ISAÏAH 41:18 - Khasi CL Bible (BSI)

¹⁸ Ngan pynlong ïa ki wah ban tuid hapdeng ki lum bymseisoh bad ka um ha ki wahduid kan tuid ha ki jaka them. Nga pynkylla ïa ki jaka shyiap sha ki pukri um bad ki dewryngkhiang sha ki umpohliew batuid.

KA BAIBL

¹⁸ Ngan pynmih ïa ki wah ha ki jaka bajrong, bad ki pukri hapdeng ki them: ngan pynlong ka pung um ïa ka ri khlaw, bad ki umpohliew ïa ka 'dewrkhiang.

ISAÏAH 41:18 ပူးပေါင်းရင်းမြစ်များ

SALM 104:10

Me pynlong ïa ki umpohliew ban tuid sha ki them, bad ïa ki wah ba kin tuid hapdeng ki lum.

SALM 105:41

U plie ïa u mawsiang, bad ka um ka mih shabar, ka tuid lyngba ka ri shyiap kum ka wah.

SALM 107:35

U pynkylla ki pung-um ïa ki ri shyiap bad pynmih umpohliew ha ki jaka ba-rkhiang.

SALM 126:4

A Trai, to pynmanroi pat ïa ngi, kumba u slap u wanrah um pat ha ki phudwah ba-rkhiang.

SALM 46:4

Ka don ka wah kaba wallam ka jingkmen sha ka nongbah jong U Blei, sha ka ïing bakyntang jong u Bahakhlieh Tam Eh.

ISAÏAH 12:3

Kumba ka um kaba sngur ka wanrah jingkmen ïa uba sliang, kumta ki briew jong U Blei kin shadkmen haba u pyllait im ïa ki.”

ISAÏAH 30:25

Ha ka sngi ba ïa ki jaka ba la kerkut jong ki nongshun jong phi la kurup bad ba ïa ki briew jong ki la pynïap, ki wahduid kin tuid na baroh ki lumbah bad ki lumrit.

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

ISAÏAH 33:21

U Trai un pyn-i ha ngi ïa ka burom jong u. Ngin shong ngin sah harud ki wah bad ki wahduid kiba ïar, hynrei ki liengbah jong ki nongshun kin ym ïaid ha ki.

ISAÏAH 35:1

Ka ri shyiap kan shadkmen, bad ki syntiew kin phuh ha ka ri khlaw.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 48:21

Haba U Trai u ïalam ïa la ki briew lyngba ka ri shyiap kaba khluit, kaba tyrkhong, kim shym la shahshitom na ka jingsliang. U la pynlong ïa ka um ban mih na u mawsiang na ka bynta jong ki; u pynpait ïa u mawsiang, bad ka um ka mih nangta.

ISAÏAH 58:11

Bad ngan ïalam ïa phi borabor, bad pynkdang ïa phi da kiei kiei kiba bha. Ngan pynlong ïa phi kiba khlaiñ bad khiah krat. Phin long kum ka kper kaba pahuh um, kum ka umpohliew ka bym ju rngad.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

JOEL 3:18

“Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.

SEKHARAÏAH 14:8

Haba kata ka sngi ka poi, ka um basngur kan tuid na Jerusalem, shiteng na ka sha ka Duriaw Baïap bad kawei pat ka shiteng sha ka duriaw Mediterranian. Kan tuid baroh shisnem, ha ka aïom ba-rkhiang bad ha ka aïom bajhieh.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

NONGBISHAR 15:19

Kumta U Blei u pynpdang ïa ka khyndew hangta ha Lehi, bad ka mih ka um na ka. U Samson u dih ïa ka bad u sdang ban kham ïohbor. Kumta ïa kata ka umpohliew la khot Hakkore; ka dang don hi hangta ha Lehi.