ISAÏAH 42:3 - Khasi CL Bible (BSI)

³ Un ym pynkheiñ ïa u khah ba la dem un ym pynlip ïa ka sharak ba dang mehding, un wanrah ka jingbishar hok baneh ïa baroh.

KA BAIBL

³ Un ym pynkheiñ ïa u khah ba la mong, bad un ym pynlip ïa u 'saihon basah tdem: un pynmih ïa ka jingbishar ha ka jingshisha.

ISAÏAH 42:3 ပူးပေါင်းရင်းမြစ်များ

SALM 147:3

U pynkhiah ïa kiba la pait dohnud bad u sop spaiñ ïa ki jingmong jong ki.

SALM 54:5

To ai ba U Blei un pyndonkam ïa ki kam sniew jong ki hi ban pynshitom ïa ki nongshun jong nga. Un pynjot ïa ki namar u long uba ïaineh.

SALM 94:15

Ka jingbishar hok kan wan biang ha ki ïingbishar, bad baroh ki briew kiba hok kin kyrshan ïa ka.

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

ISAÏAH 2:4

Un bishar ïa ki jingkajia hapdeng ki jaitbynriew. Kin tied tyrnem ïa ki waitlam jong ki sha ki jinglur lyngkha bad ïa ki sum jong ki sha ki waitbnoh khyllad tnat. Ki jaitbynriew kin ym ïaleh thma shuh, kin ym pynkhreh thma shuh.

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ISAÏAH 42:2

Un ym pyrta lane pynjam ïa ka sur jong u lane un ym pynmih ki ktien kren bajam ha ki lynti bah.

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 50:4

U Trai Nongsynshar u la hikai ïa nga kaei ban ong, khnang ba ngan lah ban pynkhlaiñ ïa kiba tlot bor. Man la ka step u pynlong ïa nga ban thrang eh ban ïohsngew ïa kaei kaba un hikai ïa nga.

ISAÏAH 63:1

“Uei une uba wan na ka nongbah Bosrah ha Edom? Uei une uba riam itynnat ha ki jaiñkup rong saw u da ïaid ryngkat ha ka bor bad jingkhlaiñ?” “U dei U Trai, uba donbor ban pyllait im, u wan ban pynbna ïa ka jingjop jong u.”

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

MIKAH 7:9

Ngi la leh pop pyrshah ïa U Trai, te mynta ngi dei ban ïaishah ïa ka jingbitar jong u shipor. Hynrei ha kaba kut un ïada ïa ngi bad un pynbeit ïa ka bymdei kaba la leh ha ngi. Un wallam ïa ngi shabar sha ka jingshai; ngin im ban ïohi ba u pyllait im ïa ngi.

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

MATHAÏOS 12:20

Un ym pynkheiñ ïa u khah ba la kdor lane pynlip ïa u 'sai sharak ba dang mehding. Un ïaineh tad haduh ba un pynlong ïa ka jinglehhok ban jop,

ÏOANNIS 20:27

Te u la ong ha u Thomas, “Buh ïa ka shynriah'ti jong me hangne, bad peit ïa ki kti jong nga; nangta kner ïa la ka kti bad buh ïa ka ha ka krung jong nga. Wat artatien shuh bad to ngeit!”

ÏOANNIS 5:30

“Nga ngam lah ban leh ei ei da la ka jong ka bor; nga bishar tang kat kaba U Blei u ong ïa nga, kumta ka jingbishar jong nga ka long kaba hok, namar ba ngam pyrshang ban leh ïa kaei kaba nga mon, hynrei ïa kaei kaba uta uba la phah ïa nga u mon.

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.