ISAÏAH 5:5 - Khasi CL Bible (BSI)

⁵ “Kane ka dei kaei kaba ngan leh ïa ka bri sohwaiñ jong nga: Ngan weng noh ïa ka jingker baroh sawdong jong ka, ngan pynpra ïa ka kynroh kaba da ïa ka, ngan shah ïa ki mradkhlaw ban bam ïa ka bad ïuhroit ïa ka.

KA BAIBL

⁵ Te to ieh; ngan ïathuh ïa phi ïa-ei ngan leh ïa ka brisoh jong nga: ngan weng noh ïa ka jingker jong ka, bad yn bam duh ïa ka; ngan pynpra ïa ka kynroh jong ka, bad yn ïuh top ïa ka:

ISAÏAH 5:5 ပူးပေါင်းရင်းမြစ်များ

JENESIS 11:4

Ki ïa-ong, “Mynta to ngin ïatei kawei ka nongbah kaba don u mot uba kot haduh sahit bneng, ba kumta, ngin lah ban thaw nam ïa lade bad ym ban ïasakma ha kylleng ka pyrthei.”

JENESIS 11:7

Ïa, ngin ïaleit hiar bad pynkhleh ïa ka ktien jong ki, ba kumta kin ym ïasngewthuh shuh iwei ïa iwei pat.”

NEHEMAÏAH 2:3

Nga la kyndit bad nga jubab, “Ko Syiem Kynrad, to im junom! Kumno ngan lah khlem imat sngewsih haba ka nongbah ha kaba la tep ïa ki kpa tymmen jong nga ka don hapdeng ki jingjot bad ïa ki khyrdop jong ka la pynjot ha ka ding?”

SALM 89:40

Me la pyntwa ïa ki kynroh ka nongbah jong u; bad me la iehnoh ïa ki kut jong u ha ki jingjot jingpra.

SALM 89:41

Baroh kiba ïaid lynti ki lute ïa ki jingdon jingem jong u; baroh ki paramarjan jong u ki rkhiebeiñ ïa u.

PROBERB 24:31

Ki long kiba dap da ki bniap shiah bad mih da ki ñiut suda. Ka kynroh maw baroh sawdong ka la twa.

EKLESIASTIS 3:3

ka por ban pynïap bad ka por ban pynkhiah, ka por ban pynkhyllem bad ka por ban tei.

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 25:10

U Trai un ïada ïa u Lum Seïon, hynrei ki briew jong ka Moab kin shah ïuhroit, kumba ïa u phlangïap la ïuh haba shna sboh.

ISAÏAH 28:18

Ka jingïateh kular kaba phi la pynlong bad ka jingïap yn pynduh, bad ïa ka jingïakut jong phi bad ka pyrthei kiba ïap yn pyndam noh. Haba ka jingjot ka sar, phin shahjop noh.

ISAÏAH 28:3

Ïa ka jingsarong jong kito ki nongïalam buaid yn ïuhroit hapoh ki kjat.

ISAÏAH 32:10

Phi lah ban sngewhun mynta, hynrei kum ha kane ka por ha ka snem ka ban wan, phin long ha ka jingduh jingkyrmen namar yn ym don sohwaiñ ba phin ïohlum.

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 21:4

“Ko Sedekaïah, ngan jop ïa ka kynhun shipai jong me kaba ïaleh pyrshah ïa u syiem ka Babilonia bad ki shipai jong u. Ngan kynton ïa ki tiar ïapom jong ki shipai jong me hamar pdeng jong ka nongbah.

JEREMAÏAH 28:8

Ki nongïathuhlypa kiba la kren slem bah mynshuwa, ha shuwa ka por jong nga bad jong phi, ki la ïathuhlypa shaphang kata ka thma, ka jingïapthngan, bad ïa ka jingpang ki ban wan ha ki jaitbynriew babun bad ha ki hima bakhrawbor.

JEREMAÏAH 45:4

“Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

SNGEWSYNEI 2:6

U la tied pynlwet ïa ka Templ ha kaba ngi la ïamane ïa u; u la pynkut ïa ki sngi khuid bad ïa ki Sabbaton. U Syiem bad u lyngdoh kumjuh ki la sngew ïa ka bor ka jingbitar jong u.

SNGEWSYNEI 4:12

Ym don mano mano hangno hangno, ym don wat ki nongsynshar jong ki hima nongwei, kiba la ngeit ba uno uno u nonghiarthma un lah ban rung lyngba ki khyrdop ka Jerusalem.

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

HOSIA 2:12

Ngan pynjulor ïa ki dieng sohwaiñ bad ki diengsoh Dumbur jong ka, kiba ka ju ong ba kiba ieit jong ka ki ai ïa ka namar ba ka la shakri ïa ki. Ngan pynkylla ri khlaw ïa ki bri sohwaiñ bad ki brisoh jong ka; ki mradkhlaw kin pynjot ïa ki.

HOSIA 2:14

Te ngan leit ïalam biang ïa ka sha ri shyiap; hangta ngan khroh biang ïa ka da ki ktien ieit.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.