ISAÏAH 48:6 - Khasi CL Bible (BSI)

⁶ “Baroh kiba nga la ïathuh lypa, mynta ki la urlong; phi hap ban pdiang ba ki jingïathuh lypa jong nga ki long kiba dei. Mynta ngan ong ïa phi ïa kiei kiei kiba thymmai ki ban wan, ki jingjia kiba ngam shym la pynpaw mynshuwa.

KA BAIBL

⁶ “Me la ïohsngew ïa ka; to khmih ïa kane baroh; phi te, phin ym ïathuh ïa ka? Nga la pyni ïa me ïa kiei kiei ki bathymmai naduh mynta, wat kiei kiei ba la buhrieh, kiba mem shym la tip.

ISAÏAH 48:6 ပူးပေါင်းရင်းမြစ်များ

SALM 107:43

To ai ba kito kiba stad kin pyrkhat shaphang kine kiei kiei; to kin pyrkhat shaphang ka jingieit baneh U Trai.

SALM 119:13

Ngan ïai ban ha ka sur bajam ïa ki aiñ baroh kiba me la ai.

ISAÏAH 21:10

Ko paid Israel jong nga, phi la shah shoh kumba shoh kew, hynrei mynta nga la pynbna ha phi ïa ka khubor babha ba nga la ïohsngew na U Trai Badonbor Baroh, U Blei jong ki Israel.

ISAÏAH 42:20

Ko Israel, phi la ïohi shibun bha, hynrei ka don jingmut aïu ïa phi? Phi don ki shkor ban sngew, hynrei phi ïohsngew aïu da shisha?”

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 42:9

Kiei kiei kiba nga ïathuhlypa mynta ki la jia shisha. Mynta ngan ïathuh ïa phi ïa kiei kiei kiba thymmai wat ha shuwa ba kin sdang ban jia.”

ISAÏAH 43:19

To khmih ïa kaba thymmai kaba ngan leh. Ka la jia lypa — phi lah ban ïohi ïa ka mynta! Ngan pynlong ïa ka lynti lyngba ka ri khlaw bad ïa ki wahduid ngan ai ïa phi na ka um hangta.

ISAÏAH 48:7

Dei tang mynta ba nga pynurlong ïa ki; ym don ei ei kum kane kaba la jia mynshuwa. Lada ka la jia, phin jin da la kam ba phi la dep tip lut shaphang kane.

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 33:3

“To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

MIKAH 6:9

Ka long ka jingstad ban sheptieng ïa U Trai. U pyrta ïa ka nongbah, “To shahshkor phi ki briew kiba ïalum ha ka nongbah!

MATHAÏOS 10:27

Ïa kaei kaba nga ïathuh ïa phi ha kaba dum phi dei ban ïathuh ha kaba shai, bad ïa kaei kaba phi la ïohsngew ha kaba rieh phi dei ban pynbna na ki tnum ïing.

ÏOANNIS 15:15

Ngam khot shuh ïa phi ki shakri, namar u shakri um tip aïu u kynrad u leh. Pynban, nga khot ïa phi ki paralok, namar nga la ïathuh ïa phi ïa kiei kiei baroh kiba nga la ïohsngew na U Kpa jong nga.

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

1 KORINTH 2:9

Pynban, kumba ka Jingthoh Bakhuid ka ong: “Ïa kaei kaba ym pat don mano mano ba la ïohi ne ïohsngew, ïa kaei kaba ym pat don mano mano ba la pyrkhat ba lah ban jia, ka long kata hi kaei kaei kaba U Blei u la pynkhreh ïa kito kiba ieit ïa u.”

JINGPYNPAW 1:19

Thoh te, ïa kiei kiei kiba me ïohi; kita kiei kiei kiba long mynta bad kita kiei kiei ki ban sa jia hadien.

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”