ISAÏAH 48:8 - Khasi CL Bible (BSI)

⁸ Nga la tip ba ïa phi ym lah ban shaniah, la ju tip ïa phi kum u nongïaleh pyrshah. Na kata ka daw phim pat ju ïohsngew satia ïa kane, balei ba wat shikyntien ruh kam shym la wan ha ki shkor jong phi?

KA BAIBL

⁸ Shisha, mem shym la ïohsngew; shisha, mem shym la tip; shisha, naduh mynbarim ïa ka shkor jong me ym shym la plie: namar nga la tip ba me leh shukor eh, bad ba la khot ïa me u nongpalat naduh ka kpoh.

ISAÏAH 48:8 ပူးပေါင်းရင်းမြစ်များ

SALM 40:6

Ïa ki jingkñia bad ki jingainguh mem kwah; ïa ki mrad thang tylli halor ka duwan mem shym la pan lane ïa ki jingkñia ki ban shim noh ïa ki pop.

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

SALM 58:3

Ki nongkamsniew ki ïaid bakla baroh shi jingim; ki kren lamler naduh ka sngi ba la kha ïa ki.

ISAÏAH 21:2

Nga la ïohi ka jingïohipaw jong ki jingjia ba-ishyrkhei, ka jingïohipaw ïa ka jingshetkylla bad ka jingpynjot. Ko kynhun shipai jong ka Elam, to tur ïaleh! Ko kynhun shipai jong ka Media, to kerkut ïa ki nongbah! U Blei un pynkut ïa ka jingshitom kaba la wanrah da ka Babilon.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

ISAÏAH 42:25

Kumta u pynlong ïa ngi ban sngew ïa ka bor ka jingbitar jong u bad shah jynjar ïa ka jingshyrkhei ka thma. Kum ka ding ka jingbitar jong u ka meh kylleng ka Israel, hynrei ngim ju tip aïu ka jia; ngim shym ïoh jinghikai satia ei ei na ka.

ISAÏAH 46:8

“To kynmaw ïa kane, phi ki nongpop; pyrkhat ïa kaei kaba nga la leh.

ISAÏAH 47:11

Ka jingjot kan wan ha pha, bad yn ym don na ki kam myntor jong pha ki ban lah ban pynsangeh ïa ka. Ka jingpynjot kynsan kynsan kan wan halor jong pha, ka jingpynjot kaba pham pat ju phohsniew!

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

ISAÏAH 48:7

Dei tang mynta ba nga pynurlong ïa ki; ym don ei ei kum kane kaba la jia mynshuwa. Lada ka la jia, phin jin da la kam ba phi la dep tip lut shaphang kane.

ISAÏAH 50:5

U Trai u la ai ha nga ïa ka jingshemphang, bad nga shym la ïaleh pyrshah lane phai noh na u.

ISAÏAH 57:4

Ïano phi leh biria? Ïano phi ki nongshukor phi rkhiebeiñ?

JEREMAÏAH 3:20

Hynrei kum ka tnga ka bymïaineh, pham shym la ïaineh ha nga. Ma nga, U Trai, nga la kren.”

JEREMAÏAH 5:11

Ki briew jong ka Israel bad Judah ki la shetkylla la biang ïa nga, ma nga, U Trai, nga la kren.”

JEREMAÏAH 5:21

To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

HOSIA 5:7

Ki la long ki bymïaineh ha U Trai; ki khun jong ki kim long ki jong u. Kumta mynta, ma ki bad ki jaka jong ki kin sa shah pynjot noh shen.

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

HOSIA 7:9

Ki shaniah ha ki jaitbynriew sawdong jong ki bad kim sngewthuh ba kane ka jingshaniah ha ki nongwei ka la bam duh noh ïa ka jingkhlaiñ jong ki. Ki sngi jong ki, ki la jan kut, hynrei kim shym la tip ïa kata.

MALAKHI 2:11

Ki paid Judah ki la pynkheiñ ïa ka jingkular jong ki sha U Blei bad ki la leh ïa kaei kaei kaba shyrkhei ha Jerusalem bad ha ka ri baroh kawei. Ki la pynjakhlia ïa ka Templ kaba U Trai u ieit. Ki rangbah ki la shongkurim ïa ki kynthei kiba mane ïa ki blei nongwei.

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

DEUTERONOMI 31:18

Te ngan kyntait ban ïarap ïa ki namar ba ki la leh bymman bad mane ïa kiwei pat ki blei.