ISAÏAH 41:10 - Khasi CL Bible (BSI)

¹⁰ Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

KA BAIBL

¹⁰ to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 41:10 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 31:5

U ong ïa ki, “Nga ithuh ba i pa jong phi im da leh jan shuh ïa nga kumba mynshuwa; hynrei U Blei jong u kpa jong nga u la don lem bad nga.

JENESIS 49:24

Hynrei ka ryntieh jong u ka neh khlem khih, Bad ïa ki ksang'ti jong u la pynkhlaiñ Da ka bor jong U Blei Uba Khlaiñbor jong u Jakob, Da u Nongap langbrot, U nongïada jong ki Israel.

2 SAMUEL 22:19

Haba nga don ha ka jynjar, ki la tur ïaleh ïa nga, hynrei U Trai u la ïada ïa nga.

1 KHRONIKL 12:18

U Mynsiem U Blei u wan ha uwei na ki, u Amasai, uba hadien u long u nongai hukum jong ki “Laiphew ngut”, bad u pyrta, “Ko Dabid u khun jong u Jesse, ngi long ki jong phi! Ka Jingjop ka long ïa phi bad ïa kito kiba ïarap ïa phi! U Blei u don ha ka liang jong phi.” U Dabid u pdiang sngewbha ïa ki bad u pynlong ïa ki, ki rangbah pynïaidkam ha ka kynhun shipai jong u.

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

2 KHRONIKL 32:8

U don ka bor briew, hynrei ngi don U Trai U Blei jong ngi u ban ïarap ïa ngi ban ïaleh ïa ki thma jong ngi.” Ki briew ki ïoh ïa ka jingpynshlur da kine ki ktien jong u syiem jong ki.

SALM 144:11

Pyllait im ïa nga na ki nongshun bashyrkhei jong nga; to pyllait ïa nga na ka bor jong ki nongwei, ki bym ju kren ïa ka jingshisha kiba kren lamler wat haba ki la dep smai.

SALM 144:8

ki bym ju kren ïa ka jingshisha kiba kren lamler wat haba ki la dep smai.

SALM 145:14

U ïarap ïa kito kiba don hapdeng ka jingjynjar; u khyllie ïa kito kiba la kyllon noh.

SALM 147:12

To ïaroh ïa U Trai, ko Jerusalem! To ïaroh ïa U Blei jong pha, ko Seïon!

SALM 18:36

Me la sumar ïa nga ban ym shah kem, bad ngam shym la kyllon.

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 29:11

U Trai u ai jingkhlaiñ ïa ki briew jong u bad kyrkhu ïa ki da ka jingsuk.

SALM 33:12

Suk kata ka jaitbynriew kaba U Blei jong ka U long U Trai; suk kita ki briew kiba u la jied ban long ka jingïohkynti jong u.

SALM 37:17

Namar U Trai un shim noh ïa ka jingkhlaiñ jong u bymman, hynrei un ïada ïa kito kiba bha.

SALM 37:24

La ki kyllon, kin ym sah hajuh, namar U Trai un ïarap khyllie ïa ki.

SALM 41:12

Men ïarap ïa nga, namar nga leh ïa kata kaba dei; men buh ïa nga ha ka jingdon jong me junom.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 63:8

Nga snoh ha me, bad ka kti jong me ka sumar ïa nga.

SALM 65:5

Me jubab ïa ngi da kaba ai ha ngi ka jingjop bad me leh kiei kiei kiba phylla ban pyllait im ïa ngi. Ki briew ha kylleng ka pyrthei bad sha shiliang ki duriaw kiba jngai ki shaniah ha me.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

EKSODOS 14:13

U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

EKSODOS 20:20

U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 35:4

To ïathuh ïa baroh kiba rit mynsiem, “To long khlaiñ bad wat sheptieng! U Blei un wan ban pyllait ïa phi, un wan ban pynshitom ïa ki nongshun jong phi.”

ISAÏAH 37:6

“U Trai u ïathuh ha phi ban ym shah ba ki Assyria kin pynkhaw-eit ïa phi da ki jingkob jong ki ba um lah ban pyllait ïa phi.

ISAÏAH 43:5

Wat sheptieng — nga long ryngkat bad phi! “Naduh mihngi bajngai bad sha sepngi bajngai tam, ngan wallam sha ïing ïa ki briew jong phi.

ISAÏAH 44:2

Nga long U Trai uba la thaw ïa phi; naduh ka por ba la kha ïa phi, nga la ïarap ïa phi. Wat sheptieng; phi long u shakri jong nga, ki briew ba la jied jong nga kiba nga ieit.

ISAÏAH 49:8

U Trai u ong ha la ki briew, “Haba ka por ban pyllait im ïa phi ka la poi, ngan pynpaw ïa ka jingsngewbha jong nga ïa phi bad ban sngap ïa ki jingkhot kyrpad jingïarap. Ngan ri bad ïada ïa phi bad lyngba jong phi ngan pynlong ka jutang bad ki briew baroh. Ngan shah ba phi shongduh sa shisien ha la ka ri kaba mynta ka la shu sah shrah.

ISAÏAH 50:9

U Trai Nongsynshar da lade un kyrshan ïa nga — uno te, uba lah ban pynshisha ba nga long uba la shah pynrem? Baroh ki nongmudui jong nga kin jah noh; kin jah kum ka jaiñ ba la bam khñiang.

ISAÏAH 52:7

Katno ka long kaba phylla ban ïohi ïa u nonglamktien ba u wan na ki lumbah, u wanrah ïa ka khubor babha, ka khubor jong ka jingsuk! U pynbna ïa ka jingjop bad u ong ïa ka Seïon, “U Blei jong phi u long u syiem!”

ISAÏAH 60:19

“Ka sngi kan ym long shuh ka jingshai jong pha mynsngi, lymne u bnai un long ka jingshai jong pha mynmiet, ma nga, U Trai, ngan long ka jingshai bymjukut jong pha; ka jingshai jong ka burom jong nga kan tyngshaiñ ha pha.

SNGEWSYNEI 3:57

Me la jubab ïa nga bad ong ïa nga ban ym sheptieng.

DANIEL 10:12

Nangta u la ong, “Ko Daniel, to wat sheptieng. U Blei u la shahshkor ïa ki jingduwai jong me naduh ka sngi kaba nyngkong ba me la kut jingmut ban pynrit ïa lade khnang ban ïoh ïa ka jingshemphang. Nga la wan ban ai jubab ïa ka jingduwai jong me.

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

HOSIA 1:9

U Trai u la ong ha u Hosia, “Pynkyrteng ïa u, ‘u Lo-ammi,’ namar ki briew ka Israel kim dei ki briew jong nga, bad ngam long U Blei jong ki.”

HAGGAI 1:13

Nangta u Haggai u la ai ïa ka khubor jong U Trai ha u paidbah: “Ngan long ryngkat bad phi — kata ka long ka jingkular jong nga.”

HAGGAI 2:5

Mynba phi la mihnoh na ri Ijipt, nga la kular ba ngan long lem bad phi borabor. Nga dang long lem bad phi, kumta wat sheptieng.

SEKHARAÏAH 10:12

Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

LOUKAS 1:13

Hynrei u angel u la ong ha u, “Wat sheptieng, ko Sekharaïah! U Blei u la shahshkor ïa ka jingduwai jong me, bad ka Elisabeth ka tnga jong me kan kha u khun ïa me. Men kyrteng ïa u, u Ïoannis.

LOUKAS 1:30

U angel u la ong ha ka, “To wat sheptieng, ko Mari; U Blei u la sngewbha ïa pha.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

2 KORINTH 12:9

Hynrei ka jubab jong u ka la long: “Ka jingaiei jong nga ka long baroh kaba me donkam, naba ka bor jong nga ka khraw tam dei haba me tlot.” Nga kmen eh, namarkata, ban sngewsarong ha ki jingtlot jong nga, khnang ban mad ïa ka jingïada ka bor jong U Khrist halor jong nga.

EPHESOS 3:16

Nga kyrpad ïa U Blei na ka jingkynrei spah ka burom jong u ban ai ha phi ïa ka bor da U Mynsiem jong u ba phin long kiba khlaiñ ha ki jinglong bashapoh jong phi, bad nga duwai ba U Khrist un pynlong ka ïingshong jong u ha ki dohnud jong phi da ka jingngeit.

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

NONGBISHAR 6:16

U Trai u jubab, “Me lah ban leh ïa ka namar ngan ïarap ïa me. Men pynlwet ïa ki Midian da kaba suk i kumba ki long tang uwei u briew.”