ISAÏAH 42:4 - Khasi CL Bible (BSI)

⁴ Un ym duh jingkyrmen ne jingshlur; un pynlong ka jingbishar hok ha ka pyrthei. Ki ri bajngai ki ap kmang ïa ka jinghikai jong u.”

KA BAIBL

⁴ Un ym duh lad lymne un ym sngewsyier, tad ynda u la pynlong ka jingbishar ha ka khyndew; te ki 'dewlynnong kin khmih lynti ïa ka hukum jong u.

ISAÏAH 42:4 ပူးပေါင်းရင်းမြစ်များ

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

ISAÏAH 40:22

La thaw ïa ka da uta uba shong halor ka khet jong u shajrong ka khyndew bad sha lyndet ka sahit bneng; ki briew shapoh ki i rit tang kum ki dkhiew. U pynpyiar ïa ka suiñbneng kum ka pyrda, kum ka ïingjaiñ ha kaba yn shong.

ISAÏAH 40:28

Hato phim tip? Phim pat ïohsngew? U Trai u long U Blei bymjukut; u thaw ïa ka pyrthei baroh. Um ju sngewthait ne sngewlwait. Ym don uba sngewthuh ïa ki jingpyrkhat jong u

ISAÏAH 41:5

“Ki briew na ki ri bajngai ki la ïohi kaei ba nga la leh; ki da sheptieng bad khynñiuh da ka jingsheptieng. Kumta ki la ïalumlang baroh bad ki ïawan.

ISAÏAH 42:10

To rwai ka jingrwai bathymmai ïa U Trai; rwai ïa ka jingïaroh jong u, ko ka pyrthei baroh! ïaroh ïa u, phi kiba ïaid lynti ha duriaw; ïaroh ïa u, ko ki jingthaw baroh ka duriaw! Rwai, phi ki ri bajngai bad baroh kiba shong hangta.

ISAÏAH 42:12

Ai ba kito kiba shong ha ki ri bajngai kin ai ka jingïaroh bad ka burom ïa U Trai.

ISAÏAH 42:21

U Trai u long U Blei uba kwah eh ban pynim, kumta u kyntiew ïa ki aiñ bad ki jinghikai jong u, bad u kwah ba ki briew jong u ki burom ïa ki.

ISAÏAH 49:1

To shahshkor ïa nga, ko ki hima ba don sha jngai, phi ki briew bashong sha jngai bah! Ha shuwa ban kha ïa nga, U Trai u la jied ïa nga bad thung ïa nga ban long u shakri jong u.

ISAÏAH 51:4

“To shahshkor ïa nga, ko ki briew jong nga, to shahshkor ïa kaei kaba nga ong: Nga ai jinghikai ïa ki jaitbynriew; ki aiñ jong nga kin wallam jingshai ïa ki.

ISAÏAH 51:5

Ngan wan kloi bad ngan pynim ïa ki; ka por jong ka jingjop ka la hajan. Nga da lade hi ngan synshar halor ki jaitbynriew. Ki ri ba hajngai bah ki ap ïa nga ba ngan wan; ki ap da ka jingkyrmen ïa nga ban pynim ïa ki.

ISAÏAH 55:5

Mynta phin phah khot ïa ki hima ri nongwei; mynshuwa kim shym la tip ïa phi, hynrei mynta kin wan mareh ban ïasoh bad phi! Nga, U Trai U Blei jong phi, U Blei bakhuid jong ki Israel, ngan pynjia ïa kane baroh; ngan ai ha phi ïa ka burom bad jingpyndonburom.”

ISAÏAH 60:9

Ki dei ki liengbah kiba wan na ki ri kiba jngai, ki wallam ïa ki paidlang U Blei sha la ïing. Ki wanrah ryngkat bad ki ïa ka rupa bad ka ksiar, ban pyndonburom ïa ka kyrteng U Trai U Blei Bakhuid ka Israel, uba pynlong ïa ki jaitbynriew baroh ban pyndonburom ïa ki briew jong u.

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

MATHAÏOS 12:21

bad ha u ki briew baroh kin buh ïa ka jingkyrmen jong ki.”

MARKOS 3:3

U Jisu u la ong ha uta u briew, “Wan shane sha khmat.”

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

1 KORINTH 9:21

Kumjuh ruh, haba nga dang trei bad ki Jentil, nga im kum u Jentil, shabar ka Hukum ki Jiw, khnang ban jop ïa ki Jentil. Kane kam mut ba nga khlem kohnguh ïa ka hukum U Blei; nga long shisha hapoh ka hukum U Khrist.