ISAÏAH 40:5 - Khasi CL Bible (BSI)

⁵ Te ïa ka burom jong U Trai yn sa pynpaw, bad baroh ki briew kin ïohi ïa ka. U Trai da lade u la kular ïa kane.”

KA BAIBL

⁵ bad ïa ka burom U Trai yn sa pynpaw, bad ka doh baroh kan ïohi lang ïa ka: naba ka shyntur U Trai ka la kren ïa ka.”

ISAÏAH 40:5 ပူးပေါင်းရင်းမြစ်များ

1 SYIEM 14:11

Uno uno u dkhot na ka longïing jong me uba ïap ha ka nongbah un shah bam ha ki ksew, bad uno uno uba ïap ha rudnong un shah bam ha ki pukni. Nga, U Trai, nga la kren.’ ”

SALM 102:16

Haba U Trai un tei pat ïa ka Seïon, un sa pynpaw ïa ka jingkhraw jong u.

SALM 102:17

Un sngew ïa ki briew jong u ïa kiba la iehnoh bad un shahshkor ïa ka jingduwai jong ki.

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

SALM 96:6

Ka burom bad ka main longsyiem ki ker sawdong ïa u; ka bor bad ka jingitynnat ki pyndap ïa ka Templ jong u.

SALM 97:6

Ki bneng ki pynbna ïa ka hok jong u, bad ki jaitbynriew baroh ki ïohi ïa ka burom jong u.

EKSODOS 16:7

Ha ka por mynstep phin ïohi ïa ka jingshai baphyrnai jong ka jingdon ryngkat U Trai. U la ïohsngew ïa ki jingkhñium jong phi pyrshah ïa u — ho-oid, pyrshah ïa u, namar ngi te ngi shu kohnguh ïa ki jingbthah jong u.”

ISAÏAH 1:20

Hynrei lada pha leh pyrshah ïa nga, pha long kaba la shah tim ban ïap. Ma nga, U Trai, nga la kren.”

ISAÏAH 11:9

Halor u Lum Seïon, u lum uba kyntang jong U Blei, yn ym don kano kano kaba pynmynsaw lane kaba sniew. Ka ri kan shlei da ka jingtip ïa U Trai kumba ki duriaw ki dap da ka um.

ISAÏAH 26:15

A Trai, me la pynlong ïa ka hima jong ngi ban roi, da kaba pynïar ïa ka ri ha baroh sawdong, bad kane ka la wallam ïa me ka burom.

ISAÏAH 34:16

To wad ha ka kitab jong U Trai ïa ki jingthaw ba-im bad pule ïa kaei ba ka ong. Yn ym don tang kawei ruh na kine ki jingthaw ka ban jah noh, bad yn ym don tang kawei ruh ka ban ym don lok. U Trai u la hukum ba kan long kumta; ma u hi da lade un wallam lang ïa ki.

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

ISAÏAH 40:4

To pyndap ha man la ka jaka them; to pynmadan ïa man la u lumbah, ki lumrit ki kylla madan, bad ïa ki jaka khohruh khohram yn pynjlih.

ISAÏAH 41:20

Ki briew kin ïohi ïa kane bad kin tip ba nga, U Trai, nga la leh ïa ka. Kin wan ban tip ba U Blei bakhuid ki Israel u la pynlong ïa ka ban jia.”

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

ISAÏAH 58:14

te phin shem ka jingkmen kaba wan na kaba shakri ïa nga. Ngan pynlong ïa phi ban ïoh burom ha kylleng ka pyrthei. Bad phin lehkmen ha ka ri ïa kaba nga la ai ha u kpa tymmen jong phi, u Jakob. Ma nga, U Trai, nga la kren.”

ISAÏAH 6:3

Ki ïa-pyrta uwei ïa uwei pat: “Bakhuid, Bakhuid, Bakhuid! U Trai Badonbor Baroh u long uba khuid! Ka burom jong u ka pyndap ïa ka pyrthei.”

ISAÏAH 60:1

To khie joit, ko Jerusalem bad tyngshaiñ kum ka sngi; ka burom ka jong U Trai ka tyngshaiñ ha phi!

ISAÏAH 66:16

Da ka ding bad ka waitlam un pynshitom ïa ki briew baroh jong ka pyrthei kiba u shem ba la pynrem — bad shibun kin shah pynïap.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

ISAÏAH 66:23

Ha man kawei pa kawei ka Jingkhawai Niam Bnai Thymmai, bad ha man kawei pa kawei ka Sabbaton, ki jaitbynriew na ki hima baroh kin wan ban mane ïa nga hangne ha Jerusalem,” ong U Trai.

JEREMAÏAH 32:27

“Nga long U Trai, U Blei ki jaitbynriew baroh. Ym don kaei kaei kaba eh than ïa nga ban leh.

JEREMAÏAH 9:12

Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

JOEL 2:28

“Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

MIKAH 4:4

Uwei pa uwei un shongsuk hapdeng ki bri sohwaiñ bad ki dieng Dumbur la ki jong hi, bad yn ym don mano mano ban pynsheptieng ïa u. U Trai Badonbor Baroh u la kular ïa kane.

HABAKKUK 2:14

Hynrei ka pyrthei kan long ba la dap da ka jingtip ïa ka burom U Trai kumba ki duriaw ki dap da ka um.

SEKHARAÏAH 2:13

To pynjar jar, uwei pa uwei baroh, ha ka jingdon ryngkat jong U Trai, namar u wan na ka jaka shong kaba khuid jong u.

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

LOUKAS 3:6

U khunbynriew baroh u dei ban ïohi ïa ka jingpynim ka jong U Blei!’ ”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 12:41

U Isaïah u la ong ïa kane namar u la ïohi ïa ka burom U Jisu bad u la kren shaphang jong u.

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

KI KAM 2:17

“ ‘Kane ka long kaei kaba ngan leh ha ki sngi bakhatduh, U Blei u ong: Ngan theh noh ïa U Mynsiem jong nga halor uwei pa uwei baroh. Ki khun shynrang bad ki khun kynthei jong phi kin pynbna ïa ka khubor jong nga; ki samla shynrang jong phi kin ïohi ki jingïohipaw, bad ki rangbah ba la tymmen jong phi kin ïoh ki jingphohsniew.

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.