ISAÏAH 41:8 - Khasi CL Bible (BSI)

⁸ “Hynrei me, ko Israel u shakri jong nga, me long u paidlang ba nga la jied, ki khun ki ksiew u Abraham, u paralok jong nga.

KA BAIBL

⁸ Hynrei ma me, ko Israel, u shakri jong nga, u Jakob ïa uba nga la jied, u symbai jong u Abraham u lok jong nga;

ISAÏAH 41:8 ပူးပေါင်းရင်းမြစ်များ

2 KHRONIKL 20:7

Me long U Blei jong ngi. Mynba u paid Israel jong me u wan sha kane ka ri, me beh krad ïa ki briew kiba shong hangne bad me ai ïa ka ri ha ki khun ki ksiew u Abraham, u paralok jong me, ban long ka jong ki junom.

SALM 135:4

U la jied ïa u Jakob na ka bynta ïa lade, ïa ki paid Israel na ka bynta jong u hi.

SALM 136:21

U la ai ïa ki ri jong ki ha ki briew jong u; ka jingieit jong u ka neh bymjukut;

SALM 136:22

u la ai ïa ki ha u Israel, u shakri jong u; ka jingieit jong u ka neh bymjukut.

SALM 33:12

Suk kata ka jaitbynriew kaba U Blei jong ka U long U Trai; suk kita ki briew kiba u la jied ban long ka jingïohkynti jong u.

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

ISAÏAH 29:22

Kumta mynta U Trai, U Blei ki Israel, uba la pyllait ïa u Abraham na ka jingjynjar, u ong, “Ko ki briew jong nga, phin ym shah pynlehrain shuh, bad ki khmat jong phi kin ym i-blad shuh da ka jinglehrain.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 42:19

Hato don uno uno uba kham matlah ban ïa u shakri jong nga, uba kham kyllut ban ïa u nonglamktien ba nga phah?

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

ISAÏAH 43:10

“Ko ki paid Israel, phi long ki sakhi jong nga; nga la jied ïa phi ban long u shakri jong nga, khnang ba phin tip ïa nga bad ngeit ha nga bad sngewthuh ba nga long tang ma nga U Blei. Nalor jong nga ym don uwei pat u blei; u bym pat ju long bad u ban nym long.

ISAÏAH 43:5

Wat sheptieng — nga long ryngkat bad phi! “Naduh mihngi bajngai bad sha sepngi bajngai tam, ngan wallam sha ïing ïa ki briew jong phi.

ISAÏAH 44:21

U Trai u ong, “Ko Israel to kynmaw ïa kane; kynmaw ba phi long u shakri jong nga. Nga la thaw ïa phi ban long u shakri jong nga, bad ngan ym klet ïa phi.

ISAÏAH 45:4

Nga la thung ïa me ban ïarap ïa u shakri jong nga u Israel, ki briew kiba nga la jied. Nga la ai ha me ka burom bakhraw, wat la mem shym la ithuh ïa nga.

ISAÏAH 48:12

U Trai u ong, “To shahshkor ïa nga, ko Israel, ka jaitbynriew kaba nga la khot! Nga long U Blei, Uba nyngkong, Uba khatduh, tang ma nga hi U Blei!

ISAÏAH 49:3

U la ong ïa nga, “Ko Israel, me long u shakri jong nga; namar jong me, ki briew kin ïaroh ïa nga.”

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

JEREMAÏAH 33:24

“Phi la ïohi kumno ba ki briew ki ïa-ong ba nga la kyntait noh ïa ki Israel bad Judah, ki ar tylli ki longïing kiba nga la jied? Bad kumta ki khmih da ka jingñiewbeiñ ïa ki briew jong nga bad kim kheiñ shuh ïa ki kum ka jaitbynriew.

LEBITIKOS 25:42

Ki paid Israel ki long ki mraw jong U Trai, bad u wallam ïa ki na ka ri Ijipt; ym dei ban die mraw ïa ki.

MALAKHI 1:2

U Trai u ong ha ki briew jong u, “Nga la ju ieit ïa phi borabor.” Hynrei ki jubab, “Da kumno me la pyn-i ïa ka jingieit jong me ïa ngi?” U Trai u jubab, “U Iso bad u Jakob ki la long shi para, hynrei nga la ieit ïa u Jakob bad ïa ki khun ki ksiew jong u,

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!

GALATIA 3:19

Kaei te, ka jingthmu jong ka Hukum? La bynrap khnang ban pyn-i ïa kaei ba ka long ka jingpalat, bad la thmu ba kan neh haduh ka jingwan uta u nonghiarpateng jong u Abraham, ha uba la pynlong ïa ka jingkular. Ïa ka Hukum la aiti da ki angel, lem bad u briew uba ïeng kum u ksiang.

DEUTERONOMI 10:15

Hynrei ka jingieit U Trai ïa ki kpa tymmen jong phi ka long kaba khraw katta katta ba u la jied ïa phi napdeng ki jaitbynriew baroh, bad phi dang long haduh mynta ka jaitbynriew ba la jied jong u.

DEUTERONOMI 14:2

Phi long ki jong U Trai U Blei jong phi; u la jied ïa phi napdeng ki jaitbynriew baroh ha ka pyrthei ban long ki briew jong u.

JAKOB 2:23

Bad ïa ka Jingthoh Bakhuid la pynshisha haba ka la ong, “U Abraham u la ngeit ha U Blei; bad namar ka jingngeit jong u, U Blei u la pdiang ïa u kum uba hok.” Bad kumta ïa u Abraham la khot u paralok jong U Blei.