ISAÏAH 47:4 - Khasi CL Bible (BSI)

⁴ U Blei Bakhuid jong ki Israel u pyllaitluid ïa ngi — ka kyrteng jong u ka long U Trai Badonbor Baroh.

KA BAIBL

⁴ U Nongsiewspah jong ngi, “U Trai ki paid” long ka kyrteng jong u, uta U Bakhuid jong ki Israel.

ISAÏAH 47:4 ပူးပေါင်းရင်းမြစ်များ

SALM 19:14

To ai ba ki kyntien jong nga bad ki jingpyrkhat jong nga kin long kiba la pdiang hun ha me, A Trai, me long ka jakarieh jong nga bad u nongsiewspah jong nga!

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 43:14

U Blei uba khuid ki Israel, U Trai uba pynim ïa phi u ong, “Ban pynim ïa phi, ngan phah ïa ka kynhun shipai pyrshah ïa ka Babilon; ngan pynpait ïa ki khyrdop ka nongbah, bad ki jingrisa jong ki briew jong ka kin kylla jingïam.

ISAÏAH 43:15

Nga long U Trai, U Blei bakhuid jong phi, nga la thaw ïa phi, ko Israel, bad nga long u Syiem jong phi.”

ISAÏAH 43:3

Naba nga long U Trai U Blei jong phi, U Blei bakhuid jong ki Israel, uba pynim ïa phi. Ngan kyntait ïa ka Ijipt ban pyllaitluid ïa phi; ngan kyntait ïa ka Sudan bad ka Seba.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ISAÏAH 51:15

“Nga long U Trai U Blei jong phi; nga pynphaloh ïa ka duriaw bad nga pynlong ïa ki jingat phyllung ban kyrhuh. Ka kyrteng jong nga ka long U Trai Badonbor Baroh!

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

JEREMAÏAH 31:11

Nga la pyllaitluid ïa ki paid Israel bad pynim ïa ki na ka hima bakhrawbor.

AMOS 4:13

U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!