ISAÏAH 49:3 - Khasi CL Bible (BSI)

³ U la ong ïa nga, “Ko Israel, me long u shakri jong nga; namar jong me, ki briew kin ïaroh ïa nga.”

KA BAIBL

³ te u la ong ha nga, “Me long u shakri jong nga; u Israel, ha uba ngan ïoh burom.”

ISAÏAH 49:3 ပူးပေါင်းရင်းမြစ်များ

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

SEKHARAÏAH 3:8

Kumta to pynshahshkor, ko Joshua, me uba long u Rangbah Lyngdoh, to pynshahshkor, phi ki para lyngdoh jong u, ma phi kiba long ka dak jong ka lawei babha: Ngan pynpaw ïa la u shakri, ïa uba la khot U Tnat!

ISAÏAH 52:13

U Trai u ong, “U shakri jong nga un jop ha ka kam jong u; un ïoh ka burom bakhraw.

ÏOANNIS 17:1

Hadien ba U Jisu u la dep ong ïa kane, u la khmied sha bneng bad u la ong, “Ko Pa, ka kynta ka la poi. To ai ka burom ïa la U Khun, ba U Khun un ïoh ban ai ka burom ïa me.

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

ÏOANNIS 15:8

Ka burom U Kpa jong nga ka paw da ka jingseisoh ba bun jong phi; bad ha kane ka rukom phi long ki synran jong nga.

ÏOANNIS 12:28

Ko Pa, to pyndonburom ïa la ka kyrteng!” Te ka sur ka la kren na bneng, “Nga la wallam ka burom ïa ka, bad ngan leh biang kumta.”

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

ISAÏAH 43:21

Ki long ki briew ba nga la pynlong na ka bynta ïa lade, bad ki rwai ïa ka jingïaroh jong nga!”

2 THESSALONI 1:10

haba u wan ha kata ka Sngi ban ïohpdiang ïa ka burom na ki briew jong u baroh bad ka jingpyndonburom na baroh kiba ngeit. Phi ruh phin long napdeng jong ki, namar ba phi la ngeit ïa ka khubor kaba ngi la ïathuh ha phi.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 41:8

“Hynrei me, ko Israel u shakri jong nga, me long u paidlang ba nga la jied, ki khun ki ksiew u Abraham, u paralok jong nga.