ISAÏAH 41:5 - Khasi CL Bible (BSI)

⁵ “Ki briew na ki ri bajngai ki la ïohi kaei ba nga la leh; ki da sheptieng bad khynñiuh da ka jingsheptieng. Kumta ki la ïalumlang baroh bad ki ïawan.

KA BAIBL

⁵ Ki 'dewlynnong ki la ïohi, bad ki la sheptieng; ki bakut ka khyndew ki la khynñiuh: ki la ïawan hajan, bad ki la ïapoi.

ISAÏAH 41:5 ပူးပေါင်းရင်းမြစ်များ

JENESIS 10:5

Kine ki long ki khun ki ksiew jong u Japheth, kiba shong ha ki ri kiba pher bapher, bad ha la ka jait ka jait kaba kren ïa la ka jong ka jong ka ktien.

SALM 65:8

Ka pyrthei baroh kawei ka ïeng ha ka jingtiengburom ïa kiei kiei kiba khraw kiba me la leh. Ki kam jong me ki wallam ki jingpyrta da ka jingkmen na kawei ka tduh jong ka pyrthei sha kawei pat.

SALM 65:9

Me pyn-i ïa ka jingsumar jong me ïa ka ri da kaba phah ïa u slap; me pynseisoh kyrhai ïa ka; me pyndap ïa ki wahduid da ka um; me pynbiang ïa ka khyndew da ki mar rep. Kane ka long kumno me leh ïa ka:

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

SALM 67:7

U Blei u la kyrkhu ïa ngi; ai ba ki briew baroh hangno hangno kin pyndonburom ïa u.

EKSODOS 15:14

Ki jaitbynriew ki la ïohsngew, bad ki la kyiuh da ka jingsheptieng; ïa ki Philistia la kynrup da ka jingsngewtriem.

ISAÏAH 41:1

U Blei u ong, “To sngap jar bad to shahshkor ïa nga, phi ki ri sha jngai bah! To pynkhreh ban wanrah ïa ka jingmudui jong phi ha ka ïingbishar; phin ïoh ïa ka lad jong phi ban kren. To ngin ïawanlang ban rai mano ba dei.

ISAÏAH 41:6

Ki nongshna da ki kti ki ïarap bad ki pynshlur uwei ïa uwei pat.

ESEKIEL 26:18

Mynta, ha ka sngi ba ka kyllon noh, ki dewlynnong ki khynñiuh, bad ki briew jong ki, ki kyndit ha kata ka jingpynjot.”

JOSHUA 2:10

Ngi la ïohsngew kumno U Trai u la pynrngad ïa ka Duriaw Basaw ha khmat jong phi mynba phi mihnoh na Ijipt. Ngi la ïohsngew ruh kumno phi la pynïap ïa u Sihon bad ïa u Og, ki ar ngut ki syiem Amor ha ka phang mihngi jong ka Jordan.

JOSHUA 5:1

Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.