ISAÏAH 42:9 - Khasi CL Bible (BSI)

⁹ Kiei kiei kiba nga ïathuhlypa mynta ki la jia shisha. Mynta ngan ïathuh ïa phi ïa kiei kiei kiba thymmai wat ha shuwa ba kin sdang ban jia.”

KA BAIBL

⁹ Ha khmih, kiei kiei kiba mynshuwa ki la wan jia, bad ïa kiei kiei bathymmai nga pynbna: haba kim pat mih nga ïathuh ha phi shaphang jong ki.”

ISAÏAH 42:9 ပူးပေါင်းရင်းမြစ်များ

1 SYIEM 11:36

hynrei ngan shah ba u khun jong u Solomon un ïoh ïa kawei ka jait, khnang ba borabor ngan don uwei uba mih pateng na u Dabid u shakri jong nga ban synshar ha Jerusalem, ka nongbah ïa kaba nga la jied kum ka jaka ha kaba yn mane ïa nga.

ISAÏAH 43:19

To khmih ïa kaba thymmai kaba ngan leh. Ka la jia lypa — phi lah ban ïohi ïa ka mynta! Ngan pynlong ïa ka lynti lyngba ka ri khlaw bad ïa ki wahduid ngan ai ïa phi na ka um hangta.

ISAÏAH 48:3

U Trai u ong ïa ki Israel, “La slem bah nga la ïathuh lypa kaei ka ban sa jia; nangta kynsan nga pynlong ba kan jia.

ISAÏAH 48:5

Bad kumta nga la ïathuh lypa ïa ka lawei jong phi lah slem bah, da kaba pynbna ïa ki jingjia ha shuwa ba kin wan jia, ban khang ïa phi na kaba kam ba ki bleithaw bad ki durblei jong phi, ki la pynjia ïa ki.

ISAÏAH 48:6

“Baroh kiba nga la ïathuh lypa, mynta ki la urlong; phi hap ban pdiang ba ki jingïathuh lypa jong nga ki long kiba dei. Mynta ngan ong ïa phi ïa kiei kiei kiba thymmai ki ban wan, ki jingjia kiba ngam shym la pynpaw mynshuwa.

ÏOANNIS 13:19

Nga ong ha phi ïa kane mynta, khnang ba haba kata kan jia, phin ngeit ba ‘Nga long uba nga long.’

KI KAM 15:18

Kumta ong U Trai, uba la pyntip ïa kane slem bah mynshuwa.’

JOSHUA 21:45

U Trai u la bat ïa kawei pa kawei na ki jingkular kiba u la pynlong ha ki paid Israel.