwaiñ ba phin ïohlum.

ISAÏAH 49:19

“Ïa ka ri jong pha la pynjot bad la iehnoh kynjah — hynrei mynta kan rit eh na ka bynta kito ki ban wan ban shong hangta. Bad ïa kito kiba la iehnoh ïa pha ha ka jingjot yn pynkynriah jngai na pha.

ISAÏAH 55:13

Ki dieng Kseh-Sypress kin san ha ka jaka kaba mynta ki don ki dieng shynraiñ; ki dieng Martl kin mih ha ka jaka ki shiah. Kane kan long ka dak ka ban neh junom, ka jingpynkynmaw ïa kaei kaba ma nga, U Trai, nga la leh.”

ISAÏAH 7:19

Kin ïaboi ha ki them khohruh khohram bad ha ki krem ha ki mawsiang, bad kin tap ïa kawei pa kawei ka bniap shiah bad ïa kawei pa kawei ka jaka pynbamphlang.

JEREMAÏAH 14:1

U Trai u la ong ha nga ha kaba ïadei bad ka jingtyrkhong,

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 25:11

Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.

JEREMAÏAH 45:4

“Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

SNGEWSYNEI 2:6

U la tied pynlwet ïa ka Templ ha kaba ngi la ïamane ïa u; u la pynkut ïa ki sngi khuid bad ïa ki Sabbaton. U Syiem bad u lyngdoh kumjuh ki la sngew ïa ka bor ka jingbitar jong u.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

HOSIA 9:6

Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.

JOEL 1:7

Ki la pynjot ïa ki brisoh jong ngi bad ki la ktha lut ïa ki dieng Dumbur jong ngi. Ki la bam lut ïa ki snep dieng, haduh bad ki tnat ki la kylla lieh.

AMOS 4:7

Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

JINGPYNPAW 11:6

Ki don ka bor ban set ïa ka sahit bneng ba yn ym hap slap ha ka por ba ki pynbna ïa ka khubor U Blei. Ki don ka bor ruh halor ki pukri um, ban pynkylla snam ïa ki; ki don ka bor ruh ban shoh ïa ka khyndew da kano kano ka jait khlam katba shong ka mon jong ki.