ISAÏAH 41:11 - Khasi CL Bible (BSI)

¹¹ Kito kiba bitar ïa me kin tip ïa ka jinglehrain ka jingshahjop kito kiba ïaleh pyrshah ïa me kin ïap

KA BAIBL

¹¹ Ha khmih, baroh kat kiba la sngewbitar ïa me kin sngewlehrain bad kin sngewlyngngoh: kita kiba ïaleh ïa me kin ym long ei ei ruh em, bad kin duh noh.

ISAÏAH 41:11 ပူးပေါင်းရင်းမြစ်များ

EKSODOS 11:8

U Moses u pynkut da kaba ong, “Ki rangbah synshar jong phi baroh kin sa wan sha nga bad dem khrup ha khmat jong nga, bad kin sa kyrpad ïa nga ban ïalam noh ïa ki briew jong nga baroh bad ban mihnoh. Hadien kata ngan sa leit.” Nangta u Moses u mihnoh na u Pharaoh da ka jingbitar bakhraw.

EKSODOS 12:29

Hamar shiteng synñia U Trai u la pynïap ïa u khun nyngkong baroh ha Ijipt, naduh u khun nyngkong jong u Pharaoh, u ban sa kiew khet, haduh u khun nyngkong jong u koidi uba ha ïingbyndi; ïa baroh kiba la kha nyngkong na ki mrad ruh la pynïap.

EKSODOS 23:22

Hynrei lada phi kohnguh ïa u, bad leh kat ïa kaba nga hukum, ngan ïaleh pyrshah ïa ki nongshun jong phi baroh.

ISAÏAH 17:13

Ki jaitbynriew ki ïaid shaphrang kum ki jingat phyllung kiba wan stet, hynrei U Blei u sneng ïa ki bad ki kynran, la beh noh ïa ki kum u pui pui ha ki sharing lum, kum u phlangïap ha ka 'erlangthari.

ISAÏAH 29:5

Ko Jerusalem, baroh ki nongwei kiba tur ïaleh ïa pha kin shah beh noh kum ïa u pui pui, bad ki kynhun shipai bashyrkhei jong ki kin her kum u phlangïap.

ISAÏAH 29:7

te baroh ki kynhun shipai jong ki hima kiba tur ïaleh ïa ka nongbah jong ka duwan U Blei, baroh ki tiar ïaleh jong ki bad ki tiar ki tar — baroh kiei kiei — kin jah noh kum ka jingphohsniew, kum kaei kaei ba la shu mutdur mynmiet.

ISAÏAH 29:8

Baroh ki hima kiba ïalumlang ban tur ïaleh ïa ka Jerusalem kin long kum u briew uba ïap-tyrsaw uba phohsniew ba u bam jingbam bad u kyndit na ka jingïohthiah hapdeng ka jingthngan, lane kum u briew u ban sa ïap na ka jingsliang uba phohsniew ba u dih um bad u kyndit na ka jingïohthiah ryngkat bad u pdot ba-tyrkhong.

ISAÏAH 34:12

Yn ym don syiem u ban synshar ïa ka ri, bad ki nongïalam baroh kim don shuh.

ISAÏAH 40:17

Ki jaitbynriew kim long ei ei satia ha u.

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 41:24

Phi bad baroh kaba phi leh kim long ei ei; kito kiba mane ïa phi ki long kiba isaitmet!

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

ISAÏAH 45:24

“Kin ong ba dei tang lyngba jong nga yn shem ïa ka jingjop bad ka jingkhlaiñ; hynrei baroh kiba shun ïa nga kin shah pynjahburom.

ISAÏAH 49:25

U Trai u jubab, “Kane ka long kata kaei ka ban sa jia. Ïa ki koidi jong u shipai yn ïalam noh, bad ïa ka jinglute jong u nongsynshar leh jubor yn bat noh. Ngan ïaleh pyrshah ïa uta uba ïaleh ïa pha, bad ngan pyllait ïa ki khun jong pha.

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ISAÏAH 54:15

Lada uno uno u tur ïaleh ïa pha u leh ïa ka khlem ka jingaibor jong nga; uno uno uba ïaleh pyrshah ïa pha un kyllon noh.

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

JEREMAÏAH 12:17

Hynrei lada kano kano ka jaitbynriew kam kohnguh, te ngan rat lut khoit bad pynjot ïa ka. Ma nga, U Trai, nga la kren.”

JEREMAÏAH 2:3

Ko Israel, pha long tang ka jong nga hi; pha long ka jingdon bakyntang jong nga. Nga la phah ka jingshitom bad ka jingpynjot ha uwei pa uwei uba pynmong ïa pha. Ma nga, U Trai nga la kren.”

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

KI KAM 16:39

Kumta ki la leit bad pan map na ki; nangta ki la ïalam noh ïa ki shabar jong ka byndi bad ki la kyrpad ïa ki ban mihnoh na ka nongbah.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.