ISAÏAH 47:3 - Khasi CL Bible (BSI)

³ Ki briew kin ïohi ba pha long kaba lyngkhuit; kin ïohi ba la pynrit bad pynlehrain ïa pha. Ngan pynhiarkput, bad yn ym don ba lah ban pynsangeh ïa nga.”

KA BAIBL

³ Yn pynpaw ïa ka jinglyngkhuit jong pha, ïa ka rain jong pha ruh yn ïohi: ngan pynhiar kput, te ngan ym ngeit briew ïano ïano ruh.

ISAÏAH 47:3 ပူးပေါင်းရင်းမြစ်များ

JENESIS 3:7

Mar kumta hi hadien ba ki lah bam ïa u, la ai ha ki ka jingsngewthuh bad ki la sngewthuh ba ki long lyngkhuit; kumta ki la suh lang ïa ki sla dieng Dumbur ban da ïa lade.

ISAÏAH 20:4

U patsha jong ka Assyria un ïalam lyngkhuit ïa ki koidi kiba u la kem na kito ki ar tylli ki ri. Kiba samla bad kiba tymmen, kin ïaid da ka kjat suda bad lyngkhuit, bad ki rain jong ki ba khlem tap, kaba wanrah ka jinglehrain halor ka Ijipt.

ISAÏAH 3:17

Hynrei ngan pynshitom ïa ki — Ngan khi ïa ki khlieh jong ki bad ngan ieh lyndum ïa ki.”

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

JEREMAÏAH 13:22

Lada pha kylli balei kane baroh ka la jia ha pha — balei ba ki jaiñ jong pha ki la kad noh bad pha la shah batbor — ka dei namar ba ka pop jong pha ka long kaba shyrkhei.

JEREMAÏAH 13:26

U Trai hi un sloit ïa ki jaiñ jong pha bad un pynpaw ïa pha ha ka jinglehrain.

JEREMAÏAH 51:11

U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!

JEREMAÏAH 51:4

Kin mynsaw bad kin ïap ha ki lynti bah jong ki nongbah jong ki.

JEREMAÏAH 51:56

Ki la wan ban pynjot ïa ka Babilon; ïa ki shipai jong ka la kem, bad ïa ki ryntieh jong ki la kdiah. Nga long U Blei uba pynshitom ïa kaba sniew, bad ngan leh ïa ka Babilon kumba ka dei hok ban ïoh.

ESEKIEL 16:37

Namar kane ngan wallam lang ïa baroh ki nongleh-ieit jong pha kiba mynshuwa — kito kiba pha la sngewtynnat bad kito kiba pha la isih. Ngan wallam ïa ki sawdong jong pha ha ka jylli, bad nangta ngan law ïa ki jaiñ jong pha bad shah ïa ki ban ïohi ba pha lyngkhuit.

NAHUM 3:5

U Trai Badonbor Baroh u ong, “Ngan pynshitom ïa pha, ko Ninebeh! ngan sloit lyngkhuit ïa pha bad ngan shah ïa ki jaitbynriew ban ïohi ïa pha, ban ïohi ïa pha ha ka jinglehrain jong pha baroh.

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!