ISAÏAH 5:2 - Khasi CL Bible (BSI)

² U la tih ïa ka khyndew bad u la weng ïa ki maw na ka; u la thung ïa ki dieng sohwaiñ kiba kynsai. U la tei ka jaka ap phira ban khmih sumar ïa ki, u la tih ka thliew na ka bynta ban ïuh ïa ki sohwaiñ. U la ap ïa ki sohwaiñ ban ih, hynrei uwei pa uwei u sohwaiñ u long uba jew.

KA BAIBL

² bad u la ker ïa ka, bad u la lum noh ïa ki maw na ka, bad u la thung ïa u dieng Waiñ babha ha ka, bad u la tei ka ïing phira hapdeng jong ka, bad u la tih ruh ka jaka jingtylliat soh ha ka: te u la khmih lynti ba kan sei da ki soh Waiñ, bad ka la sei da ki soh Waiñ khlaw.

ISAÏAH 5:2 ပူးပေါင်းရင်းမြစ်များ

2 SAMUEL 7:10

Nga la jied ka jaka ïa ki briew jong nga ki Israel bad nga la pynsah ïa ki hangta, ha kaba kin im khlem da shah banbeiñ shuh. Naduh ba ki rung sha kane ka ri, ki la shah tur ïaleh ha ki riewrunar, hynrei kane kan ym jia shuh. Nga kular ban sumar ïa me na ki nongshun jong me baroh bad ban ai ha me ki khun ki ksiew.

NEHEMAÏAH 13:15

Ha kata ka por, nga ïohi ba ki briew ha Judah ki khñiot umsoh na ki sohwaiñ ha ka sngi Sabbaton. Kiwei pat ki dang kyntiew halor ki kada jong ki ïa u kew, ka waiñ, sohwaiñ, soh Khajur, bad kiwei kiei kiei bad leit rah ïa ki sha Jerusalem; nga la maham ïa ki ban ym die ei ei ha ka sngi Sabbaton.

SALM 80:8

Me la wallam ïa u dieng sohwaiñ na Ijipt; me la beh noh ïa kiwei pat ki jaitbynriew bad me la thung ïa u ha ka ri jong ki.

SALM 80:9

Me la pynkhuid ka jaka ïa u ba un san; ki thied jong u ki suh jylliew, bad ki pyiar sha kylleng jong ka ri.

EKSODOS 33:16

Naba da kumno ki briew kin tip ba me sngewbha ïa une u paidlang bad ïa nga lada me men ym leit ryngkat bad ngi? Ka jingdon ryngkat jong me bad ngi kan pyn-i ba ngi long kiba pher na kiwei pat ki jaitbynriew ha ka pyrthei.”

ISAÏAH 1:8

Tang ka Jerusalem hi kaba dang sah, ka nongbah hapoh ka jingshah kerkut — ka bym don jingïada kum ka trep ap phira ha ka bri sohwaiñ lane ka sem ha ka lyngkha sohkhia.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

MIKAH 4:8

Bad ma pha, ko Jerusalem, ha kaba U Blei, kum u nongaplangbrot, u sumar ïa la ki briew, phan long pat sa shisien ka nongbah jong ka hima kaba la ju long ka jong pha.

JINGKHEIÑ 23:9

Na kliar ki mawsiang bakynjang nga lah ban ïohi ïa ki, nga lah ban khmih ïa ki nalor ki lumrit. Ki dei ka jaitbynriew kaba im kyrpang; ki tip ba ki long kiba la kyrkhu kyrpang ïa ki hapdeng kiwei pat ki jaitbynriew.

MATHAÏOS 21:19

U la ïohi ïa u dieng Dumbur harud ka lynti bad u la leit sha u, hynrei um shem ei ei ha u lait noh tang ki sla. Kumta u la ong ha u dieng, “Men ym pynmih soh shuh!” Mar kumta hi u dieng Dumbur u la ïap tyrkhong.

MATHAÏOS 21:33

“To shahshkor sa kawei pat ka pharshi,” U Jisu u la ong. “La don shisien u trai jaka uba la thung ka bri sohwaiñ, u la buh ka jingker sawdong jong ka, u la tih ka thliew na ka bynta ka jaka khñiot waiñ, bad u la tei ka jaka ap phira. Nangta u la aiwai ïa ka bri sohwaiñ ha ki nongshimwai bad u la leit jingleit.

MATHAÏOS 21:34

Haba ka por ka la poi ban lumlang ïa ki sohwaiñ, u la phah ïa ki mraw jong u sha ki nongshimwai ban ïohpdiang ïa ka bhah jong u na ka jingkheit.

MARKOS 11:13

U la ïohi na jngai ïa u dieng Dumbur ba la tap da ki sla, kumta u la leit ban peit la u lah ban shem ki soh ha u. Hynrei haba u la wan sha uta u dieng, u la shem tang ki sla, namar kam pat dei ka por ban mih soh.

MARKOS 12:1

Nangta, U Jisu u la kren ha ki ha ki pharshi: “Shisien la don u briew uba don ka bri sohwaiñ, u la thaw ka jingker baroh sawdong jong ka, u la tih ka thliew ban khñiot sohwaiñ, bad u la thaw ka jaka ap phira. Nangta u la aiwai ïa ka bri sohwaiñ sha ki nongshimwai bad u la mih na ïing ban leit jingleit.

MARKOS 12:2

Haba ka por ka la poi ban lum ïa ki sohwaiñ, u la phah ïa u mraw sha ki nongshimwai ban ïohpdiang ïa la ka bynta na ka jinglum soh.

Ka Shithi U Paul Sha Ki Nong Rom 9:4

Ki long ki briew jong U Blei; u la pynlong ki khun jong u ïa ki bad u la pynpaw ïa ka burom jong u ha ki; u la pynlong ki jutang bad ki bad u la ai ïa ki ka Hukum; ki don ka jingmane bashisha; ki la ïoh ïa ki jingkular U Blei;

1 KORINTH 9:7

Uei u shipai uba ju dei ban siew ïa la ki jingpynlut ha ka kam shipai? Uei u nongrep u bym bam ïa ki soh na la ka bri sohwaiñ? Uei u nongaplangbrot u bym pyndonkam ïa ka dud na la ki jong ki langbrot?

DEUTERONOMI 32:6

Pleng da kumne mo phi siew kylliang ïa U Trai, a, phi ka jaitbynriew kaba bieit bad kaba anna? Hato um dei u kpa jong phi, uba la thaw ïa phi, uba la seng ïa phi kum kawei ka jaitbynriew?

NONGBISHAR 16:4

Hadien kane, u Samson u ibha ïa kawei ka briew kaba kyrteng ka Delilah, kaba shong basah ha ka Them Sorek.