ISAÏAH 5:16 - Khasi CL Bible (BSI)

¹⁶ Hynrei U Trai Badonbor Baroh u pyn-i ïa ka jingkhraw jong u da kaba leh ïa kaba dei, bad u pynpaw ïa ka jingkhuid jong u da kaba bishar ïa la ki briew.

KA BAIBL

¹⁶ hynrei, la kyntiew ïa U Trai ki paid ha ka jingbishar, bad ïa U Blei uta U Bakhuid la pynkyntang ha ka hok.

ISAÏAH 5:16 ပူးပေါင်းရင်းမြစ်များ

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

SALM 21:13

Ngi ïaroh ïa me A Trai, namar ka jingkhlaiñ bakhraw jong me! Ngin rwai bad ïaroh ïa ka bor jong me.

SALM 46:10

“Sangeh ka jingïaleh,” u ong, “to tip ba nga long U Blei, uba ha khlieh duh hapdeng ki jaitbynriew, uba ha khlieh duh ha ka pyrthei baroh.”

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

ISAÏAH 12:4

Ka sngi ka wan ha kaba ki briew kin rwai, “To ainguh ïa U Trai! To khot kyrpad ïa u ban ïarap ïa phi! Ïathuh ha ki jaitbynriew baroh ïa kaei kaba u la leh! Ïathuh ïa ki haduh katno u long uba khraw!

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

ISAÏAH 2:9

Ïa uwei pa uwei yn pynlehrain bad yn pynjahburom. Wat map ïa ki, A Trai!

ISAÏAH 28:17

Ka jingbishar hok kan long u 'sai-thew na ka bynta ka nongrim, bad ka jinglehhok kan long u 'sai-sawar jong ka.” U phria un sar noh ïa baroh ki jingshukor ha kiba phi shaniah, bad ki jingshlei kin pynjot ïa ki jingsngewshngain jong phi.

ISAÏAH 29:23

Haba phin ïohi ïa ki khun kiba ngan ai ha phi, te phin sa pdiang ba nga long U Blei Bakhuid ki Israel. Phin sa burom ïa nga bad phin ïeng ha ka jingtiengburom ïa nga.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 33:10

U Trai u ong ha ki jaitbynriew, “Mynta ngan leh ïa la ka kam. Ngan pyn-i katno nga long uba donbor.

ISAÏAH 33:5

Katno uba khraw u long U Trai! U synshar halor kiei kiei baroh. Un pyndap ïa ka Jerusalem da ka jinglehhok bad ka jinglong ba-beit bad pynlong ka jingskhem ha ka hima.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 6:3

Ki ïa-pyrta uwei ïa uwei pat: “Bakhuid, Bakhuid, Bakhuid! U Trai Badonbor Baroh u long uba khuid! Ka burom jong u ka pyndap ïa ka pyrthei.”

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

ISAÏAH 8:13

To kynmaw ba ma nga, U Trai Badonbor Baroh, nga long uba khuid, nga long uta uba phi dei ban sheptieng.

ESEKIEL 20:41

Hadien ba nga la wallam ïa phi na ki ri sha kiba la pynsakma ïa phi bad nga lumlang ïa phi, ngan pdiang ïa ki jingkñia kiba phi thang, bad ki jaitbynriew kin ïohi ba nga long uba khuid.

ESEKIEL 28:22

Ïathuh ïa ki briew hangta ïa kaei kaba ma nga, U Trai Nongsynshar, nga ong shaphang jong ki: Nga long u nongshun jong pha, ko Sidon; ki briew kin ïaroh ïa nga namar kaei kaba nga leh ïa pha. Kin ïoh tip ba nga long U Trai, haba nga pyn-i katno uba khuid nga long da kaba pynshitom ïa kito kiba im hapdeng jong pha.

ESEKIEL 28:25

U Trai Nongsynshar u la ong, “Ngan wallam pat ïa ki paid Israel na ki jaitbynriew kiba nga la pynsakma ïa ki, bad ki jaitbynriew baroh kin tip ba nga long uba khuid. Ki paid Israel kin im ha la ka ri, ka ri kaba nga la ai ha u shakri jong nga u Jakob.

ESEKIEL 36:23

Ynda haba ngan pynpaw ha ki jaitbynriew ïa ka jingkhuid ka kyrteng bakhraw jong nga — ka kyrteng ïa kaba phi la pynjahburom hapdeng jong ki — te kin sa tip ba nga long U Trai. Ma nga, U Trai Nongsynshar, nga la kren. Ngan pyndonkam ïa phi ban pyn-i ha ki jaitbynriew ba nga long uba khuid.

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

ESEKIEL 38:23

Ha kane ka rukom ngan pyn-i ïa baroh ki jaitbynriew ba nga long uba khraw bad uba khuid. Kin sa tip, te, ba nga long U Trai.”

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

JINGKHEIÑ 20:13

Kane ka jia ha Meribah, ha kaba ki Israel ki la ïakhñium pyrshah ïa U Trai, bad ha kaba u la pynpaw ïa lade ba u long uba khuid.

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

1 PETROS 1:16

Ka Jingthoh Bakhuid ka ong, “To long phi kiba khuid namar nga long uba khuid.”

1 PETROS 2:15

Naba U Blei u kwah ïa phi ban pynsngap jar ïa ka jingkren khlem pyrkhat jong ki briew kiba bieit da ki kam babha ba phi leh.

1 PETROS 3:15

Hynrei to tiengburom ïa U Khrist ha ki dohnud jong phi, bad pyndonburom ïa u kum U Trai. To long kiba la kloi ha ki por baroh ban ai ka jubab ïa uno uno uba kylli ïa phi ban batai ïa ka jingkyrmen kaba don ha phi,

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”