ISAÏAH 5:12 - Khasi CL Bible (BSI)

¹² Ha ki jingkhawai jong phi, phi don ki duitara, ki shakuriaw bad ki tangmuri — bad ka waiñ. Hynrei phim sngewthuh aïu U Trai u leh,

KA BAIBL

¹² Te ka duitara bad ka nebel, ka kanjari, bad ka sharati, bad ka Waiñ, ki don ha ki jingkhawai jong ki: hynrei, ïa ka kam U Trai kim ju ñiew, lymne, kim shym pyrkhat ïa ka jingleh ki kti jong u.

ISAÏAH 5:12 ပူးပေါင်းရင်းမြစ်များ

JENESIS 31:27

Balei me shukor ïa nga bad mih jar jar khlem da ïathuh ïa nga? Lada me la ïathuh ïa nga, ngan jin da la phah ïa me da ka jingkmen bad da ki jingkyn-ud sur ha ki kanjari bad ki duitara.

2 SAMUEL 19:35

Nga la dap phraphew snem ka rta, bad ym don shuh kata kaba pynsngewbha ïa nga. Ngam don jingmad shuh ïa kaei ba nga bam bad dih, bad ngam lah shuh ban ïohsngew ïa ki sur jong ki nongrwai. Ngan long tang ka jingbankhia ïa U Syiem Kynrad.

Ka Kitab U Job 34:27

namar ki la sangeh na kaba bud ïa u bad leh bymsalia ïa ki hukum jong u.

SALM 28:5

Kim shym patiaw ïa kaei kaba U Trai u la leh lane ïa kaei kaba u la pynlong; kumta un pynshitom ïa ki bad pynjot ïa ki junom.

ISAÏAH 22:13

Pynban, phi ïa-rkhie bad phi ïalehkmen. Phi pynïap ïa ki langbrot bad ki masi ban bam, bad phi dih waiñ. Phi ong, “Ngi lah ruh ban ïabam bad ïadih! Lashai ngin ïap.”

ISAÏAH 24:8

bad ka sur bakmen jong ki duitara bad ki ksing jong ki ka la duh noh.

ISAÏAH 29:1

Ka duwan U Blei, kaba long ka Jerusalem hi, kam lah khie khlieh shuh! Ka nongbah ha kaba u Dabid u la sher dara kam lah khie khlieh shuh! Ai ba sa kawei ne ar ki snem kin wan bad leit, ryngkat bad ki jingkhawai bad ki Jingkhawai Niam,

ISAÏAH 5:19

Phi ong, “Ai ba U Trai un pynstet bad leh ïa kaei kaba u ong ba un leh, ba kumta ngi lah ban ïohi ïa ka. Ai ba U Blei bakhuid ka Israel un pyndep ïa ki jingthmu jong u, to ngin khmih kaei u don ha ka jingmut jong u.”

ISAÏAH 56:12

‘Ïa ngin ïawad waiñ khyndiat,’ kine ki nongdih kyiad ki ong, ‘bad dih katba ngi lah! Lashai kan kham palat ban ïa kaba mynta!’ ”

ESEKIEL 26:13

Ngan pynkut noh ïa ki jingrwai jong pha baroh, bad ngan pynsngap jar ïa ki sur tem na ki duitara jong pha.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

LOUKAS 16:19

“La don shisien uwei u briew uba riewspah uba la riam ha ki jaiñ kiba remdor eh bad uba im ha ka jingpahuh bakhraw man la ka sngi.

1 KORINTH 14:7

Shu shim nuksa ïa ki jingput jingtem ki bym don jingim kum ka tangmuri ne ka duitara — kumno phin tip ïa ka sur lymda la tem ha ki sur kiba shai?

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.

1 SAMUEL 12:24

Kohnguh ïa U Trai bad shakri hok ïa u da ka dohnud jong phi baroh. To kynmaw ïa kiei kiei kiba khraw kiba u la leh na ka bynta jong phi.