ISAÏAH 41:2 - Khasi CL Bible (BSI)

² “Uei uta uba wanrah ïa u nongjop na sha mihngi, bad pynlong ïa u ban leh risa kat shaba u leit? Mano ba ai jingjop ïa u halor ki syiem bad ki jaitbynriew? Ka waitlam jong u ka mait ïa ki la kumba ki long ka pui pui, ki khnam jong u ki pynsaphred ïa ki kum u phlangïap ha khmat ka lyer.

KA BAIBL

² Uei ba la pynmih ïa uwei na mihngi, ïa uba u la khot ha ka hok kat sha kaba u ïaid? U aiti noh ïa ki jaid bynriew ha khmat jong u, bad u pynlong ïa u ban synshar halor ki syiem; u aiti ïa ki kum u pum pum ïa ka waitlam jong u, kum ka skum ïa kaba la kynting ïa ka ryntieh jong u.

ISAÏAH 41:2 ပူးပေါင်းရင်းမြစ်များ

JENESIS 11:31

U Terah u shim ïa u Abram u khun jong u, ïa u Lot u ksiew jong u, uba long u khun jong u Haran, bad ïa ka pyrsa kurim jong u ka Sarai, ka tnga jong u Abram, bad ki ïamih lang noh na ka shnong Ur kaba ha ka ri Babilonia ban leit sha ka ri Kanaan. Ki la leit haduh ha Haran bad ki la ïashong ïasah noh hangta.

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

2 SAMUEL 22:43

Nga pynlwet ïa ki, bad ki kylla long kum u pui pui, nga ïuh halor jong ki kum ïa ka ktieh ha ki lynti.

2 SYIEM 13:7

U Jehoahas um don ki shipai kieng atiar kiba dang sah, lait sa tang ki sanphew ngut ki shipai shong kulai, shiphew tylli ki kali ïapom, bad shiphew hajar ngut ki shipai ïaid kjat, namar u syiem ka Syria u la pynjot ïa kiwei, da kaba ïuh halor jong ki kum ïa u pui pui.

2 KHRONIKL 36:23

“Kane ka dei ka hukum jong u Syros, u Patsha ka ri Persia. U Trai, U Blei ka Bneng, u la pynlong ïa nga u nongsynshar halor ka pyrthei baroh kawei bad u la ai ha nga ka jingkitkhlieh ban tei ïa ka templ na ka bynta jong u ha Jerusalem kaba ha Judah. Mynta, ma phi baroh kiba long ki briew jong U Blei, khie leit shata, bad to ai ba U Trai U Blei jong phi un long lem bad phi.”

ESRA 1:2

“Kane ka dei ka hukum u Syros, u patsha ka Persia. U Trai, U Blei jong ka Bneng, u la pynlong ïa nga u nongsynshar jong ka pyrthei baroh kawei bad u la ai ha nga ïa ka jingkitkhlieh ban tei ïa ka templ ïa u ha Jerusalem ha Judah.

ISAÏAH 40:24

Ki long tang kum ki jingthung ba dang lung, ba dang shu mih bad bym pat suhthied, haba U Trai u phah ïa ka lyer, ki tyrkhong noh bad kit noh kum u phlangïap.

ISAÏAH 41:25

“Nga la jied ïa u briew uba shong basah shaphang mihngi; ngan wallam ïa u ban tur ïaleh na shaphang shatei. Un ïuh halor ki nongsynshar la kumba dei ka ktieh, kum u nongthaw khiew uba ïuh ïa ka dewbyrtha.

ISAÏAH 41:3

U bud ha ka jingbeh bad u ïaid ryntih ha ka jingshngain stet katta katta ba um shym la dei satia ha ka khyndew.

ISAÏAH 42:6

“Nga, U Trai, nga la khot bad ai bor ïa phi, ban khmih ba ka jingbishar hok la pyndep ha pyrthei. Lyngba jong phi ngan pynlong ïa ka jutang bad ki briew baroh; lyngba jong phi ngan wanrah ka jingshai sha ki jaitbynriew.

ISAÏAH 45:1

U Trai u la jied ïa u Syros ban long syiem! U la jied ïa u ban jop ïa ki jaitbynriew; u phah ïa u ban sloit ïa ki syiem na ka bor jong ki; U Trai un plie ïa ki khyrdop jong ki nongbah na ka bynta jong u. Ha u Syros U Trai u ong,

ISAÏAH 45:13

Nga da lade hi nga la pynkhih ïa u Syros ban leh ban pyndep ïa ka jingthmu jong nga bad buh beit ïa kiei kiei. Ngan pynbeit ïa ka lynti baroh ba u leit. Un tei biang ïa ka nongbah jong nga, ka Jerusalem, bad un pyllait ïa ki briew ba shah set byndi jong nga. Ym don ba la shim wai ïa u ne ba la pynbam klop ïa u ban leh ïa kane.” U Trai Badonbor Baroh u la kren.

ISAÏAH 46:11

Nga khot ïa u briew ban wan na sha mihngi; un suh wia sha tbian kum u kbeit bad pyndep ïa kaei kaba nga la thmu. Nga la kren, bad ngan leh ïa ka.

ISAÏAH 48:15

Dei ma nga uba la kren bad ba la khot ïa u; nga la ïalam ïa u shabar bad la ai ha u ïa ka jingjop.

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

HEBRU 7:1

Une u Melkhisedek u la long u syiem jong ka Salem bad u lyngdoh jong U Blei Bahakhlieh Tam Eh. Katba u Abraham u dang wan phai na ka thma ha kaba u la jop ïa ki saw ngut ki syiem, u Melkhisedek u la ïakynduh ïa u bad u la kyrkhu ïa u,

JINGPYNPAW 16:12

Nangta u angel uba hynriew u la theh noh ïa ka pliang jong u ha ka wahbah Ïuphratis. Ka wah ka la rngad, ban pynbiang ka lynti ïa ki syiem kiba wan na mihngi.

JINGPYNPAW 7:2

Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.