ISAÏAH 48:2 - Khasi CL Bible (BSI)

² Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

KA BAIBL

² Naba ki khot ïa lade ki jong ka shnong bakhuid, bad ki shaniah ha U Blei ki Israel; “U Trai ki paid” long ka kyrteng jong u.

ISAÏAH 48:2 ပူးပေါင်းရင်းမြစ်များ

NEHEMAÏAH 11:1

Ki nongïalam ki la shong la sah ha Jerusalem, bad kiba sah na ki briew, ki la kynting sbai ban jied kawei ka longïing na man ki shiphew tylli ki longïing ban leit shong leit sah ha ka nongbah bakhuid jong ka Jerusalem, katba kiwei pat kiba sah kin shong kin sah ha kiwei pat ki nongbah bad ki shnong.

SALM 48:1

U Trai u long uba khraw ïa uba dei ban ïaroh eh ha ka nongbah jong U Blei jong ngi, halor u lum bakyntang jong u.

SALM 87:3

To shahshkor, ko nongbah U Blei, ïa kiei kiei kiba phylla ba u ïathuh shaphang jong pha:

ISAÏAH 10:20

Ka por ka poi ha kaba ki paid Israel kiba la lait im kin ym shaniah shuh ha ka jaitbynriew kaba la jan pynjot thiaw ïa ki. Da shisha kin buh ka jingshaniah jong ki ha U Trai, U Blei bakhuid jong ka Israel.

ISAÏAH 47:4

U Blei Bakhuid jong ki Israel u pyllaitluid ïa ngi — ka kyrteng jong u ka long U Trai Badonbor Baroh.

ISAÏAH 51:13

Hato phi la klet ïa U Trai uba la thaw ïa phi, uba pynïar ïa ki bneng bad uba pynïeng ïa ki nongrim ka pyrthei? Balei phi im ha ka jingïai-sheptieng ïa ka jingbitar shla jong kito kiba banbeiñ ïa phi, jong kito kiba long ba la kloi ban pynjot ïa phi? Ka jingbitar shla jong ki kam lah shuh da lei lei ban ktah ïa phi.

ISAÏAH 51:15

“Nga long U Trai U Blei jong phi; nga pynphaloh ïa ka duriaw bad nga pynlong ïa ki jingat phyllung ban kyrhuh. Ka kyrteng jong nga ka long U Trai Badonbor Baroh!

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 21:2

“Sngewbha ban kren ha U Trai na ka bynta jong ngi, namar u Nebukhadnessar u syiem ka Babilonia bad ka kynhun shipai jong u ki la wan kerkut ïa ka nongbah. Lehse U Trai un leh kawei na ki kambah jong u na ka bynta jong ngi, bad un pynbor ïa u Nebukhadnessar ba un kynran dien noh.”

JEREMAÏAH 44:26

Hynrei mynta to shahshkor ïa ka jingsmai kaba ma nga U Trai, nga la pynlong ha ka kyrteng bakhrawbor jong nga sha phi ki Israel baroh kiba don ha Ijipt: ngan ym shah shuh ïano ïano na phi ban pyndonkam ïa ka kyrteng jong nga ban pynlong jingsmai da kaba ong, ‘Nga smai da U Trai Nongsynshar uba im!’

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MATHAÏOS 27:53

Ki la iehnoh ïa ki jingtep bad hadien ba U Jisu u la mihpat na ka jingïap, ki la leit rung sha ka Nongbah Bakhuid, ha kaba shibun ki briew ki la ïohi ïa ki.

MATHAÏOS 4:5

Nangta u Soitan u la ïalam ïa U Jisu sha Jerusalem, ka Nongbah Bakhuid, bad u la buh ïa U ha ka kliar kaba jrong tam jong ka Templ,

Ka Shithi U Paul Sha Ki Nong Rom 2:17

Kumno shaphang jong phi? Phi khot ïa lade u Jiw; phi shaniah ha ka Hukum bad sngewsarong shaphang U Blei;

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 22:19

Bad lada uno uno u shim noh ïa kano kano na ki kyntien jingïathuhlypa jong kane ka kitab, U Blei un shim noh na u ïa ka bhah jong u na u soh jong u dieng ka jingim bad jong ka Nongbah Bakhuid, ïa kiba la batai ha kane ka kitab.

NONGBISHAR 17:13

U Mikah u ong, “Mynta ba nga la don u Lebi kum u lyngdoh jong nga, nga tip ba U Trai un sa pynmanbha ïa nga.”