ISAÏAH 48:1 - Khasi CL Bible (BSI)

¹ To shahshkor ïa kane, phi ki paid Israel, phi kiba hiarpateng na u Judah: Phi smai da ka kyrteng jong U Trai bad kam ba phi mane ïa U Blei ki Israel — hynrei phim shym buh jingmut ïa kawei ruh ka ktien kaba phi ong.

KA BAIBL

¹ To sngew ïa kane, ko ka ïing u Jakob, ïa kiba la khot da ka kyrteng Israel, kiba la mih noh ruh na ki um ka Judah; kiba smai ha ka kyrteng U Trai, bad kiba kynmaw ïa U Blei ki Israel, hynrei ym ha kaba shisha, lymne ha ka hok.

ISAÏAH 48:1 ပူးပေါင်းရင်းမြစ်များ

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

JENESIS 35:10

U Blei u ong ha u, “Ka kyrteng jong me ka dei u Jakob, hynrei naduh mynta, kan long noh U Israel.” Kumta U Blei u la khot kyrteng ïa u, u Israel.

2 SYIEM 17:34

Ki dang ïai leh hi ïa la ki rukom barim haduh kane ka sngi. Kim shym mane ïa U Trai lane kohnguh ïa ki aiñ bad ki hukum kiba u la ai ha ki khun ki ksiew u Jakob, ïa uba u pynkyrteng u Israel.

2 SYIEM 5:20

haba u Gehasi, u shakri jong u Elisha, u ong ha lade, “U kynrad jong nga u la pyllait ïa u Naaman ban leit noh khlem da siew ei ei! U la dei ban pdiang ïa kaei kaba uto u Syria u tyrwa ïa u. Da U Trai uba im, ngan mareh hadien jong u bad ngan ïoh ei ei na u.”

SALM 63:11

Namar U Blei u ai ha u ka jingjop, u syiem un shadkmen. Kito kiba pynlong ki jingkular ha ka kyrteng jong U Blei kin ïaroh ïa u, hynrei ïa ki shyntur jong kiba lamler yn set.

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

SALM 68:26

“To ïaroh ïa U Blei ha ka jingïakynduh lang jong ki briew jong u; to ïaroh ïa U Trai, phi ki khun ki ksiew baroh jong u Jakob!”

SALM 68:27

Nyngkong u wan u Benjamin, ka jait kaba rit tam, nangta ki nongïalam jong ka Judah lem bad ka kynhun jong ki, ba la bud da ki nongïalam jong ka Sebulun bad Naphtali.

EKSODOS 23:13

“Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

PROBERB 5:16

Ki khun kiba phi la ïoh na kiwei pat ki kynthei kin ym wanrah jingbha ei ei ïa phi.

ISAÏAH 26:13

A Trai, U Blei jong ngi, ïa ngi la synshar da kiwei pat, hynrei tang ma me, me long U Trai jong ngi.

ISAÏAH 44:5

“Uwei hadien uwei, ki briew kin ong, ‘nga long u jong U TRAI’. Kin ïawan ban ïasnoh bad u paid Israel. Uwei pa uwei un shon ha ka ksang'ti jong u ïa ka kyrteng jong U Trai bad un khot ïa lade uwei na ki briew U Blei.”

ISAÏAH 45:23

Ka jingkular jong nga ka long kaba shisha, bad kan ym kylla. Nga kular shisha da baroh kaba nga long; baroh kin wan ban dem ha khmat jong nga bad kular ba ki long hok ha nga.

ISAÏAH 46:12

“To shahshkor ïa nga, phi ki briew ba-mutlop kiba pyrkhat ba ka jingjop ka dang sha jngai bah.

ISAÏAH 51:1

U Trai u ong; “To shahshkor ïa nga, phi kiba kwah ban ïoh jingim, phi kiba wan sha nga ban ïoh jingïarap. Puson halor u mawsiang na uba phi la wan, ka par maw na kaba la tih ïa phi.

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

ISAÏAH 58:2

Ki mane ïa nga man la ka sngi, ki da kam ba ki thrang ban tip ïa ki lynti jong nga bad kohnguh ïa ki aiñ jong nga. Ki ong ba ki kwah ïa nga ban ai ïa ki aiñ kiba beit bad ba ki shem sngewbha ha kaba mane ïa nga.”

ISAÏAH 62:8

U Trai u la pynlong ka jingkular bakyntang bad da ka bor jong u, un pynlongkam ïa ka: “U kew jong pha un ym long shuh ka jingbam ïa ki nongshun jong pha, bad ki nongwei kin ym ïoh shuh ban dih ïa ka waiñ jong pha.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

ISAÏAH 65:16

Te uno uno uba ha ka ri uba pan ïa ka jingkyrkhu, un pan ban ïoh jingkyrkhu na U Blei uba ïaineh. Uno uno uba shim smai un smai ha ka kyrteng U Blei uba ïaineh; Ki jingjynjar kiba mynshuwa kin leit noh bad yn klet noh.”

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

JEREMAÏAH 44:26

Hynrei mynta to shahshkor ïa ka jingsmai kaba ma nga U Trai, nga la pynlong ha ka kyrteng bakhrawbor jong nga sha phi ki Israel baroh kiba don ha Ijipt: ngan ym shah shuh ïano ïano na phi ban pyndonkam ïa ka kyrteng jong nga ban pynlong jingsmai da kaba ong, ‘Nga smai da U Trai Nongsynshar uba im!’

JEREMAÏAH 5:2

Wat la phi kam ba phi mane ïa U Trai, phim shym mut kumba phi ong.

LEBITIKOS 19:12

Wat ai ka jingkular ha ka kyrteng jong nga lada phim don jingmut ban bat ïa ka; kata ka wanrah ïa ka jingpynjahburom ïa ka kyrteng jong nga. Nga long U Trai U Blei jong phi.

MIKAH 2:7

Hato phi pyrkhat ba ki paid Israel ki don hapoh ka jingtim? Hato U Trai u la duh noh ïa la ka jingïaishah? Hato un da leh shisha ïa kine kiei kiei? Hato um shym kren bha ïa kito kiba leh ïa kaba dei?”

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

SEKHARAÏAH 5:3

Nangta u la ong ha nga, “Halor jong ka la thoh ïa ka jingtim kaba dei ban leit sha ka ri baroh kawei. Ha kawei ka liang jong ka kot kli ka ong ba ïa uwei pa uwei u nongtuh yn weng noh na ka ri; bad ha kawei pat ka liang ka ong ba ïa uno uno uba ïathuh lamler hapoh ka jingsmai yn shim noh ïa u ruh.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

JINGKHEIÑ 24:7

Kin ïoh kyrhai u slap Bad kin thung ïa la u symbai ha ki lyngkha ba ïoh um bha. U syiem jong ki un kham khraw ïa u Agag, Bad ka bor synshar jong u kan ïar kylleng sawdong.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

ÏOANNIS 1:47

Haba U Jisu u la ïohi ïa u Nathanael ba u wan sha u, u la ong shaphang jong u, “Une u dei u kynja Israel uba shisha, ym don kano kano ka bymshisha ha u!”

ÏOANNIS 4:24

U Blei u long U Mynsiem, bad tang ha ka bor U Mynsiem jong u ba ki briew ki lah ban mane ïa u kumba u long hi.”

Ka Shithi U Paul Sha Ki Nong Rom 2:17

Kumno shaphang jong phi? Phi khot ïa lade u Jiw; phi shaniah ha ka Hukum bad sngewsarong shaphang U Blei;

Ka Shithi U Paul Sha Ki Nong Rom 9:6

Ngam ong ba ka kular jong U Blei kam shym la treikam; namar ym baroh ki paid Israel ki long ki briew jong U Blei.

Ka Shithi U Paul Sha Ki Nong Rom 9:8

Kane ka mut ba ki khun ba la kha kat kum ka rukom, kim dei ki khun jong U Blei; hynrei, ïa ki khun ba la kha kat kum ka jingkular U Blei, la ñiew kum ki nonghiarpateng bashisha.

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

DEUTERONOMI 33:28

Kumta ki khun ki ksiew u Jakob ki shongsuk shongsaiñ, khlem jingkhuslai ha ka ri kaba dap da u kew bad da ka waiñ, ha kaba ka umjer na suiñbneng ka ai um ïa ka khyndew.

DEUTERONOMI 5:28

“Haba U Trai u la ïohsngew ïa kane, u ong ha nga, ‘Nga la ïohsngew kine ki briew ki ong aïu; ki la kren ïa kaba dei.

DEUTERONOMI 6:13

Tiengburom ïa U Trai U Blei jong phi, mane tang ïa u, bad kular ruh tang ha ka kyrteng jong u.

1 TIMOTHI 4:2

Kiba kum kita ki jinghikai ki wan na ki riewarsap bashukor, kiba la ïap ki jingïatiplem, kumba la thang da u narsaw.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.