ISAÏAH 5:1 - Khasi CL Bible (BSI)

¹ To pynshahshkor katba nga rwai ha phi ïa kane ka jingrwai, ka jingrwai u paralok jong nga bad ka bri sohwaiñ jong u: U paralok jong nga u don ka bri sohwaiñ ha u lumrit uba seisoh bha.

KA BAIBL

¹ Ai ba ngan rwai ha u ba-ieit eh jong nga ka jingrwai u ba-ieit jong nga shaphang ka brisoh jong u. U ba-ieit jong nga u la don ka brisoh ha i lum basei soh shibun:

ISAÏAH 5:1 ပူးပေါင်းရင်းမြစ်များ

SALM 101:1

Ka jingrwai jong nga ka long shaphang ka jingïaineh bad ka jingbishar hok, bad nga rwai ïa ka sha me, A Trai.

SALM 45:1

Ki kyntien basngewtynnat ki pyndap ïa ka jingmut jong nga, katba nga dang thaw ïa kane ka jingrwai na ka bynta u syiem. Kum u khulom jong u nongthoh batbit u thylliej jong nga u la kloi ban thaw jingrwai.

SALM 60:5

To pyllait im ïa ngi da ka borbah jong me; to jubab ïa ki jingduwai jong ngi, khnang ba ki briew kiba me ieit kin ïohlait im.

SALM 80:8

Me la wallam ïa u dieng sohwaiñ na Ijipt; me la beh noh ïa kiwei pat ki jaitbynriew bad me la thung ïa u ha ka ri jong ki.

JINGRWAI SOLOMON 2:16

Uba ieit jong nga u dei u jong nga hi, bad nga dei ka jong u. U bsa ïa la ka kynhun langbrot hapdeng ki 'tiew lili

JINGRWAI SOLOMON 5:16

Ka shyntur jong u ka long kaba thiang ban doh; kiei kiei shaphang jong u ki pynïapbieit ïa nga. Kane ka dei kaei kaba uba ieit jong nga u long, ko ki kynthei ka Jerusalem.

JINGRWAI SOLOMON 5:2

Katba nga dang thiah, ka dohnud jong nga ka peitmat. Nga la phohsniew ba uba ieit jong nga u tied jingkhang. Shah ngan rung shapoh, ko ba-ieit jong nga, ko ba-ieit thep mynsiem jong nga, ko lyngdkhur jong nga. Ka khlieh jong nga ka jhieh da ka umjer, bad u shñiuh jong nga u sngem na u lyoh khyndew.

JINGRWAI SOLOMON 6:3

Uba ieit jong nga u dei u jong nga hi bad nga dei ka jong u; u pynbamphlang ïa ka kynhun langbrot jong u hapdeng ki 'tiew lili.

JEREMAÏAH 12:10

Shibun ki nongsynshar nongwei ki la pynjot ïa ka bri sohwaiñ jong nga; ki la ïuhroit ïa ki lyngkha jong nga; ki la pynkylla ïa ka ri ba-itynnat jong nga sha ka ri shyiap.

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

ESEKIEL 15:2

“Ko khun u briew,” u la ong, “kumno yn nujor ïa u dieng sohwaiñ bad u dieng? Ka bha aïu ka tnat u dieng sohwaiñ haba nujor bad ki dieng ha khlaw?

ESEKIEL 19:10

Ka kmie jong me ka la long kum u dieng sohwaiñ uba la thung hajan ka wahduid. Namar ba la don kyrhai ka um, ïa u dieng sohwaiñ la tap da ki sla bad u soh.

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

MATHAÏOS 21:33

“To shahshkor sa kawei pat ka pharshi,” U Jisu u la ong. “La don shisien u trai jaka uba la thung ka bri sohwaiñ, u la buh ka jingker sawdong jong ka, u la tih ka thliew na ka bynta ka jaka khñiot waiñ, bad u la tei ka jaka ap phira. Nangta u la aiwai ïa ka bri sohwaiñ ha ki nongshimwai bad u la leit jingleit.

MARKOS 12:1

Nangta, U Jisu u la kren ha ki ha ki pharshi: “Shisien la don u briew uba don ka bri sohwaiñ, u la thaw ka jingker baroh sawdong jong ka, u la tih ka thliew ban khñiot sohwaiñ, bad u la thaw ka jaka ap phira. Nangta u la aiwai ïa ka bri sohwaiñ sha ki nongshimwai bad u la mih na ïing ban leit jingleit.

LOUKAS 20:9

Nangta U Jisu u la ïathuh ha ki paidbah ïa kane ka pharshi: “La don shisien uwei u briew uba don ka bri sohwaiñ, u la aiwai ha ki nongshimwai, bad nangta u la mihnoh na ïing ban jah kham slem.

ÏOANNIS 15:1

“Nga, nga long u dieng sohwaiñ bashisha, bad U Kpa jong nga u long u nongsumar brisoh.

DEUTERONOMI 8:10

Phin ïoh bam kat ïa kaba phi kwah, bad phin ainguh ïa U Trai U Blei jong phi na ka bynta kata ka ri kaba seisoh ba u la ai ha phi.

DEUTERONOMI 8:7

U Trai U Blei jong phi un ïalam ïa phi sha ka ri kaba seisoh — ka ri kaba don ki wah, ki pukri, bad ki umpohliew kiba tuid ha ki them bad ki lum;