ISAÏAH 40:9 - Khasi CL Bible (BSI)

⁹ Ko Jerusalem, leit kiew sha u lumbah bajrong bad to pynbna ïa ka khubor babha! To kyang da ka sur bajam, ko Seïon; to pynbna ka khubor babha! To kren bad wat sheptieng. Ïathuh ïa ki shnong ka Judah ba U Blei jong ki u la wan!

KA BAIBL

⁹ A pha kaba ïathuhkhana babha ïa ka Seïon, to leit kiew noh sha uta u lum bajrong; A pha kaba ïathuhkhana babha ïa ka Jerusalem, to pynjam da ka bor ïa la ka ktien; to pynjam, wat sheptieng; ong ïa ki shnong Judah, “Ha khmih, U Blei jong phi!”

ISAÏAH 40:9 ပူးပေါင်းရင်းမြစ်များ

2 KHRONIKL 13:4

Ki kynhun shipai ki ïakynduh ha ri lum Ephraim. U syiem Abijah u kiew sha u lum Semaraim bad u pyrta sha u Jeroboam bad ki Israel: “Shahshkor ïa nga!” u ong.

ISAÏAH 1:1

Kane ka kitab ka don ki khubor shaphang ka Judah bad ka Jerusalem kaba U Blei u la pynpaw ha u Isaïah u khun jong u Amos ha ka por ha kaba u Ussaïah, u Jotham, u Ahas bad u Hesekaïah ki long ki syiem ka Judah.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

ISAÏAH 41:27

Nga, U Trai, nga long uba nyngkong ban ïathuh ïa ka Seïon ïa ka khubor; nga phah ïa u nonglamktien sha Jerusalem ban ong, ‘Ki briew jong phi ki wan! Ki wan sha ïing!’

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

ISAÏAH 52:6

Ha ki por ki ban wan phin sa pdiang ba nga long U Blei bad ba nga la kren ha phi.”

ISAÏAH 58:4

Ka jingshah jingit jong phi ka pynlong ïa phi ban lehbor, bad phi ïakajia bad ïashoh. Phi pyrkhat ba kane ka rukom jingshah jingit kan pynlong ïa nga ban shahshkor ïa ki jingduwai jong phi?

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

JEREMAÏAH 22:20

Ko phi ki briew ka Jerusalem, khie leit sha Lebanon bad pyrta jam, khie leit sha ka ri Bashan bad to kyang; pyrta na ki lumbah ka Moab, namar baroh kiba ïateh lok bad phi ki la shahjop.

JEREMAÏAH 29:11

Tang ma nga hi nga tip ïa ki jingthmu kiba nga don na ka bynta jong phi, ki jingthmu ban wallam ha phi ka jingmanbha bad ym ka jingpynjot, ki jingthmu ban wallam ïa ka lawei kaba phi ap kyrmen.

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

KI KAM 2:14

Nangta u Petros u la ïeng joit lem bad kiwei pat ki khatwei ngut ki apostol bad ha ka sur bajam u la sdang ban kren ha u paidbah: “Ko para Jiw bad phi baroh kiba shong basah ha Jerusalem, to shahshkor ïa nga bad shah ïa nga ban ïathuh ha phi aïu kane ka kit jingmut.

KI KAM 4:13

Ki dkhot jong ka Dorbar ki la sngewlyngngoh ban ïohi kumno u Petros bad u Ïoannis ki la long kiba shlur bad ban tip ba ki long ki riewpaidbah ki bymnang bymstad. Ki la sngewthuh te ba ki la long ki nongsynran jong U Jisu.

KI KAM 4:29

Bad mynta, ko Trai, to khmih ïa ki jingbyrngem kiba ki la pynlong, bad shah ïa ngi, ki shakri jong me, ban kren ïa ka khubor jong me da ka jingshlur baroh.

Ka Shithi U Paul Sha Ki Nong Rom 10:18

Hynrei nga kylli: Hato ka long kaba shisha ba kim shym la ïohsngew ïa ka khubor? Da shisha ki la ïohsngew — naba kumba ka Jingthoh Bakhuid ka ong: “Ka jingsawa jong ka sur jong ki ka la leit sha ka pyrthei baroh; ki ktien jong ki, ki la poi shaduh kiba kut ka pyrthei.”

EPHESOS 6:19

Bad to duwai ruh na ka bynta jong nga ba U Blei un ai ha nga ïa ka khubor haba nga la kloi ban kren, khnang ba nga lah ban kren shlur bad pynpaw shai ïa ka jingmaïan ka gospel.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

1 PETROS 3:14

Hynrei wat lada phi hap ban shahshitom haba phi leh ïa kaei kaba dei, katno kiba kmen phi long! Wat sheptieng ïano ïano, bad wat khuslai.

NONGBISHAR 9:7

Haba u Jotham u tip ïa kane, u leit bad u ïeng ha kliar u Lum Gerisim, bad u pyrta jam sha ki, “Shahshkor ïa nga, phi ki rangbah ka Shekhem, bad U Blei u lah ban sngap ïa phi!