ISAÏAH 41:9 - Khasi CL Bible (BSI)

⁹ Nga la wallam ïa me na kiba kut ka pyrthei; nga la khot ïa me naduh ki pud bajngai bah jong ka bad nga la ong ha me ‘me long u shakri jong nga,’ ngam shym la kyntait ïa me, hynrei nga la jied ïa me.

KA BAIBL

⁹ me ïa uba nga la bat na ki bakut ka pyrthei, bad nga la khot ïa me na ki dong jong ka, bad nga la ong ha me, “Me long u shakri jong nga, nga la jied ïa me bad ngam shym la kyntait noh ïa me”;

ISAÏAH 41:9 ပူးပေါင်းရင်းမြစ်များ

SALM 135:4

U la jied ïa u Jakob na ka bynta ïa lade, ïa ki paid Israel na ka bynta jong u hi.

SALM 94:14

U Trai un ym iehnoh ïa la ki briew; bad un ym iehnoh ïa kito kiba long ki jong u.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

ISAÏAH 41:2

“Uei uta uba wanrah ïa u nongjop na sha mihngi, bad pynlong ïa u ban leh risa kat shaba u leit? Mano ba ai jingjop ïa u halor ki syiem bad ki jaitbynriew? Ka waitlam jong u ka mait ïa ki la kumba ki long ka pui pui, ki khnam jong u ki pynsaphred ïa ki kum u phlangïap ha khmat ka lyer.

ISAÏAH 41:8

“Hynrei me, ko Israel u shakri jong nga, me long u paidlang ba nga la jied, ki khun ki ksiew u Abraham, u paralok jong nga.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 44:1

U Trai u ong, “To shahshkor mynta, ko Israel, u shakri jong nga, ki briew ba la jied jong nga, ki khun ki ksiew u Jakob.

ISAÏAH 45:4

Nga la thung ïa me ban ïarap ïa u shakri jong nga u Israel, ki briew kiba nga la jied. Nga la ai ha me ka burom bakhraw, wat la mem shym la ithuh ïa nga.

MALAKHI 1:2

U Trai u ong ha ki briew jong u, “Nga la ju ieit ïa phi borabor.” Hynrei ki jubab, “Da kumno me la pyn-i ïa ka jingieit jong me ïa ngi?” U Trai u jubab, “U Iso bad u Jakob ki la long shi para, hynrei nga la ieit ïa u Jakob bad ïa ki khun ki ksiew jong u,

LOUKAS 13:29

Ki briew kin ïawan na mihngi bad na sepngi, na shatei bad na shathie, bad shong ha ka jingkhawai ha ka Hima U Blei.

DEUTERONOMI 14:2

Phi long ki jong U Trai U Blei jong phi; u la jied ïa phi napdeng ki jaitbynriew baroh ha ka pyrthei ban long ki briew jong u.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.

1 SAMUEL 12:22

U Trai u la ai ka jingkular kaba kyntang bad un ym iehnoh ïa phi namar u la rai ban pynlong ïa phi ki briew jong u.