ISAÏAH 5:14 - Khasi CL Bible (BSI)

¹⁴ Ka pyrthei kiba ïap ka thngan ïa ki, ka ang pynheh ïa la ka shyntur. Ka klun shapoh ïa ki riewdonburom jong ka Jerusalem bad ki paid ba kaw kaw jong ki riewpaidbah.

KA BAIBL

¹⁴ Namar kata, ka dujok ka la pynïar la ka jingkwah, bad ka la ang rynghang ïa la ka shyntur; te ka burom jong ki, bad u paidbah jong ki, bad ka jingthaw nam jong ki, bad uta uba shadkmen hapdeng jong ki, kin hiar ha ka.

ISAÏAH 5:14 ပူးပေါင်းရင်းမြစ်များ

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

HABAKKUK 2:5

Ka spah ka long kaba shukor. Ki briew kiba lalot ki long kiba sarong bad bym lah ban shong khop — kum ka jingïap hi da lei lei kim ju hun. Namarkata ki jop ïa kawei ka hima hadien kawei pat na ka bynta ïa lade.

PROBERB 30:16

Ka pyrthei kiba ïap, ka kynthei kaba khlem khun, ka khyndew rkhiang kaba donkam slap, bad ka ding kaba meh bym lah ban tem.

MATHAÏOS 7:13

“Rung shapoh lyngba ka khyrdop kaba khim, namar ka khyrdop sha ka dujok ka long kaba kylluid bad ka lynti kaba ïalam sha ka, ka long kaba suk, bad don shibun kiba ïaid na ka.

PROBERB 27:20

Ki jingkwah u briew ki long kum ka pyrthei kiba ïap — Ka don borabor ka jingkwah shuh shuh.

SALM 55:15

To ai ba ki nongshun jong nga kin ïap ha shuwa ka por jong ki; to ai ba kin hiar im sha ka pyrthei kiba ïap! Ka jingbymman ka don ha ki ïing jong ki bad ha ki dohnud jong ki.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

ISAÏAH 14:9

“Ka pyrthei jong kiba ïap ka pynkhreh ban pdiang sngewbha ïa u syiem jong ka Babilonia. Ki sna-ïap jong kito kiba donbor ha ka pyrthei ki ïakhih ksar. Ki sna-ïap jong ki syiem ki ïeng na ki khet jong ki.

LOUKAS 17:27

Uwei uwei baroh u ïai ïabam bad ïadih, bad ki shynrang bad ki kynthei ki ïashongkurim, haduh ka sngi kaba u Noah u la leit rung shapoh ka lieng bad ka jingshlei um ka la wan bad ka la pynïap ïa ki baroh.

ISAÏAH 21:4

Ka khlieh jong nga ka king, bad nga khynñiuh da ka jingsheptieng. Nga la khmih lynti ïa ka janmiet ban wan, hynrei kam shym wallam ei ei hynrei tang ka jingtriem.

PROBERB 1:12

Ki lah ban shait ban khlaiñ haba ngi lap ïa ki, hynrei kin ïap haba ngi ïoh leh dusmon ïa ki!

SALM 49:14

kin kut ha kaba ïap kum ki langbrot, bad ka Jingïap kan long u nongaplangbrot jong ki. Kiba hok kin jop halor jong ki, katba ki met jong ki kin pyut kloi ha ka pyrthei kiba ïap, jngai na ki ïing jong ki.

DANIEL 5:30

Ha kata kajuh ka miet ïa u Belshassar, u syiem ka Babilonia, la pynïap;

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

ISAÏAH 14:11

Me la mlien ban ïoh ka jingpyndonburom da ki sur jingtem ki duitara, hynrei mynta hangne me don ha ka pyrthei kiba ïap. Me thiah ha ka jingthiah jong ki ksaiñ bad la tap nep da ki wieh.’

ISAÏAH 24:8

bad ka sur bakmen jong ki duitara bad ki ksing jong ki ka la duh noh.

ESEKIEL 7:12

Ka por ka la poi. Ka sngi ka la jan, ha kaba ka jingïadie ïathied kan ym don jingmut shuh, namar ka jingpynshitom U Blei kan hap ha baroh kumjuh.