ISAÏAH 40:1 - Khasi CL Bible (BSI)

¹ “Pyntngen ïa ki briew jong nga,” ong U Blei jong ngi. “Pyntngen ïa ki!

KA BAIBL

¹ “To pyntngen phi, to pyntngen phi ïa u paidlang jong nga,” ong U Blei jong phi.

ISAÏAH 40:1 ပူးပေါင်းရင်းမြစ်များ

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

SALM 85:3

Me la sangeh ban bitar ïa ki, bad me la phai noh na ka jingbitar shla jong me.

SALM 85:8

Nga shahshkor ïa kaei kaba U Trai U Blei u ong; u kular ïa ka jingsuk ha ngi, ki briew jong u hi, lada ngim leit phai pat sha ki lynti ba-bieit jong ngi.

EKLESIASTIS 3:4

U buh ka por ban sngewsih bad ka por ban kmen, ka por ban ïam sngewsih bad ka por ban shad,

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

ISAÏAH 41:27

Nga, U Trai, nga long uba nyngkong ban ïathuh ïa ka Seïon ïa ka khubor; nga phah ïa u nonglamktien sha Jerusalem ban ong, ‘Ki briew jong phi ki wan! Ki wan sha ïing!’

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

ISAÏAH 52:9

To risa lang da ka jingkmen, phi ki jingpra ka Jerusalem! U Trai un pyllait ïa la ka nongbah bad un pyntngen ïa la ki briew.

ISAÏAH 60:1

To khie joit, ko Jerusalem bad tyngshaiñ kum ka sngi; ka burom ka jong U Trai ka tyngshaiñ ha phi!

ISAÏAH 61:2

U la phah ïa nga ban pynbna ba ka por ka wan haba U Trai un pynim ïa ki briew jong u bad jop ïa ki nongshun jong ki. U la phah ïa nga ban pyntngen ïa baroh kiba sngewsih,

ESEKIEL 16:42

Te ka jingbitar jong nga kan kut bad ngan long jai jai. Ngan ym bitar lane bishni shuh.

SEKHARAÏAH 1:13

U Trai u la jubab ïa u angel da ki kyntien pyntngen,

SEKHARAÏAH 1:17

U angel u la bthah ruh ïa nga ban pynbna: “U Trai Badonbor Baroh u ong ba ki nongbah jong u kin manbha biang bad ba sa shisien pat un ïarap ïa ka Jerusalem bad kam ïa ka nongbah kum ka jong u hi.”

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

2 KORINTH 1:4

U ïarap ïa ngi ha ki jingjynjar jong ngi baroh, khnang ba ngi lah ban ïarap ïa kiwei kiba don ki jingjynjar babun jait, da kaba pyndonkam ïa kajuh ka lad jingïarap kaba ngi hi ngi la ïohpdiang na U Blei.

1 THESSALONI 4:18

Kumta te, to pynshlur iwei ïa iwei pat da kine ki ktien.